Nɔŋba 16:13 - Ŋ̀âla Kɔlɔ Maa Waai

¹³ Kúkulâi í mò mii-sɛŋ kpɛtɛ-lɔii lɛ́lɛɛi su í pá a kúa ƃɛ́ vɛ̃ɛ-kpâlaŋ su a gɛɛ í kúpaâi gáa a mɛni-loŋ, a gɛɛ í íkpîŋ kɛ́ a kâloŋ kúmɛi?

Nɔŋba 16:13 ပူးပေါင်းရင်းမြစ်များ

Ɛsedɔ 1:11

Mɛni ma dí díkɛ̀ a luɛ-ŋa. Dí nûa pú dímɛi a gɛɛ dí Pitɔŋ da Laŋse tɔɔ mì, nyii-ŋai kɛ̀ a daa-lee-ŋai ƃɛ́i è mii-sãai ŋá tɛ̀ naa gîe mai.

Ɛsedɔ 1:22

Nya ƃe è mò ŋɔnûai kélee dîa ǹyɛɛi, “Ibulu-ŋai kélee da a lóŋ-surɔ̂ŋ maa sɔlɔ ƃô ka bili Ǹâai Ya-leei su. Kɛ́lɛ, ka dílônii nɛyâai kélee lɛ́ɛ a dífulu.”

Ɛsedɔ 16:3

Dí mò dîa dîyɛɛi, “Èei pɔ̂ri kɛ̂i a ǹɛ́lɛɛ a gɛɛ Yâwɛɛ é kúpaa Ize lɔii su. Kú kɛ̀ nàa kúkɛ kúlaa mìi a kúnîa-pere. Kɛ́lɛ ka pá a kúa vɛ̃ɛ-kpâlaŋ su ƃɛ́ puru kɛ́ kúpâa.”

Ɛsedɔ 17:3

Kɛ́lɛ kpele-wɛli è kɛ̀ ǹûai kɛ̂i a ŋánaa. Maa mɛni ma dí dílii ŋwana Mose ma dîyɛɛ mai, “Í kúkùla Ize lɔii su lé mɛni ma? Ƃa ŋ̀wɛ̂lii í kúpaa a kpele-wɛli kwa kúnîa-pɛlɛɛi da kútaa-tulɛ-ŋai?”

Ɛsedɔ 2:14

È ŋ̀óo su tòo ǹyɛɛ ma, “Gbɛ̂ɛ ƃé íkɛ̀ a mɛni ŋá tée-nuu kú mɛi? Gáa íkili ŋá a gɛɛ í ḿbaa yɛ̂ɛ berei í Ize-nuui tí pàa lai?” Mose è nâa kɛ̀ yaôi. È gíli ŋá sia ǹyɛɛi, “Ŋá gɔ́lɔŋ m̀ɛnii ŋá gɛ̀i aâ kula.”

Ɛsedɔ 2:23

Tãi su kôyaa tɛ̀ɛ pôlu ma, Ize kaloŋ è sàa. Eezuɛ-ŋai dí wɔ̀lɔ díluɛ-laai su díkɛ díkpɔŋ-maa-nuu kɔ̀ri. Nya ƃe díwɔlɔ-woo è sèri Ɣâla ma.

Izikiɛ 34:18

Kálaa miɛɛ gala lɛ́lɛɛi ŋí ŋá fé lɛ́lɛ ní, ǹyaa ka dáŋ-nîi a ká kɔ́ɔi? Ká kpeliɛɛ a yá-seɣeŋɔɔ fé lɛ́lɛ-ni ǹyaa ká ǹyái nunûi a kákɔɔi?

Nɔŋba 11:20

Kɛ́lɛ ka pâi miî a ɣáloŋ tɔnɔ. Ka pâi lɛɛ̂i miî gúŋ é nyɔ́ŋ kásũai. M̀ii-wɛ̂li a pâi kpɛɛ̂i kâa. Kpɛ́ni fêi, káfe káyee see ní Yâwɛɛ ŋɔkɛ-naai mu kásama, kákɛ mò kâa, “Kú kùla Ize lɔii su lé mɛni ma?” ’ ”

Nɔŋba 11:4

Ŋɔ̃ya-ŋai kɛ̀ dísamai dí kɛ̀ a dímii-sɛŋ wɛ́liɛɛ. Eezuɛ-ŋai dîa máŋ dí kɛ̀ díŋuŋ-su-woo saâi díyɛɛ, “Gbɛ̂ɛ ƃé pâi sua tɛɛ̂i kúpɔ kú mii?

Nɔŋba 11:5

Ǹyɛ̃ɛi kú kɛ̀ miî Ize lɔii su kpɛ́ni-kpɛnii, nàa káa kúkili ŋá. Kilikɛmai, wata-melɔŋ, gɔ̂ne-yaƃai, da gwii-yaƃai é pɛ́lɛ zãâi nyii-ŋai dîa da mii-sɛŋ kúŋ nɛɛi dímaa mɛni káa kúkili ŋá.

Nɔŋba 13:27

Dí mò Mose mà díyêei, “Kú lì ǹɔii su í kú tɛ̀ɛ naai. Gáa a sí-sɛŋ kpɛtɛ-lɔii lɛ́lɛɛ. Zu si-sãai da ká ŋí.

Nɔŋba 14:2

Nya ƃe Eezuɛ-ŋai kélee dí díŋuŋ su-woo sàa a Mose da Eelɔŋ láa dîyɛɛi, “Maa nɛɛ̂i kɛ̀ kú sáa Ize lɔii su kpaa máŋ vɛ̃ɛ-kpâlaŋ su ƃɛ́.

Nɔŋba 14:3

Yâwɛɛ è pà a kúa ǹɔii ŋí su lé mɛni ma? Kwa pâi lɛɛ̂i kɔ̂i dí kúnɛyâai da kúnîa-pɛlɛɛi sóŋ. Ǹɛ̂lɛɛi a gɛɛ kú lí pôlu Ize lɔii su.”

Nɔŋba 16:12

Nya ƃe Mose è ŋ̀óo tɛ̀ɛ a gɛɛ dí Ilia nônii Dataŋ da Abiraŋ tóli. Kɛ́lɛ dí mò dîyɛɛi, “Kúfe pâi naa.

Lûu 19:14

Kɛ́lɛ, ŋɔlɔii-su-ƃelai dí gbɔ̀ara, dí kela-ŋa tɛ̀ɛ dí pìlaŋ bôlu a gɛɛ dí m̀ó, dîyɛɛ, ‘Kúfe ŋ̀wɛ̂lii nalôŋ ŋi é kɛ́ a kâloŋ kúmɛi.’

Zia-ƃelai Kɛ́-mɛni-ŋai 7:35

“Mosei ŋí dí díyee kula mu, díkɛ m̀o, dîyɛɛi, ‘Gbɛ̂ɛ ƃé íkɛ̀ a núu kɛ́tɛ da mɛni ŋá-tee-nuui?’ Ǹyaa nɔ́ ƃé Ɣâla è dɛ̀ɛ, a gɛ́ɛ é kɛ́ a núu-mɛi-nuu da núu-ŋuŋ ma ƃó-nuu Ŋ̀âla-taa kelai sârai nyíi pà bɔ́ ŋ̀álêŋ kpɔlɔi sui.