Nɔŋba 15:27 - Ŋ̀âla Kɔlɔ Maa Waai

²⁷ “Núu a wàla gíri é sɔnyɔ̂ŋ kɛ́, fɛ̂ɛ é pá a kóraŋ-tɔnɔ ƃoli-saa ŋɔsɔnyɔ̂ŋ su-mɛni lɛɛ-sala kula mɛni ma.

Nɔŋba 15:27 ပူးပေါင်းရင်းမြစ်များ

Levetekɔ 4:2

“M̀ó Eezuɛ-ŋai dîa à kɛ̀ núu da a Yâwɛɛ ŋɔtɔ̂ŋ da kàra nyii vé gíri níi, fɛ̂ɛ maa ǹúui é mɛni-ŋai ŋí kɛ́.

Nɔŋba 6:14

É sâla kula Yâwɛɛ ma a taa-tulɛ saaƃa nyii-ŋai pɔ́ɔ fé diai. Kóraŋ tɔnɔ ƃála-sirɛ kéreŋ-sala mɛni ma, kóraŋ tɔnɔ ƃála, sɔnyɔ̂ŋ sala mɛni ma é pɛ́lɛ ƃála-sirɛ tɔnɔ ma lii-see sala mɛni ma.

Lûu 12:48

Kɛ́lɛ, ǹúui ve gɔlɔŋ, kɛ́lɛ, e mɛni nyɔ́mɔɔ kɛ̀ nyii da pɔ̂ri ǹókwâi mɛni mai, da pâi ǹókwâi a guro-te. Ǹúui da dámaa tɛɛ bɔi, fɛ̂ɛ e dámaa tɛɛ pôlu; ǹúui a sãâ támaa mɛi kâai, ŋûa-kpiri ƃa é dámaa mɛi káa.

Zia-ƃelai Kɛ́-mɛni-ŋai 17:30

Ɣâla è ŋ̀ɛ́i nàɣiŋ mɛni-ŋai mɛi ká gɛ̀ a tãi káfe kɛ́ ní a gɔ́lɔŋɔɔ lai. Kɛ́lɛ, a nâa núu kélee tóli a gɛ́ɛ dí dílii pene.

Zia-ƃelai Kɛ́-mɛni-ŋai 3:17

“M̀ɛni ma ŋánûa, ŋá gɔ́lɔŋ a gɛ́ɛ káfe kɛ́ ní a m̀ɛnii kɔ́lɔŋɔɔ ká kɛ̀ gɛ̂i, yɛ̂ɛ berei nɔ́ kánuu kpaya-kpayai dí gɛ̀ lai.

Temete Maa-ŋuŋ 1:13

Berei máŋ ŋá wɔ́lɔ tɛ-ŋa-woo ƃò la é pîlaŋ mà ŋá gbɔara ŋá ŋ̀ɛ́i falai, kɛ́lɛ, ŋá maloŋ-kaa sɔlɔ ƃô ǹyêei, kpɛ́ni fêi, mɛni-ŋai ŋá kɛ̀ gɛ̂i, fé kɛ́ ni a gɔ́lɔŋɔɔ. Laa-la fé kɛ́ ni ńyêei.