Nɔŋba 14:9 - Ŋ̀âla Kɔlɔ Maa Waai

⁹ Mɛnii nɔ́ ka pɔ̂ri gɛ̂i nya ƃa ká Yâwɛɛ wóo mɛni, káfe ŋ̀óo sîa tòo. Káfe yào ǹûai dîa díkaa naai. Kwa pâi díyee mɛi ɣâlei nɔ́ a vii-kpɛɛ. Káfe yao dîa, kpɛ́ni fêi, Yâwɛɛ káa kúkɔlɛ, a díɣâla-ŋai yée mɛi ɣále.”

Nɔŋba 14:9 ပူးပေါင်းရင်းမြစ်များ

Zɛnɛse 48:21

Nya ƃe Zeeka è mò Zosɛ ma ǹyɛɛi, “Gáa, ŋa pá nâa saâi, kɛ́lɛ Ɣâla a pâi kɛ̂i kákɔlɛ. A pâi pâi ŋɔ́nɔ a káa pôlu kánâŋ-ni dílɔii su.

Kɔlɔnikɔ Veerɛi 13:12

Ɣâla káa kúkɔlɛ. Nya ƃe gáa a kúlaa-tuɛ-nuu. Ŋɔsâla láa-soŋ-ƃelai díkaa ƃɛ́ díturuii kɛ́ ƃò díyêei a gɛ́ɛ dí gɔ́-tee turuii fɛ́ɛ. Eezuɛ-ƃela, káfe kɔ́ pɛ̀lɛ kánâŋ-ni Díɣâlai Yâwɛɛ mà, kpɛ́ni fêi káyee fé pâi lɔ̂i.”

Kɔlɔnikɔ Veerɛi 15:2

Nya ƃe Azaria è lì é mó Asa da Zuda-ƃelai é pɛ́lɛ Bɛŋsima ŋɔsuui su-ƃelai kélee dîa ǹyɛɛi, “Ka ŋ́oo mɛ́ni. Yâwɛɛ káa kápôlu à kɛ̀ kà kɛ̀ bôlu. À kɛ̀ ka vɛli, ka pâi gâai. Kɛ́lɛ à kɛ̀ ka káyee kùla mu, a pâi ǹyée kulâi ká mu.

Kɔlɔnikɔ Veerɛi 20:17

Káfe pâi kɔ̂i gɔ́i ŋí su. Katɔɔ kátɔɔ̂i a gbanaŋɔɔ ká gáa berei Yâwɛɛ a pâi káŋuŋ ma ƃôi la káai a Zuda da Zerusâlɛŋ-ƃelai. Káfe yào, kálii fé tòo pôlu. Ka tínaa lí ká tɔɔ díperei. Yâwɛɛ a pâi kɛ̂i ká pôlu.’ ”

Kɔlɔnikɔ Veerɛi 32:8

Diai díkaa bôlui díkaa nɔ́ a núu-kpune. Kɛ́lɛ Yâwɛɛ Kúɣâlai káa kúpôlu a gɛ́ɛ é kpɔ́ŋ kûa kú gɔi ŋí kɔ́.” M̀ɛnii ŋí Zuda kaloŋ Ɛsekaya è mò ǹûai diai, è díkili kula.

Niɛmaya 4:14

Ŋá ŋánûai kàa ŋá gɔ́lɔŋ a gɛɛ dílii è kɛ̀ sɛ̂lɛnii. Nya ƃe ŋá ǹûai da dílaa túɛ-ƃelai tòli kwaa tɔ̂nɔ ma ńyɛɛ dîai, “Káfe yào ǹûai ŋí dîa. É lɛ́ɛ kákili ŋá a gɛɛ wála wâla káa Kánuu-namui yêei. A mɛni nyɔ́mɔ kɛ́ nuu kula maa kɛ̂. M̀ɛni ma, kà tɔɔ a gbanaŋɔɔ. Ká kɔ́ kákaayɔɔ-ŋai mɛni ma, kánɛyâai da kápɛrɛ-ŋai!”

Wule-woo-ŋa 106:24

Kɛ́lɛ dí díyee kùla ǹɔii lɛ́lɛɛi mu Ɣâla è dɛ̀ɛ dípɔi. Dífe láa-ni a Ɣâla ŋɔkono têei mɛni.

Wule-woo-ŋa 121:5

Yâwɛɛ ƃa ímɛi káa-nuui. Gáa íkɔlɛ ma, gɛ́ ímaa kɔ̃̂ɔ.

Wule-woo-ŋa 14:4

Yâwɛɛ è m̀o ǹyɛɛi, “Táre da fé ǹûa ŋwana-lɔ̂ɔ-ŋai ŋí ŋuŋ su? Díƃoo ƃé m̀oɔɔ̂i? Da ŋánûai miî yɛ̂ɛ núu a kɛ̀ kpólo miî. Dífa wɔ́lɔ ḿvɛ̀li ńyãa, Yâwɛɛ a dɔnɔ kpîŋ.”

Wule-woo-ŋa 46:11

Ŋ̀wála-wâla kélee Yâwɛɛi káa kúkɔlɛ ma. Zeeka Ŋɔɣâlai ƃa kúŋuŋ ma ƃó-nuui.

Wule-woo-ŋa 46:7

Ŋ̀wála-wâla kélee Yâwɛɛi káa kúkɔlɛ ma. Zeeka Ŋɔɣâlai ƃa kúŋuŋ ma ƃó-nuui.

Wule-woo-ŋa 46:8

Ka pá ka m̀ɛni-ŋai káa Yâwɛɛ a gɛ́i. Ka m̀ɛni mĩli-mili-ŋai káa a gɛ́ ǹɔii mai.

Wule-woo-ŋa 74:14

í ŋ̀uŋ wólo, í dɛ́ɛ vɛ̃ɛ-kpâlaŋ su fɛnɛ-sãai pɔ́ a díkɔnɔ̃ŋ.

Wule-woo-ŋa 91:1

Ǹúui pâi kɛ̂i Yâwɛɛ ŋɔwála-wala-laai mui, a pâi víi tɔɔ̂i Ŋ̀wála-wâla kélee Ɣalai ninîŋ mu.

Ɛsedɔ 14:13

Nya ƃe Mose è mò dîa ǹyɛɛi, “Káfe yào. Ka tɔ́ɔ tɔ̂ŋ ká Yâwɛɛ ŋɔƃálo-laai káa a pâi dɛɛ̂i kápɔ sâai. Kpɛ́ni fêi, Ize-ŋai ŋí ka díkâai sâai, káfe pâi ŋɔ́nɔ wɔ́lɔ díkâai.

Ɛsedɔ 33:16

Da pâi gɔ́lɔnîi léŋ a gɛɛ ílii lâai kwa ínûai kúyêei? Kwa kâa-ni kúkɛɛ liî fé a kúkɛ a ǹûa da kpɛ́ni-ŋa ǹûai kélee díkaa ŋ̀éniɛi sui samai?”

Azaya 1:2

È mò ǹûai dîa a gɛɛ Ɣâla Yâwɛɛ ǹyɛɛi, “Ŋ̀elei da ǹɔii su-ƃelai kélee, ka káwoli tɔ́ɔ m̀ɛnii ma ŋa pâi m̀ôi. Ǹîa-pɛlɛɛi ŋá díkùla zui, da tɔ́ɔ ḿâ.

Azaya 32:2

Gâloŋ ŋí da ŋɔtíi kɛ́-ƃela kpaya-kpayai da pâi Eezuɛ maa kɔ̃ɔ̂i ŋɔkpɔara-ƃelai yêei. Da pâi kɛ̂i m̀ɛi yɛ̂ɛ ya-ɣɛ̂li ƃé ɣilînii lɔii kpâla ma. Da pâi kɛ̂i m̀ɛi yɛ̂ɛ kɔni kɛ́tɛ niniŋ fɛ̃ɛ-kpâlaŋ su.

Azaya 41:10

Ŋ́gaa kákɔlɛ, káfe yào! Ńyãa ƃa Káɣâlai, sɛŋ da fé pâi ká m̀aa yaôi! Ŋá pâi kákponôi kpananîi, ŋá kpɔŋ mâa tɛ̀ɛ ká pɔ́. Ŋá pâi kámaa kɔ̃ɔi ŋá ká káŋuŋ ma ƃó.

Azaya 41:14

Yâwɛɛ a m̀ôi ǹyɛɛi, “Eezuɛ-ƃela, berei máŋ ka kuro-téɛɛ̂i lai káfe yào. Ŋa pâi kpɔŋ mâa tɛɛ̂i kápɔ. Ńyãa ƃa Eezuɛ Ŋɔɣâla Maa Waai. Ńyãa ƃé káŋuŋ mâ ƃò.

Azaya 63:10

Kɛ́lɛ, da wɔ́lɔ dípôlu tɔ̀ɔ nɔ́ m̀a, díkɛ gɛ̀ Ŋɔmɔ̃̂leŋ Maa Waai líi kɛ́ tòo pôlu. Nya ƃe Yâwɛɛ è kɛ̀ a díkpɔara-nûu, é kɔ́ dípɔ.

Zɛlemaya 1:19

Da pâi kɔ̂i ípɔ, kɛ́lɛ díyee fé pâi pɔrîi yâ. Kpɛ́ni fêi ńyãai ŋ́gaa a Yâwɛɛ, ŋa pâi ímɛi kâai, ŋa íkula yêei kɛ́.” Ńyãai ŋ́gaa a Yâwɛɛ, ńyãa ƃé mò tí.

Zɛlemaya 42:11

Káfe nâa yào Babelɔŋ kaloŋ ma. Ŋ́gaa kákɔlɛ. Ǹyaŋ ŋa pâi kákulâi ŋɔwála-wala laai mu,

Zɛlemaya 48:45

Gɔ-pû-ƃelai nyíi-ŋai pɔri mâa fé kɛ́ ní dîɛi, dí lì dí tɔ́ɔ Ɛsibɔŋ koo mu. Ɛsibɔŋ ŋí ƃé kɛ̀ a daa-lêei Siɔŋ è wɔ́lɔ kɛ̀ naa mɛi. Dífe pɔri ní kɛ̀ tɛ̂i daai su, kpɛ́ni fêi, ŋɔŋ è kɛ̀ daai ma. Ŋɔŋ è ǹɔii ŋɔkɔyɛŋ-perei kêreŋ da ǹyée tôŋ su nyíi Môa-ŋai kɛ̀ a kɔ́ mɛni wɛ́liɛɛi dí kɛ̀ a díseɛɛ naai.

Danîa 9:5

“Kwa sɔnyɔ̂ŋ kɛ́ a yá. Kwa mɛni nyɔ́mɔɔ-ŋa kɛ́ kwa tɔɔ yâ. Kwa tɔɔ mɛni-ŋai dîa í mò kûai, kúfe ŋɔ́nɔ siâi a ítɔ̂ŋ-ŋai lá-woo.

Danîa 9:9

Berei máŋ kútɔɔ̂i la yâi, maloŋ kâa da su-mɛni lɛ̂ɛ káa nɔ́ íyêei kúmɛni ma.

Nɔŋba 13:30

Kɛ́lɛ Kelɛ è ǹûai kɛ̀ dí dímɛi sáa, nyii-ŋai kɛ̀ díŋuŋ su-woo saâi a Mose láai ǹyɛɛi, “Kwaa lí a maa félaa kú sée naa. Kpɛni fêi, pɔ̂ri káa kûɛ a gɛɛ kú gula-yeei kɛ́.”

Nɔŋba 17:6

Nya ƃe Mose è lòno Eezuɛ-ŋai pɔ́. Ǹúu-suu puu káo feerɛi kélee dí-tuɛ-ƃelai dí sia-wûru tɛ̀ɛ Mose pɔ́ tɛi-tɛi. Eelɔŋ ŋɔsia-wûrii è kɛ̀ zia-wûru-ŋai ŋí sáma.

Nɔŋba 20:2

Kɛ́lɛ yá fé kɛ́ ni ƃɛ́i dí díƃûui pù naai. Nya ƃe díkelee dí díŋa tɛ̀ díkîe ma dí lí Mose da Eelɔŋ pɔ́ naa.

Nɔŋba 24:8

Ɣâla è díkùla Ize lɔii su, gɛ́ kɔ̀ dímɛni ma yɛ̂ɛ tou-sirɛ. Eezuɛ a ŋɔkpɔara-ƃelai su karâi, é díkao ɣále-ɣale é díŋɔtɔ̃a-ŋai kara.

Maafîu 1:23

“Ka gáa, nɛnî-kpela tɔnɔ a pâi koo siɣêi é lóŋ-surɔŋ maa sɔlɔ ƃó, nyii da pâi dôlii a Imayuwɛ” (nyii su-kulai ƃa, Ɣâla káa kúkɔlɛ).

Lomaŋ 8:31

Lé ŋaŋ ƃe kwa pâi m̀ôi e pîlaŋ nyíŋi ma? À kɛ̀ Ɣâla káa kúmɛni ma, gɛ̀ ní gbɛ̂ɛ ƃe dɔɔ̂i kûa?

Dutɛrɔnome 1:26

“Kɛ́lɛ káfe fáa ní ma a gɛɛ ká lí naa. Ká tɔ̀ɔ Káɣâlai Yâwɛɛ ma,

Dutɛrɔnome 1:29

“Nya ƃe ŋá mò ńyɛɛi, ‘Káfe yào dîa.

Dutɛrɔnome 31:6

Ka kálii kpéle ká kɛ́ yɛ̂ɛ kpakolo-ŋa. Káfe yào ká kɛ́ kpɛ̃liŋ. Káɣâlai Yâwɛɛ a pâi kɛ̂i kátuɛ. Vé pâi teêi kâa kpaa máŋ é kámaa sîa too.”

Dutɛrɔnome 31:8

Yâwɛɛ ǹyaa kpîŋ a pâi kɛ̂i kátuɛ. Vé pâi wɔ́lɔ teêi kâa kpaa é nia kâa. Káfe yào, kálii fé tòo pôlu.”

Dutɛrɔnome 32:42

Ŋásɔalai a pâi kɛ̂i a díŋãa tée-tee. Diai kélee dítɔɔ̂i mâi, ŋa pâi dípaâi a ŋáƃoa-sɔ̂kpɔi. Diai kélee dítɔ̂ɔi ḿâi, da fé pâi lɛɛ̂i, é máŋ kpîŋ kɛ́ a diai dí díŋwanai, kpaa diai díkaa a kɔ-sôŋ-ŋai.’

Dutɛrɔnome 7:18

Kɛ́lɛ káfe yào dîa. M̀ɛnii kíli é lɛ́ɛ káŋa nyii Káɣâlai Yâwɛɛ è gɛ̀ a Ize kaloŋ Ize lɔii sui.

Dutɛrɔnome 7:21

Káfe yào dîa, kpɛ́ni fêi, Káɣâlai nyii kásamai, gɛ̂tɛi, maa mili-mĩliɛɛ.

Dutɛrɔnome 9:7

“Ka gɔ́lɔŋ berei ka Káɣâlai Yâwɛɛ líi ŋwàna la vɛ̃ɛ-kpâlaŋ sui. É síɣe tãi ma ká kùla la Ize é lɛ́ɛ la zu ká seri ƃɛ́i ka tɔɔ̂i naai.

Felepiɛŋ 1:27

Ka ǹɛɛ nɔ́ naa kakɛ-ɣeniɛi kɛ-pere é kɛ́ Kôrai ŋɔtuŋ lɛ́lɛɛi ŋɔperei ma, a gɛ́ɛ a nɛ̃ɛ ma kpîŋ ŋá pá a gɛ́ɛ ŋá kákaa kpaa máŋ ŋá kɛ́ ŋ́ɛi pôlu, ŋá mɛni a gɛ́ɛ kákaa tɔɔ̂ni a gbanaŋɔɔ mɔlêŋ tɔnɔ su a kili-ŋa-sia tɔnɔ, kátɔɔ̂i kɛ́ ƃô tɔnɔ ká kɛ́ kɔ́ gîe ma Duŋ Lɛ́lɛɛi maa-laa-lai mɛni ma.

Zasua 1:5

Núu da kélee yée fé pâi pɔrîi yâ ífulu-laai su. Ŋa pâi kɛ̂i íkɔlɛ yɛ̂ɛ berei nɔ́ ŋá kɛ̀ la Mose kɔlɛi. Ḿve pâi teêi ípôlu kpaa máŋ ŋá ḿbôlu tɔɔ yâ.

Zasua 14:12

M̀ɛni ma, ǹyée lɔii ŋí tɛ́ɛ ḿbɔ nyíi Yâwɛɛ è góno tèe la ńyêei kpɛ́ni fêi, yá kpîŋ í m̀ɛni a maa ɣêlei tí berei Anakiŋ-ŋai dí kɛ̀ la naa dítaa lêei-ŋai maa tínaŋɔɔ a siɣãŋ. Kɛ́lɛ Yâwɛɛ a pâi kpɔŋ mâa tɛɛ̂i ḿbɔ ŋá díkpɛ yɛ̂ɛ berei è mò lai.”

M̀ɛni-sâa Ƃó-ƃelai 1:22

Ifiraŋ da Manasɛ dísuu su-ƃelai dí lì dí kɔ́ pɛ́lɛ Bɛtɛ taa-leei ma. Maa tãi tí ma, da kâa daai ŋí tòli a Luzi. Yâwɛɛ è tɔ̀ɔ ǹûai ŋí pôlu.