Nɔŋba 14:8 - Ŋ̀âla Kɔlɔ Maa Waai

⁸ À kɛ̀ Yâwɛɛ líi lâai kúmɛni ma, a pâi liî a kúa zí-sɛŋ kpɛtɛ-lɔii lɛ́lɛɛi ŋí su é dɛ́ɛ kúpɔ.

Nɔŋba 14:8 ပူးပေါင်းရင်းမြစ်များ

Samia Veerɛi 22:20

A ŋ́uŋ ma ƃò é pá a ńyãa kwaa ponóɔɔ ma. A ŋ́uŋ ma ƃò, kpɛ́ni fêi, ǹíi lâai ńyêei.

Kâloŋ Maa-ŋuŋ 10:9

Laa-maa-tɛ é tɛ́ɛ Íɣâlai Yâwɛɛ pɔ́ nyíi ǹíi lâai íyêei. A ísee gâloŋ see-sɛŋ ŋá Eezuɛ, kpɛ́ni fêi, Yâwɛɛ ŋɔwɔ́lɔ-wɔlɔ da wɔ́lɔ-wɔlɔ wɛli-kɛ-maai káa nɔ́ naa Eezuɛ mɛni ma, a í kɛ́ a kâloŋ a gɛ́ɛ í teniŋ-ƃo da tɔ̃yâ laa lɛ́.”

Kâloŋ Veerɛi 18:32

tãi kpua yée mu. Naa pôlu ma a pâi pâi é lí a káa lɔii-ŋuŋ da kpɛ́ni su ƃɛ́i naa lɛ̂lɛɛi kpɔ́ nɔ́ yɛ̂ɛ ká lɔii. Ka pâi kákpîŋ kpɔmɔ-ƃa kpalaŋ-ŋa sîi naa, ká kákpîŋ si-sãa sí ǹyaŋ ɔle da kɔ̃iŋ-wulɔ támaa da pâi kɛ̂i káyêei naa. Ka láa a ńyãa, puru fé pâi ká paâi naa. Ɛsekaya a m̀ôi kâa a gɛɛ Yâwɛɛ a pâi ká ƃâloi. Kɛ́lɛ gáa ká pɛlɛ̂i.

Wule-woo-ŋa 22:8

Da kɛ̂ m̀ôi dîyɛɛi, “Gíli tɔɔ̂i Yâwɛɛ ma, tɔɔ ŋaŋ é ŋ̀uŋ ma ƃó. Tɔɔ Yâwɛɛ é ŋ̀uŋ ma ƃó, kpɛ́ni fêi, ǹíi lâai ǹyêei.”

Ɛsedɔ 3:8

Ŋa pá a gɛɛ ŋá díkula Ize-ŋai yêei ŋá pá a dia lɔii kɛ́tɛ lɛ́lɛɛ su ƃɛ́i Keena-ŋai díkaa naa da Ita-ŋai, Amɔra-ŋai, Pɛriza-ŋai, Iva-ŋai, é pɛ́lɛ Zɛbusi-ŋai dîa.

Azaya 62:4

Núu da fé pâi ŋɔ́nɔ ítôlii a “Ǹúui ńyii Ɣâla a bôlu tɔ̀ɔ m̀ai,” kpaa máŋ dí ílɔii tóli a “Nɛnî nyii bɔŋ a bôlu tɔɔ mai” Ílaa ninai ƃé pâi kɛ̂i a, “Ɣâla líi laai ǹyêei.” Da pâi kálɔii tôli a, “Lii-nɛɛ tùa-laa,” kpɛ́ni fêi Yâwɛɛ líi lâai káyêei, ǹyaŋ a pâi kɛ̂i yɛ̂ɛ kálɔii ŋɔsurɔ̂ŋ.

Zɛlemaya 32:41

A pâi ńii nɛ̃ɛ̂i ŋá mɛni lɛ́lɛɛ kɛ́ dîɛ. Ŋa pâi gɛ̂i dí sée ǹɔii ŋí su teniŋ ƃô pere su wɔ́lɔ-wɔlɔ da wɔlɔ-wɔlɔ.

Zɛfɛnâya 3:17

Íɣâlai Yâwɛɛ káa íkɔlɛ. Ŋɔwála-wala-laai à gɛ̀ íyee é tɛ́ɛ íkpɔara-ƃelai dîa. A pâi lii-nɛ̃ɛ kulâi í mɛni ma, a pâi ísɔnyɔ̂ŋ su-mɛni lɛɛ̂i ŋɔwɛ̂li-kɛ-maai mɛni ma. A pâi wule toôi é lii-nɛ̃ɛ kula ímɛni ma

Nɔŋba 13:27

Dí mò Mose mà díyêei, “Kú lì ǹɔii su í kú tɛ̀ɛ naai. Gáa a sí-sɛŋ kpɛtɛ-lɔii lɛ́lɛɛ. Zu si-sãai da ká ŋí.

Nɔŋba 16:14

Tɔ̃yâ mà ífe pá ní a kúa mii-sɛŋ kpɛtɛ-lɔii lɛ́lɛɛ mâ. Ífe tela kúsee-lɔii lɛ́ ní kûa da kpɔmɔ-ƃa-kpalaŋ. Ƃa ŋ̀wɛ̂lii í kúpɛlɛ? Kúfe pâi liî naa.”

Lomaŋ 8:31

Lé ŋaŋ ƃe kwa pâi m̀ôi e pîlaŋ nyíŋi ma? À kɛ̀ Ɣâla káa kúmɛni ma, gɛ̀ ní gbɛ̂ɛ ƃe dɔɔ̂i kûa?

Dutɛrɔnome 10:15

È kánâŋ-ni wɛ̀li a ŋánaa. Mɛni ƃé a ká kɛ́ la ǹɔii-ŋûŋ-ŋai kélee mɛi yɛ̂ɛ berei gáa la sâai.

Zasua 14:12

M̀ɛni ma, ǹyée lɔii ŋí tɛ́ɛ ḿbɔ nyíi Yâwɛɛ è góno tèe la ńyêei kpɛ́ni fêi, yá kpîŋ í m̀ɛni a maa ɣêlei tí berei Anakiŋ-ŋai dí kɛ̀ la naa dítaa lêei-ŋai maa tínaŋɔɔ a siɣãŋ. Kɛ́lɛ Yâwɛɛ a pâi kpɔŋ mâa tɛɛ̂i ḿbɔ ŋá díkpɛ yɛ̂ɛ berei è mò lai.”