Nɔŋba 14:34 - Ŋ̀âla Kɔlɔ Maa Waai

³⁴ Ká ɣele-kuu buu náaŋ sìɣe ká ǹɔii su káa la. Mɛni ma ka pâi mɛni-soli kâai kásɔnyɔ̂ŋ mɛni ma a kóraŋ buu náaŋ nyii-ŋai dítɔɔ̂i ŋ̀ele kuu buu náaŋ tí kélee mɛni ma tɛi-tɛi, a gɛɛ ka gɔ́lɔŋ ńdɔɔ̂i kâa.

Nɔŋba 14:34 ပူးပေါင်းရင်းမြစ်များ

Kâloŋ Maa-ŋuŋ 8:56

“Laa-ma-tɛ é tɛ́ɛ Yâwɛɛ pɔ́ nyíi a fii tɔɔ tɛ̀ɛ ŋɔnûai Eezuɛ-ŋai pɔ́ yɛ̂ɛ berei è góno tèe lai. Vé tá wɔ́lɔ fɛɣɛ ní a dɔnɔ kpîŋ a gɛ́ɛ é ŋɔkono-têe lɛ́lɛɛ-ŋai ŋ̀aa-see kɛ́ nyíi è gɛ̀ ǹyée mu-nuui Mose sârai.

Kɔlɔnikɔ Veerɛi 36:21

Tãi ŋi yée mu, ǹɔii è vii-tɔɔ ŋɔfii-tɔɔ-ɣelei ma. Núu da fé kɛ ni naa é tíi kɛ́ ǹɔii ma kóraŋ buu-lɔ́ɔlu mɛi feerɛ yée mu. Mɛnii ŋí è kɛ a Yâwɛɛ wóo ŋaa-see kɛ́ɛ nyíi è m̀o Zɛlemaya sarâi.

Wule-woo-ŋa 105:42

È gɛ̀ tí, kpɛ́ni fêi, gono teei è gɛ̀i, maa mɛni è kɛ̀ ǹûai kíli ŋá. È gono-teei ŋí kɛ̀ ŋɔtíi kɛ́-nuui Eberaɣɛ̃ɛ yêei.

Wule-woo-ŋa 38:4

Ŋásɔnyɔ̂ŋ su a kɛ́tɛ, ŋ̀uyɛ a tɛɛ ŋ́gbono ma.

Wule-woo-ŋa 77:8

Ŋɔwɛli kɛ́-maa kpanaŋ kɔ̃́yɛŋ nɔ́ ƃé ŋí kúmɛni ma? A ŋɔkono-teei maa fáleŋ ƃe ŋí kúmɛni ma?

Wule-woo-ŋa 95:10

Dí tɔ̀ɔ ḿâ a kóraŋ buu náaŋ. Nya ƃe ŋá m̀o ńyɛɛ, ‘Díkaa a ŋánûa, kɛ́lɛ dífe ḿbôlu. Dífe siâi a ŋátɔ̂ŋ-ŋai wóo.’

Izikiɛ 14:10

Gɛ̀ ní, da pâi díkpɔɔi sɔnyɔ̂ŋ maa fela-fêi kɛ̂i. Ɣâla ŋɔlóno-kɛ-nuui da ǹúui nyii pâi pâi bɔ naai dífeerɛŋɔɔ dísɔnyɔ̂ŋ a pâi kɛ̂i a bɔriɛɛ.

Izikiɛ 23:35

“Tãi yà nâa nia la ḿâ, ya ńdũaŋ ípôlu-perei, yà pâi ísurɔ̂ŋ wɛli lii ŋánaai da íwulu-wulu kɛ́ɛi maa mɔ̃lɛ-laa kɛ̂i.”

Izikiɛ 4:5

Yâ pâi kɛ̂i lâai a fólo kûu ŋuŋ saaƃa pôlu buu lɔ́ɔlu mɛi náaŋ (390). Ǹyaŋ a pâi ǹɛ́i a gɛɛ ŋa pâi Eezuɛ-ŋai kula maa kɛ̂i a kóraŋ ŋuŋ saaƃa pôlu buu lɔ́ɔlu mɛi náaŋ (390). Mɛni ma ya pâi mɔ̃lɛi Eezuɛ-ŋai mɛ̂ni ma.

Izikiɛ 4:6

Tãi yâ pâi kpɛɛ̂i la ŋ̀ele kûu-ŋai ŋí mai, gɛ̀ ní ya pâi lâai íyee gbeli mɛi pere a gɛɛ í Zuda-ƃelai dímɛni kula maai síɣe. Ya pâi kɛ̂i lâai a fólo buu náaŋ. Vólo kûu-ŋai ŋí dɔnɔ a pâi kɛ̂i kóraŋ tɔnɔ dísɔnyɔ̂ŋ-ŋai kula maa kɛ́ mɛni ma.

Danîa 9:24

“Góraŋ lɔ́ɔlu mɛi feerɛ seêi buu lɔ́ɔlu mɛi feerɛi kpɛɛ-ŋa tãi ƃé pâi kɛ̂i a káŋuŋ ma ƃò m̀ɛnii kɔ́ɔ pîlaŋ tãi da kátaa-lee maa waai. Zĩai ŋaa-see a pâi kɛ̂i. Ɣâla a pâi kásɔnyɔ̂ŋ su-mɛni lɛɛ̂i, é tɔ̃yâ-laa mɛni ƃóɔɔ kɔ́ɔ pîlaŋ kámɛni ma. A pâi gɛ̂i káa kpîŋ ka Ŋɔpɛ́rɛ Maa Waai tɛ́ɛ ŋɔ́nɔ bɔ́ pôlu.

Osia 9:12

À kɛ̀ kpîŋ da nîa-pɛlɛɛ maa sɔlɔ ƃò, ŋa pâi dípaâi. Dítɔnɔ fa lɛ̂ɛ ɣele ma. Ŋà kùla dípôlu, kpalo ƃêlaai dîa!”

Levetekɔ 20:19

À kɛ̀ núu da ǹâŋ zaaƃɔlɔ kpaa máŋ ǹee ǹêɣe kpaa máŋ ǹee ǹîa nɛni da ǹyii gɛ̀ ní dífeerɛ da sɔnyɔ̂ŋ kɛ́. Fɛ̂ɛ dífeerɛ dí m̀aa tɔ̂ŋ kpɛ maa sɔlɔ ƃó.

Zɛkɛrâya 11:10

Nya ƃe ŋá Ŋámaloŋ-kâa wuru kpuai sîɣe ŋá zu ɣále, ŋá ŋákono-têei su kara nyii ŋá gɛ̀ núu kélee mɛni mai.

Nɔŋba 13:25

Ɣele-kuu buu náaŋ tɛɛ pôlu mai dí nâa kùla ǹɔii su-kaa siai mâ dí pá pôlu.

Nɔŋba 18:23

Liiva-ŋai nɔ́ ƃe pâi tíi kɛ̂i Zua kɔlɔ seɣe pɛrɛ maa waai mu. Maa mɛni kélee káa a díŋûa-kpiri. Dɔ̂ŋ ŋí káa ísuui su-ƃelai kélee mɛni ma wɔlɔ-wɔlɔ da wɔlɔ-wɔlɔ. Liiva-ŋai díkɔ̃liŋ da kélee fé pâi kɛ̂i ma Eezuɛ.

Nɔŋba 32:13

Yâwɛɛ líi è ŋwàna Eezuɛ-ŋai dîa é díkɛ dí sía vɛ̃ɛ-kpâlaŋ su a kóraŋ buu náaŋ é lɛ́ɛ la zu diai kélee sɔnyɔ̂ŋ kɛ̀ Yâwɛɛ ŋ̀ɛ́i-tuɛi dí sáa.

Zia-ƃelai Kɛ́-mɛni-ŋai 13:18

È dímɛi kàa a kóraŋ buu náaŋ vɛ̃ɛ-kpâlaŋ su.

Dutɛrɔnome 2:7

“Yâwɛɛ a lûwa láa kâa m̀ɛnii su ka gɛ̂i. È m̀ɛnii kɔ́lɔŋ ká tɛ̀ɛ zu vɛ̃ɛ-kpâlaŋ sui. Góraŋ buu náaŋ ká gɛ̀ naa è kɛ̀ kákɔlɛ. Sɛŋ da gôlo fé tòo ní kâa.

Ibulu 4:1

Mɛni ma tãi núu liɛ ŋɔfii-tɔɔi su maa-kono-teei káa niî la naai, kwaa ku mɛi káa. À wàla kɛ́ tí da pâi káta-ni dímɛnii ŋá têei a gɛɛ ka fɛɣɛ a seriɛ ma.

Zasua 14:10

Ǹyaŋ gáa, Yâwɛɛ a gɛ́ ŋa lɛɛ a ḿvulu tãi ŋí a seri yɛ̂ɛ berei è mò lai. Gono têei ŋí kɛ́ɛ Yâwɛɛ mì Mose yêei a kɛ́ a kóraŋ buu náaŋ káo lɔ́ɔlu, Eezuɛ-ŋai kɛ́ɛ kɛ̀ vɛ̃ɛ-kpâlaŋ sui. Ǹyaŋ gáa, ŋ́gaa nâa a kóraŋ buu lɔ́ɔlu mɛi saaƃa káo lɔ́ɔlu.

M̀ɛni-lɛɛi 11:3

Ŋa pâi wála-wala tɛɛ̂i ŋásêre feerɛi pɔ́ a gɛɛ dí Ɣâla-woo ƃó ɣele-kuu wála tɔnɔ pôlu ŋuŋ feerɛ pôlu buu lɔ́ɔlu mɛi da (1,260) yée mu, dímaa ɣiriɛ a maloŋ tôo-maa sêɣe.”

Samia Maa-ŋuŋ 2:30

Mɛni ma, Ńyãa Yâwɛɛ, Eezuɛ-ŋai Díɣâlai, ŋá ŋ́gono tèe a gɛɛ ínûai da ínâŋ-ni dínûai da pâi kɛ̂i a ŋásâla láa soŋ-ƃela wɔ́lɔ-wɔlɔ da wɔlɔ-wɔlɔ. Kɛ́lɛ ŋa môi yâ a gɛ́ɛ dîai nɔ́ da ƃaa-kɛ́-maa tɛ̀ɛ ḿbɔi, dia nɔ́ ƃé ŋa pâi ńyee seêi dímu ŋá dîai kula maa kɛ́ da tɔ̂ɔ ḿâi.