Nɔŋba 14:23 - Ŋ̀âla Kɔlɔ Maa Waai

²³ dɔnɔ kpîŋ fé pâi ŋ̀ɛ́i lâai ǹɔii mâ ŋá ŋ́gono tèe la dínâŋ-ni yêei. Diai kélee díŋɛi nàɣîŋ ḿɛi, dɔnɔ kpîŋ fé pâi ŋ̀ɛ́i lâai ǹɔii tí mâ.

Nɔŋba 14:23 ပူးပေါင်းရင်းမြစ်များ

Niɛmaya 9:23

Í gɛ̀ dísuui su-ƃelai dí táma yɛ̂ɛ bɛmɛlɛŋ-kao-ŋai. Í pà a dia ǹɔii ma í íkono tèe la dínâŋ pɔ̂lɔ-ŋai yêei.

Wule-woo-ŋa 106:26

Nya ƃe Ɣâla è ǹíi ŋwàna dîa, é dília-woo ƃó kpɔ́ a gbanaŋɔɔ ǹyɛɛ dîai, “Kà wàla kálii maa fáleŋ, ŋa pâi gɛ̂i kákelee ká sáa vɛ̃ɛ-kpâlaŋ ŋí su,

Wule-woo-ŋa 95:11

M̀ɛni ma, ŋá ńii ŋwàna dîa ŋá ŋ́gono tée ńyɛɛ dîai, ‘Káta fé pâi gɔ́ɔ pîlanii ǹɔii ma ŋá ŋ́gono tèe la kánaŋ pɔlɔ-ŋai yêei.’ ”

Zɛlemaya 18:10

kɛ́lɛ m̀aa lɔii-ŋuŋ tí fé ŋ̀óli tɔɔ ní ŋ́oo ma, gɛ́ mɛni nyɔ́mɔɔ kɛ̀ nɔ́, gɛ̀ ní ḿve m̀ɛni lɛ́lɛɛi kɛ̂i nyii ŋá gbɛ̀tɛ a gɛɛ gɛ́ m̀ii.

Izikiɛ 20:15

M̀ɛni ma, ŋá ŋ́gono-tee díyêei vɛ̃ɛ-kpâlaŋ su a gɛɛ ḿve pâi ǹɛɛi naa a gɛɛ dí li ǹɔii mâ ŋá ŋ́gono-tee la díyêei a gɛɛ ŋa pâi liî a dîa zui. Ǹɔii ŋí káa a sí-sɛŋ lɛ́lɛ lɔii nyii ǹɛ́lɛ̂ɛi kpɔ́ a ŋ̀ánaa.

Nɔŋba 26:64

Kɛ́lɛ diai Mose da zâla láa-soŋ-nuui Eelɔŋ dí dílòno Sanai Fɛ̃ɛ-kpalaŋ su a maa-ŋuŋ, dítɔnɔ kpîŋ fé lɛɛ ní ǹûai ŋí sáma.

Nɔŋba 26:65

Yâwɛɛ è wɔ́lɔ mò dîa a gɛɛ díkelee da pâi saâi vɛ̃ɛ-kpâlaŋ su. Ǹyaŋ núu tɔnɔ kpîŋ fé lɛɛ ní fɛ̂ɛ nɔ́ Zefunɛ ǹóŋ Kelɛ da Nuŋ ǹóŋ Zasua.

Nɔŋba 32:11

‘Tɔ̃yâ ma, diai kùla Ize lɔii su díkoraŋ káa é síɣe kóraŋ buu feerɛ ma é lí túɛ-perei, dítɔnɔ kpîŋ fé pâi ǹɔii kâai nyii ŋá ŋ́gono tèe la Eberaɣɛ̃ɛ yêei da Aise é pɛ́lɛ Zeeka ma a gɛɛ ŋa pâi dɛ̂ɛi dípɔi. Kpɛni fêi, dífe láa ní a ńyãa a dílii kélee.’

Dutɛrɔnome 1:8

Ka gáa, ǹɔii káa naa kámɛni ma. Ka lí ká naa siɣe. Yâwɛɛ è góno tèe la Kánâŋ-pɔlɔ-ŋai, Eberaɣɛ̃ɛ, Aise da Zeeka-ni yêei a gɛɛ a pâi kɛ̂i naa dílônii díwɔ̂ lonii mɛni ma.’ ”

Ibulu 4:3

Kúai kú làa lai, kú lɔ̀ vii-tɔɔi tí su, yɛ̂ɛ berei è mò la é pîlaŋ vii-tɔɔi kpîŋ ma, ǹyɛɛi, “Yɛ̂ɛ berei ŋá ḿvòo la ŋálii-ŋwanai sui, ‘Dífe pâi wɔ́lɔ liî ŋáfii-tɔɔi su.’ ” È mò tí berei máŋ ŋɔtíi è kpɛ̀ɛ la é síɣe ŋ̀énia kɔɔ-pîlanii.