Nɔŋba 14:22 - Ŋ̀âla Kɔlɔ Maa Waai

²² diai da ŋá-folo-laai káa da ŋáŋɛi-kɛ-maa-ŋai ŋá díkɛ Ize lɔii su da vɛ̃ɛ-kpâlaŋ su, kɛ́lɛ díkɛ su-kɔɔŋ tɛ̀ɛ ḿbɔ a tãi támaa, dífa ŋ́oo mɛnii,

Nɔŋba 14:22 ပူးပေါင်းရင်းမြစ်များ

Zɛnɛse 31:41

Ǹyaŋ bere nɔ́ ƃé ŋá góraŋ buu feerɛi tɛ̀ɛ la íyêei. Ŋá tíi kɛ̀ yɛ̂ a kóraŋ puu káo náaŋ ílônii-nɛyâa feerɛi mɛni ma. Ŋá kóraŋ lɔ́ɔlu mɛi da kɛ̀ ítaa-tulɛ-ŋai mɛi kâai. Ǹyaŋ í ŋáfela-fei maa fáleŋ-laa kɛ̀ gîei puu.

Zɛnɛse 31:7

Kɛ́lɛ è ḿvilîi, é ŋáfela-fei maa fáleŋ-laa kɛ́ gîei puu. Kɛ́lɛ Ɣâla fé fáa ní ma a gɛɛ é mɛni ŋánaa kɛ́ a ńyãa.

Zôo 19:3

Kákaa nɔ́ ńarânii a ɣele kélee, ŋumɛ fé ká ŋɛ́i a gɛɛ m̀ɛni-ŋai kákaa môi káa gɛ̂i ŋ́gɛ mɔ̃lɛ?

Wule-woo-ŋa 106:14

Dí díŋuŋ su-woo sàa é pîlaŋ m̀ii-sãa lɛ́lɛɛ-ŋai dí kɛ̀ miî Ize lɔii su mâ, vɛ̃ɛ-kpâlaŋ sui. Dí Ɣâla su kɔ̀ɔŋ.

Wule-woo-ŋa 106:26

Nya ƃe Ɣâla è ǹíi ŋwàna dîa, é dília-woo ƃó kpɔ́ a gbanaŋɔɔ ǹyɛɛ dîai, “Kà wàla kálii maa fáleŋ, ŋa pâi gɛ̂i kákelee ká sáa vɛ̃ɛ-kpâlaŋ ŋí su,

Wule-woo-ŋa 78:41

Dí zu kɔ̀ɔŋ a tãi támaa. Dí gɛ̀ Eezuɛ Ŋɔɣâla Maa Waai líi su é kara-kara dímɛni ma.

Ɛsedɔ 14:11

Dí mò Mose ma dîyɛɛi, “ƃolôŋ fé Ize lɔii su, mɛni ƃé í pà la a kúa a gɛ́ɛ kú saa vɛ̃ɛ-kpâlaŋ su ƃɛ́i? Í kùla a kúa Ize lɔii su lé mɛni ma?

Ɛsedɔ 15:24

Nya ƃe ǹûai líi è ŋwàna Mose mà dîyɛɛi, “Lé ƃé kwa pâi kúkpelêi lai?”

Ɛsedɔ 16:2

Díkelee dí dílii ŋwàna Mose mà da Eelɔŋ vɛ̃ɛ-kpâlaŋ su.

Ɛsedɔ 17:2

Ǹûai dí laa-saa pɛ̀lɛ Mose mà dîyɛɛ mai, “Yá tɛ́ɛ kúpɔ kú gbele.” Mose ǹyɛɛ diai, “Ka laa-saa pɛlɛ̂i ḿâ lé mɛni ma? Ka Yâwɛɛ su kɔ̂ɔnii lé mɛni ma?”

Ɛsedɔ 17:3

Kɛ́lɛ kpele-wɛli è kɛ̀ ǹûai kɛ̂i a ŋánaa. Maa mɛni ma dí dílii ŋwana Mose ma dîyɛɛ mai, “Í kúkùla Ize lɔii su lé mɛni ma? Ƃa ŋ̀wɛ̂lii í kúpaa a kpele-wɛli kwa kúnîa-pɛlɛɛi da kútaa-tulɛ-ŋai?”

Ɛsedɔ 17:7

Mose è nàa tòli a Masa da Mɛriba. Kpɛ́ni fêi, Eezuɛ-ŋai dí laa-saa pɛ́lɛ Mose mà dí su-kɔɔŋ tɛ̀ɛ Yâwɛɛ pɔ́ a marê-kɛɛi dí gɛ̀ dîyɛɛi, “Yâwɛɛ káa kúkɔlɛ, kpaa vé kúkɔlɛ?”

Ɛsedɔ 32:1

Tãi ǹûai dí gàa la a gɛɛ Mose è kɛ̀ tûai ǹyéei ma vé kɛ́ ní pâi a maa felai, dí díŋa tɛ̀ gîe ma Eelɔŋ ŋɛ́i-tuɛ dîyɛɛ mai, “Pá í ɣâla kpɛtɛ kúmɛni ma a gɛɛ é tɔ́ɔ kútuɛ, kpɛ́ni fei, kúfe mɛnii kɔ́lɔŋ kɛ̂i a Mose nyii kú kula Ize lɔii su.”

Ɛsedɔ 5:21

Ǹûai dí mò dîa dîyɛɛi, “Yâwɛɛ a mɛnii kâai ká gɛ̀i, ǹyaŋ a pâi tɔ̂ŋ kpɛ̂i kâa. Kpɛ́ni fêi, ka gɛ́ Gâloŋ da ŋɔtíi mɛi-ƃelai da kúkpɔara. Ka ƃóa-sɔ̂kpɔ lɔ́ díyêei a gɛɛ dí kúpaa.”

Azaya 42:20

Eezuɛ-ŋa, ka mɛni támaa ŋɛ́i káa, kɛ́lɛ káfa kátûa-pere maa fáleŋ. Káwoli káa kâa, kɛ́lɛ káfa mɛ́ni mɛ̂ni.”

Danîa 1:20

Mare kɛ̂ɛ sii kélee gâloŋ a kâa gɛ̂i ǹyaŋkpa-ŋai ŋí dí kɛ̀ a zu-kulâi kɔ́lɔŋɔɔ. Mɛni kpânaŋ da mare kɛ̂ɛ sii kélee gâloŋ a kâa pà lai ǹyaŋkpa-ŋai ŋí dí kɛ̀ a zu-too pêre kɔ́lɔŋɔɔ gîei puu é tɛ́ɛ la ŋɔtuɛ-mɛni ƃó-ƃelai da ŋɔtɛli kpɛ́-ƃelai dîa, ŋɔkâloŋ-laai su gwaa kélee.

Malakai 3:15

Kwa ǹyoŋka-ƃelai sîɣe a Ɣâla ŋɔƃɛlɛ sêe sɔlɔ ƃó-ƃela. Sɔnyɔ̂ŋ-ƃela dífa mɛni lɛ́lɛɛ sɔlɔ ƃô nɔ́, kɛ́lɛ da Ɣâla ŋɔlii kpêlei su-kɔɔŋ a díŋwana-lɔ̂ɔ tua-kɛ́ɛi, da kɛ́ gaai a gɛɛ mɛni da fé pâi kulâi zu.’ ”

Nɔŋba 11:1

Ǹûai dí wɔ̀lɔ Yâwɛɛ ma é pîlaŋ la dímɛni kpɔlu-ŋai dîa. Tãi Yâwɛɛ è díwoo mɛni lai, ǹíi è ŋwàna é ŋɔŋ tóo dísama. Ŋɔŋ è m̀ûui m̀éla tɔnɔ kèreŋ.

Nɔŋba 11:4

Ŋɔ̃ya-ŋai kɛ̀ dísamai dí kɛ̀ a dímii-sɛŋ wɛ́liɛɛ. Eezuɛ-ŋai dîa máŋ dí kɛ̀ díŋuŋ-su-woo saâi díyɛɛ, “Gbɛ̂ɛ ƃé pâi sua tɛɛ̂i kúpɔ kú mii?

Nɔŋba 12:1

Miriaŋ da Eelɔŋ dí lòno a nyɔmɔɔ é pîlaŋ Mose mà. Kpɛ́ni fêi, è Kusai-nɛni kùla a nɛnî.

Nɔŋba 14:11

Nya ƃe Yâwɛɛ è mò Mose mà ǹyɛɛi, “Ǹûai ŋí da díŋɛi nàɣîŋ ḿɛi a tãi támaa. Dífa làa a ńyãa a tãi támaa berei máŋ ŋa ŋɛi-kɛ-maa támaa kɛ́ la dísamai.

Nɔŋba 14:2

Nya ƃe Eezuɛ-ŋai kélee dí díŋuŋ su-woo sàa a Mose da Eelɔŋ láa dîyɛɛi, “Maa nɛɛ̂i kɛ̀ kú sáa Ize lɔii su kpaa máŋ vɛ̃ɛ-kpâlaŋ su ƃɛ́.

Nɔŋba 32:12

Fɛ̂ɛ nɔ́ Kɛŋ-nuui Zefunɛ ǹóŋ Kelɛ da Nuŋ ǹóŋ Zasua. Kpɛni fêi, dí Yâwɛɛ wóo mɛ̀ni a ǹɛ́lɛɛ.

Maafîu 4:7

Zîsɛ è mò ma, ǹyɛɛi, “Bɔ̃yɛɛ̂i ŋɔnɔ, ‘Ífe Ínuu-namui Ɣâla su kɔɔŋ.’ ”

Kɔleŋtiɛŋ Maa-ŋuŋ 10:5

Kɛ́lɛ, Ɣâla líi fé kɛ́ ní a ǹáa dí támaa ɣele yêei. M̀ɛni ƃe dí sàa la vɛ̃ɛ-kpâlaŋ su.

Kɔleŋtiɛŋ Maa-ŋuŋ 10:9

Kúfe Kúnuu-namui su kɔɔ̂ŋ yɛ̂ɛ berei ǹúui da-ni dí gɛ̀ lai. Kali ƃe dípaa.

Dutɛrɔnome 9:7

“Ka gɔ́lɔŋ berei ka Káɣâlai Yâwɛɛ líi ŋwàna la vɛ̃ɛ-kpâlaŋ sui. É síɣe tãi ma ká kùla la Ize é lɛ́ɛ la zu ká seri ƃɛ́i ka tɔɔ̂i naai.

Ibulu 3:9

ƃɛi kánâŋ-ni dí su-kɔɔ̂ŋ tɛ̀ɛ naa ḿbɔ dí ŋátii-ŋai káa kóraŋ buu náaŋ yée mui.