Nɔŋba 14:2 - Ŋ̀âla Kɔlɔ Maa Waai

² Nya ƃe Eezuɛ-ŋai kélee dí díŋuŋ su-woo sàa a Mose da Eelɔŋ láa dîyɛɛi, “Maa nɛɛ̂i kɛ̀ kú sáa Ize lɔii su kpaa máŋ vɛ̃ɛ-kpâlaŋ su ƃɛ́.

Nɔŋba 14:2 ပူးပေါင်းရင်းမြစ်များ

Kâloŋ Maa-ŋuŋ 19:4

Ǹyaa kpîŋ è lì vɛ̃ɛ-kpâlaŋ su a ɣele tɔnɔ sia. È pà wúru kɛ́tɛ tɔnɔ mu, è sèe naa gɛ́ víi tɔ̀ɔ. È Ɣâla fɛ̀li a gɛ́ɛ é sáa. È mò ǹyɛɛ, “Yâwɛɛ, ŋa mɛni kpɔ̂lu támaa sɔlɔ ƃó. Nɛ̂wo siɣe kpɛ́ni fêi, ŋ́gaa nɔ́ yɛ̂ɛ ńâŋ pɔlɔ-ŋai.”

Zôo 3:11

“Eêi kɛ̀ a ǹɛ́lɛɛ mɛni nyɔ́mɔɔ é ńee kɛ́, kpaa máŋ ŋá ńɛ̂wo gbɛɛ-ŋai tóo a tãi ńee maa è fùloŋ lai.

Wule-woo-ŋa 106:24

Kɛ́lɛ dí díyee kùla ǹɔii lɛ́lɛɛi mu Ɣâla è dɛ̀ɛ dípɔi. Dífe láa-ni a Ɣâla ŋɔkono têei mɛni.

Wule-woo-ŋa 106:25

Dí kɛ̀ díƃûu-ŋai mu díkɛ díŋuŋ su-woo sàa. Dífe díwoli tɔ̀ɔ ní Yâwɛɛ ma.

Wule-woo-ŋa 106:45

Vé wɔ́lɔ nia ní gono têei ma è gɛ̀i, kpɛ́ni fêi, ŋɔwɛli kɛ́-maai su kɛ̂tɛi dímɛni ma.

Ɛsedɔ 14:11

Dí mò Mose ma dîyɛɛi, “ƃolôŋ fé Ize lɔii su, mɛni ƃé í pà la a kúa a gɛ́ɛ kú saa vɛ̃ɛ-kpâlaŋ su ƃɛ́i? Í kùla a kúa Ize lɔii su lé mɛni ma?

Ɛsedɔ 15:24

Nya ƃe ǹûai líi è ŋwàna Mose mà dîyɛɛi, “Lé ƃé kwa pâi kúkpelêi lai?”

Ɛsedɔ 17:3

Kɛ́lɛ kpele-wɛli è kɛ̀ ǹûai kɛ̂i a ŋánaa. Maa mɛni ma dí dílii ŋwana Mose ma dîyɛɛ mai, “Í kúkùla Ize lɔii su lé mɛni ma? Ƃa ŋ̀wɛ̂lii í kúpaa a kpele-wɛli kwa kúnîa-pɛlɛɛi da kútaa-tulɛ-ŋai?”

Zôna 4:3

M̀ɛni ma, óo Yâwɛɛ, ŋa íkpera fêi a gɛɛ í ŋáfulu-laai síɣe a gɛɛ ŋá sáa. Maa nɛɛ̂i ŋá sáa é tɛ́ɛ la ŋ́gɛɛ ma ɣele ma.”

Zôna 4:8

Tãi vóloi è kùla lai, Ɣâla è fãa kɛ́tɛ tɛ̀ɛ é kúla vóloi kulai-pere. Vóloi è Zôna kèreŋ ŋ̀ûa ǹyɛɛ kpîŋ é fôa. È ŋɔ́nɔ kɛ̀ ŋ̀wɛ̂lii é sáa. È mò ǹyɛɛ, “Maa nɛɛ̂i a gɛɛ ŋá sáa é tɛ́ɛ la ŋ́gɛɛ ma ɣele ma.”

Nɔŋba 11:1

Ǹûai dí wɔ̀lɔ Yâwɛɛ ma é pîlaŋ la dímɛni kpɔlu-ŋai dîa. Tãi Yâwɛɛ è díwoo mɛni lai, ǹíi è ŋwàna é ŋɔŋ tóo dísama. Ŋɔŋ è m̀ûui m̀éla tɔnɔ kèreŋ.

Nɔŋba 11:15

À kɛ̀ ƃa pâi dûa-sii ŋí kɛ̂i a ńyãa, gɛ̀ ní ḿbaa nɔ́ nâa a gɛɛ fé mɔ̃lɛ.”

Nɔŋba 11:5

Ǹyɛ̃ɛi kú kɛ̀ miî Ize lɔii su kpɛ́ni-kpɛnii, nàa káa kúkili ŋá. Kilikɛmai, wata-melɔŋ, gɔ̂ne-yaƃai, da gwii-yaƃai é pɛ́lɛ zãâi nyii-ŋai dîa da mii-sɛŋ kúŋ nɛɛi dímaa mɛni káa kúkili ŋá.

Nɔŋba 14:1

Ǹûai kélee dí nyìi wɔ̂lɔi a maa kpinii tí.

Nɔŋba 14:22

diai da ŋá-folo-laai káa da ŋáŋɛi-kɛ-maa-ŋai ŋá díkɛ Ize lɔii su da vɛ̃ɛ-kpâlaŋ su, kɛ́lɛ díkɛ su-kɔɔŋ tɛ̀ɛ ḿbɔ a tãi támaa, dífa ŋ́oo mɛnii,

Nɔŋba 16:13

Kúkulâi í mò mii-sɛŋ kpɛtɛ-lɔii lɛ́lɛɛi su í pá a kúa ƃɛ́ vɛ̃ɛ-kpâlaŋ su a gɛɛ í kúpaâi gáa a mɛni-loŋ, a gɛɛ í íkpîŋ kɛ́ a kâloŋ kúmɛi?

Nɔŋba 16:41

Kɛ́lɛ bôlu ma ɣele walai Eezuɛ-ŋai dí díŋuŋ su-woo sàa é pîlaŋ Mose da Eelɔŋ dîa. Dí mò dîyɛɛi, “Ka Yâwɛɛ ŋɔnûai páa.”

Nɔŋba 17:6

Nya ƃe Mose è lòno Eezuɛ-ŋai pɔ́. Ǹúu-suu puu káo feerɛi kélee dí-tuɛ-ƃelai dí sia-wûru tɛ̀ɛ Mose pɔ́ tɛi-tɛi. Eelɔŋ ŋɔsia-wûrii è kɛ̀ zia-wûru-ŋai ŋí sáma.

Nɔŋba 20:2

Kɛ́lɛ yá fé kɛ́ ni ƃɛ́i dí díƃûui pù naai. Nya ƃe díkelee dí díŋa tɛ̀ díkîe ma dí lí Mose da Eelɔŋ pɔ́ naa.

Nɔŋba 20:3

Nya ƃe dí laa-saa pɛ̀lɛ Mose ma díyɛɛ mai, “Eî pɔ̂ri kɛ̂i a sɛŋ kúa máŋ kú sáa a tãi kunûai dí sàa la Ɣâla ŋɛ́i-tuɛi.

Nɔŋba 20:4

Ká pà a kúa vɛ̃ɛ-kpâlaŋ ŋí su lé mɛni ma?

Nɔŋba 21:5

Nya ƃe ǹûai dí tɔɔ-maa woo-ŋa ƃò é pîlaŋ Ɣâla ma da Mose díyɛɛi, “Lé mɛni ƃé ká kúkùla la Ize lɔii su a gɛɛ kú sáa vɛ̃ɛ-kpâlaŋ ŋí sui? Gáa kpólo fé ƃɛ́ da yá, ǹyaŋ mii-sɛŋ nyɔ́mɔɔi ŋí ƃɛlɛ fé kúkoi.”

Kɔleŋtiɛŋ Maa-ŋuŋ 10:10

Káfe káŋuŋ su-woo sàa yɛ̂ɛ berei ǹúui da-ni dí gɛ̀ lai. Núu su-kara-nuui è dísu kara.

Dutɛrɔnome 1:27

ka kɛ́ káŋuŋ sû woo sàa káƃûu-ŋai sû kâai, ‘Yâwɛɛ a kúkula nɔ́ Ize lɔii su a pá a kúa a kúlɔ Amɔra-ŋai yêei a gɛɛ dí kúsu kara.

Dutɛrɔnome 9:23

Ǹyaŋ tãi Yâwɛɛ è kákùla la Kedɛ Baniai, è mò ǹyɛɛi, ‘Ka lí ká ǹɔii síɣe ŋá dɛ̀ɛ kápɔi.’ Kɛ́lɛ ká tɔ̀ɔ ŋ̀óo-ŋai dîa è mò kâai. Káfe láa ní la, káfe tela ŋ̀óo siɣe ní.

Ibulu 3:16

Gbɛɛ-ni ƃe dí mɛ̀ni, kɛ́lɛ, dí wɔ̀lɔ a Ɣâla láai? Diai kélee kùla Ize Mose kɛ́ ƃo dímɛi a núu kɛ́tɛi dia fêi?

Zûu 1:16

Ǹûai ŋí díkaa a mɛni-saa ƃela. Dílii fa lâa, díkɛ pîlaŋ díkpîŋ tua-pere-nyɔŋ maa-sɛŋ wɛliɛi pôlu. Díkɛ yoŋka tèe a díwoo su kɛ́tɛ, díkɛ lóno lɛ́lɛɛ kɛ̀ nûa pɔ́ a gɛ́ɛ dí sɛŋ sɔlɔ ƃo.