Nɔŋba 14:19 - Ŋ̀âla Kɔlɔ Maa Waai

¹⁹ Yâwɛɛ, ŋa íkpera fêi a gɛɛ í ǹûai ŋí dísɔnyɔ̂ŋ su-mɛni lɛɛ yɛ̂ɛ berei íwɛli-kɛ-maai kɛ̂tɛi la da berei í dísɔnyɔ̂ŋ su-mɛni lɛ̀ɛ la é kúla Ize lɔii su é seri sâa mai.”

Nɔŋba 14:19 ပူးပေါင်းရင်းမြစ်များ

Kâloŋ Maa-ŋuŋ 8:34

gɛ̀ ní, lɛɛ Ɣâla-taa í dífɛli-wooi mɛni í dí su-mɛni lɛɛ zɔnyɔ̂ŋ dí gɛ̀ a ƃíai mɛni ma í pá a dia pôlu ǹɔii ma í dɛ̀ɛ dínâŋ pɔlɔ-ŋai pɔ́i.

Wule-woo-ŋa 106:45

Vé wɔ́lɔ nia ní gono têei ma è gɛ̀i, kpɛ́ni fêi, ŋɔwɛli kɛ́-maai su kɛ̂tɛi dímɛni ma.

Wule-woo-ŋa 78:38

Kɛ́lɛ Ɣâla káa a maloŋ kâa Ɣala. È dísu mɛni lɛ̀ɛ zɔnyɔ̂ŋ-ŋai dí gɛ̀i m̀ɛni ma. Vé dísu kara ní. È ǹíi ŋwàna dîa a tãi támaa, kɛ́lɛ ǹíi ŋwânai fé tɛ̀ɛ ní ǹíi pôlu.

Wule-woo-ŋa 85:2

Í ínûai su mɛni lɛ̀ɛ zɔnyɔ̂ŋ-ŋai dí gɛ̀i m̀ɛni ma. Mɛni nyɔ́mɔɔ-ŋai kélee dí gɛ̀i, í íyee kùla zu.

Ɛsedɔ 32:32

Kɛ́lɛ ŋa íkpera fé a gɛɛ í dísu-mɛni lɛɛ. A wàla kɛ́ tí, fɛ̂ɛ nɔ́ í ǹáa kúla gɔlɔi su í bɔ̃yɛɛi.”

Ɛsedɔ 33:17

Nya ƃe Yâwɛɛ è mò Mose ma ǹyɛɛi, “Mɛnii ŋí ƃa lônoi é pîlaŋ mai, ŋa pâi gɛ̂i. Kpɛ́ni fêi, ǹíi lâai íyêei, ŋ́gɛ ƃò a íkɔlɔŋɔɔ a ǹɛ́lɛɛ.”

Ɛsedɔ 34:9

È mò ǹyɛɛi, “À kɛ̀ ílii lâai kpɔ́ m̀aa mɛni ma a ǹɛ́lɛɛ, gɛ̀ ní Óo Yâwɛɛ ŋa ímarê kɛ̂i a gɛɛ kwa kâa-ni kú lí. Ǹûai ŋí ŋuŋ su kpanaŋɔ̂ɔi. Kɛ́lɛ kúsɔnyɔ̂ŋ su-mɛni lɛɛ í kúsiɣe a ínûa.”

Azaya 55:7

Ŋwana-lɔ̂ɔ-ƃela, ka kátûa-pere maa fáleŋ. Káai káfe a teniŋ ƃô-ƃelai, ka kákili ŋá sîai nyɔ́mɔɔ-ŋai maa fáleŋ. Ka tínaŋ Yâwɛɛ pɔ́naa pere. Kà gɛ̀ tí, a pâi kámalôŋ kâai, é kásu-mɛ̂ni lɛɛ. Kwaa tínaŋ Yâwɛɛ Kúɣâlai pɔ́naa pêre.

Danîa 9:19

Óo Ǹuu-namui, íwoli tɔ́ɔ kûa í kúsu-mɛni lɛɛ. Kúwoo mɛni í mɛni da kɛ́ a maa félaa a gɛɛ nûa dí gɔ́lɔŋ a gɛɛ yá ƃa Ǹuu-namui. Ífe tãi támaa sìɣe, kpɛ́ni fêi ílaa káa daa-leei mâ da ínûai.”

Emɔ 7:2

Tãi dí kpɛ̀ɛ la a galai miɛɛ ǹɔii mai, ŋá mò, ńyɛɛi, “Óo Yâwɛɛ Ɣâla, zu-mɛni lɛ̀ɛ, ŋa íkperâ fêi! Ílɔii malôŋ káa. Gáa a lɔii kuro-te fíi kpɛɛ.”

Emɔ 7:5

Nya ƃe ŋá mò, “Óo Ŋwala-wala kélee Ɣâla Yâwɛɛ, ŋa íkperâ fêi a gɛɛ í kpéra mà. Ílɔii malôŋ káa. Gáa a lɔii kuro-te fíi kpɛɛ.”

Zôna 3:10

Tãi Ɣâla è mɛnii kâa la ǹûai da gɛ̂i, berei dí dípôlu tɔ̀ɔ la dítûa-pere nyɔ̂ŋ-ŋai dîai, è ǹíi ma fâleŋ m̀ɛni nyɔ́mɔɔi mɛni ma è kɛ̀ pâi gɛ̂i a diai. Ve ŋɔ́nɔ mɛni nyɔ́mɔɔ kɛ́ ní a dia.

Zôna 4:2

È Yâwɛɛ fɛ̀li ǹyɛɛi, “Ŋá kɛ̀ a gɔ́lɔŋɔɔ a gɛɛ íkaa a ƃɛlɛ-see da maloŋ-kâa Ɣala, ífaa ílii ŋwàna a maa félaa, wɛli-kɛ-maa kɛ̀ ƃò íyêei, ƃa ílii maa fâleŋ ífaa núu ŋɔsɔnyɔ̂ŋ su too. M̀ɛnii ŋá kɛ̀ ŋ́gili ŋá siâi ma tãi ŋá kɛ̀ niî la ŋálɔii sui nyaa ká ŋí. M̀ɛnii ŋí ƃe gɛ̀ ŋá pú ŋá lí Sipîŋ.

Maka 7:18

Óo Yâwɛɛ, Ɣâla da kpɛ́ni kélee fé naa yɛ̂ɛ ƃía. Ƃa ínûai su-mɛni lɛ̀ɛ nyii-ŋai díkaa nîi ɣele mai. Ífa ílii ŋwàna wɔ́lɔ-wɔlɔ da wɔlɔ-wɔlɔ, kɛ́lɛ ƃa íwɔlɔ-wɔlɔ da wɔlɔ-wɔlɔ wɛli-kɛ-maai lɛ̀ a lii lâa.

Abaku 3:2

Óo Yâwɛɛ, ŋá m̀ɛnii mɛ́ni é pîlaŋ ítii-kpaya-kpaya-ŋai dîa. M̀ɛni ma ḿbɛlɛ a pû a dámaa ítii-ŋai mɛni ma. Ítii-ŋai lɛ́ góraŋ-ŋai ŋí su. Ítii-ŋai lɛ́ ŋɔ́nɔ góraŋ ŋí su. Ílii ŋwânai su, maloŋ-kâa é kɛ́ naa.

Nɔŋba 23:21

Ŋa gáa a gɛɛ Eezuɛ ŋɔtínaa tuɛ-pere, Mɛni kpɔ̂lu fé pâi kulâi mà, kpaa máŋ mɛni-sôli. Yâwɛɛ, Díɣâlai káa díkɔlɛ. Da mò dîɛ ǹyaa ƃa Díkâloŋ.

Zĩi 5:15

Laa-la Ɣala-fɛliɛ a pâi gɔlɔ-fela-nuui ƃálôi, Kúnuu-namui é m̀u siɣe. Ǹyaŋ à kɛ̀ sɔnyɔ̂ŋ káa ma, ŋɔsɔnyɔ̂ŋ su-mɛni a pâi lɛɛ̂i.