Nɔŋba 14:14 - Ŋ̀âla Kɔlɔ Maa Waai

¹⁴ gɛ̀ ní Ize-ŋai da pâi môi ǹɔii ŋí su-ƃelai dîa. Ǹûai ŋí da mɛni a gɛɛ íkaa kúsama, ǹyaŋ kwa kaa-ni kwa kúkîe-ni kàa í kɛ́ ƃò ɣele-kɔlɔŋ kole su kúmɛi. Ƃa tɔ̂ɔ kútuɛ ɣele-kɔlɔŋ kole su a ɣele ƃɔ́ɔ, íkɛ tɔ̀ɔ kútuɛ ŋɔŋ-leŋ su a kpíni.

Nɔŋba 14:14 ပူးပေါင်းရင်းမြစ်များ

Zɛnɛse 32:30

Mɛni ma Zeeka è gwaai ŋí mâ tòli a Pɛniɛ ǹyɛɛi, “Kpɛ́ni fêi, kwa Ɣâla kú kúŋɛi pù gîei, ǹyaŋ ŋáfulu-laai è lɛ̀ɛ ńyêei.”

Niɛmaya 9:12

Í tɔ̀ɔ ǹûai túɛ ɣele kɔ̂lɔŋ kole kɛ́tɛ su a ɣele ƃɔ́ɔ, í tɔ́ɔ dítuɛ ŋɔŋ lêŋ kɛ́tɛ su a kpíni.

Niɛmaya 9:19

Kɛ́lɛ ífe íyee kula ní dímu vɛ̃ɛ-kpâlaŋ su, kpɛ́ni fêi, í maloŋ-kaai su kɛ̂tɛi. Ífe ŋ̀ele kɔ̂lɔŋ kolei kula ní dímɛi a ɣele-ƃɔɔ, kpaa máŋ í ŋ̀ɔŋ lêŋ líiŋ dîa a gɛɛ dí pɔara berei ma.

Wule-woo-ŋa 105:39

È gɛ̀ ɣele-kɔlɔŋ kole kɛ́ ƃò ŋɔnûai mɛi, ŋɔŋ kɛ́ ƃò dítuɛ pere a kpíni a gɛɛ é kwaa ponoɔɔ tɛ́ɛ dípɔ.

Wule-woo-ŋa 78:14

È gɛ̀ ɣele-kɔlɔŋ kole kɛ́ ƃò dítuɛ gɛ́ díteniŋ tɔ̀ɔ, ǹyaŋ ŋɔŋ lêŋ è kɛ̀ nɔ́ dítuɛ-pere a kpíni kélee.

Ɛsedɔ 15:14

Ǹûai da mɛni, dímaa è kpɛ̃lîŋ. Yao è pà Felesia-ƃelai kɔlɔ̂i.

Ɛsedɔ 33:11

Ǹyaŋ Yâwɛɛ da Mose da kâa lòno díkîe-ni pɔ́ yɛ̂ɛ núu da m̀arâŋ. Tãi Mose a kâa kùla la Bɛrɛ maa waai mu é pá pôlu mûui sui, a kâa ŋɔyee mu-nuui Zasua, nyii kɛ̀ a Nuŋ ǹóŋ-surɔ̂ŋ lɛ̀ɛ naa.

Ɛsedɔ 33:16

Da pâi gɔ́lɔnîi léŋ a gɛɛ ílii lâai kwa ínûai kúyêei? Kwa kâa-ni kúkɛɛ liî fé a kúkɛ a ǹûa da kpɛ́ni-ŋa ǹûai kélee díkaa ŋ̀éniɛi sui samai?”

Ɛsedɔ 40:38

Ziai kélee Eezuɛ-ŋai dí kɛ́ gɛ̂i, Yâwɛɛ è kɛ̀ nɔ́ ŋ̀ele-kɔlɔŋ kolei su Bɛ́rɛi mɛi a ŋ̀ele-ƃɔɔ kélee, ŋɔŋ kɛ́ ƃò ŋ̀ele-kɔlɔŋ kolei su a gbínii kélee.

Nɔŋba 10:34

Yâwɛɛ ŋɔɣele-kɔlɔŋ kolei è kɛ̀ dímɛi a ɣele-ƃɔɔ tãi da kâa kùla la díƃûui sui.

Nɔŋba 12:8

Ŋa lôno bɔ́ a zu ponoɔ yɛ̂ɛ núu à kɛ̀ lônoi marâŋ nuu pɔ́. Fa lóno bɔ́ sáŋ su. A ńinîŋ kàa máŋ. Gɛ̀ ní lé mɛni ƃé káfe yao ní la ńyee mu-nuui Mose ma kákɛ lòno a nyɔmɔɔ é pîlaŋ mai?”

Zɔ̂ŋ 1:18

Núu da kélee fé tá wɔ́lɔ Ɣâla káa ní. Ǹóŋ tɔnɔi nyii gáa Ǹâŋ kɔ̃ɔŋ sui, ǹyaa ƃe a ǹɛ́.

Zɔ̂ŋ 14:9

Zîsɛ e mò ma, ǹyɛɛi, “Ŋa nâa gɛ́ kákɔlɛ a tãi su kôyaa, ǹyaŋ ífe ŋ́gɔlɔŋ, Fele? Ǹúui a ŋ́gaai, a Nàŋ-nuui káa. Ya pɔ̂ri m̀ôi léŋ, yɛ̂, ‘Nàŋ-nuui lɛ́ kûa?’

Kɔleŋtiɛŋ Maa-ŋuŋ 13:12

Tãi ŋí su kúfa kwaa kâa a zu ponoɔɔ. Gáa nɔ́ yɛ̂ɛ núu à kɛ̀ sɛŋ da kâai mɛ̃lɛ-mɛ̃lɛ su. Kɛ́lɛ, nàa pôlu ma, kwa pâi mɛni-ŋai kpîŋ kâai yɛ̂ɛ berei díkaa lai. Tãi ŋí su ŋámɛni-kɔlɔŋɔɔi káa nɔ́ a gbua. Kɛ́lɛ, tãi tí sú ŋa pâi gélee kɔ́lɔnîi yɛ̂ɛ berei máŋ Ɣâla è ŋ́gɔlɔŋ la a ǹɛ́lɛɛi.

Dutɛrɔnome 1:19

“Kú kùla Sanai kú lí kú tɛ́ɛ vɛ̃ɛ-kpâlaŋ kɛ́tɛi su nyii káa kpîŋ ká gâai, é lɛ́ɛ la zu kú seri Amɔra-ŋai ma ǹyéei su, yɛ̂ɛ berei Kúɣâlai Yâwɛɛ è mò la kûai, ǹyaŋ kú pà Kedɛ Bania.

Dutɛrɔnome 34:10

Ɣâla ŋɔlóno kɛ́-nuu da fé wɔ́lɔ kɛ́ ní Eezuɛ lɔii su yɛ̂ɛ Mose, nyii da Yâwɛɛ dí lòno díkîe-ni pɔi.

Dutɛrɔnome 5:24

Ǹyaŋ ká mò mâ kâai, ‘Yâwɛɛ aâ ŋɔfólo-laai da ŋɔwála-walai lɛ́ kûa. Kwaâ sâa ŋ̀óo mɛni a kùla ŋ̀ɔŋ su. Kwaâ sâa gɔ́lɔŋ a gɛɛ Ɣâla a lòno núu da pɔ́ maa nuui a lɛɛ ɣele ma.

Dutɛrɔnome 5:4

È kɛ̀ lônoi kápɔ ká kɛ́ ŋ̀óo mɛ̀ni gɛ́ kùla ǹyéei su.

Zasua 5:1

Amɔra kaloŋ-ŋai kɛ̀ Zɔdiŋ Ya-leei pôlu vóloi liî-pere da Keena kaloŋ-ŋai kɛ̀ Mɛditɛrenia Yuoi kpono ma pere kɛ́ɛ da mɛni a gɛ́ɛ Yâwɛɛ a Zɔdiŋ Ya-leei kpála Eezuɛ-ŋai pere da tɛɛ naai, dí yao kpɔ́ a ŋ̀ánaa. Dílii fé ŋɔ́nɔ wɔ́lɔ kpele ní Eezuɛ-ŋai dîa.

Zɔ̂ŋ Maa-ŋuŋ 3:2

Ŋáwɛli-kɛ-maa-ƃelai kákaa nâa a Ɣâla ǹônii. Vé niî lɛ́ ní kûa berei kwa pâi kɛ̂i lai. Kɛ́lɛ, kú gɔlɔŋ tãi a pâi pâi lai, kwa pâi kɛ̂i yɛ̂ɛ ǹyaa, kpɛ́ni fêi, kwa pâi gaâi nɔ́ yɛ̂ɛ berei gáa lai.