Nɔŋba 14:11 - Ŋ̀âla Kɔlɔ Maa Waai

¹¹ Nya ƃe Yâwɛɛ è mò Mose mà ǹyɛɛi, “Ǹûai ŋí da díŋɛi nàɣîŋ ḿɛi a tãi támaa. Dífa làa a ńyãa a tãi támaa berei máŋ ŋa ŋɛi-kɛ-maa támaa kɛ́ la dísamai.

Nɔŋba 14:11 ပူးပေါင်းရင်းမြစ်များ

Wule-woo-ŋa 106:24

Kɛ́lɛ dí díyee kùla ǹɔii lɛ́lɛɛi mu Ɣâla è dɛ̀ɛ dípɔi. Dífe láa-ni a Ɣâla ŋɔkono têei mɛni.

Wule-woo-ŋa 78:22

kpɛ́ni fêi, kili kɛ-zu da laa-laa fé kɛ́ ní díyêei a gɛɛ a pɔ̂ri díŋuŋ maa ƃôi.

Wule-woo-ŋa 78:32

Nyíŋi-ŋai kélee kɛ́ɛ su, dí kɛ̀ nɔ́ sɔnyɔ̂ŋ kɛ̂i. Dífe láa ní kɛ̀ a Ɣâla berei máŋ è ŋɛi kɛ́-maa támaa kɛ̀ la díŋɛi-tuɛi.

Wule-woo-ŋa 95:8

“Káfe kɛ̀ a wolii kpɔ̂lɔ-ƃela yɛ̂ɛ kánâŋ pɔlɔ-ŋai kɛ̀ Mɛriba a tãi dí kɛ̀ la vɛ̃ɛ-kpâlaŋ su Masa.

Ɛsedɔ 10:3

Nya ƃe Mose da Eelɔŋ dí lì Gâloŋ pɔ́ naa dîyɛɛ mai, “Yâwɛɛ nyii gáa a Ibulu-ŋai Díɣâlai ǹyɛɛ, ‘Tãi ɣɛɛlu ƃé ƃa pâi ŋ̀óo karâi lai? Ŋánûai lɛ́ɛ naa dí lí a gɛɛ dí vɛli.

Ɛsedɔ 16:28

Nya ƃe Yâwɛɛ è Mose marê kɛ̀ ǹyɛɛ mai, “Tãi ɣɛɛlu ƃé káfe pâi fâai la a gɛɛ ka ŋatɔ̂ŋ-ŋai mɛi káa ká ŋalia-woo-ŋai siɣei?

Ɛsedɔ 23:21

Ka káwoli tɔ́ɔ mà ká ŋ̀óo mɛni. Káfe ŋ̀óo sîa tòo. Kpɛ́ni fêi, gáa tíi kɛ̂i ǹáai su. Vé pâi kásɔnyɔ̂ŋ su-mɛni lɛɛ̂i.

Ɛsedɔ 32:9

É ŋɔ́nɔ mò Mose ma ǹyɛɛi, “Ŋá ǹûai ŋí kɔ́lɔŋ. Díŋuŋ su kpanaŋɔ̂ɔi.

Táre-woo-ŋa 1:22

“Káai káfa mɛni ŋá kàa a ǹɛ́lɛɛi, ka pâi lɛ̂ɛi m̀ɛnii ŋí su a tãi ɣɛɛlu? Káai a ŋ̀ɛ́lɛ-maa-ƃelai, lé-tãi ƃé ka pâi kperâi la kánîa-kɛɛ ma ɣɛlɛ-maa kɛ́ɛ sui? Káai táre fé káŋuŋ sui, káfe pâi wɔ́lɔ mɛni maa kɔ̂rii?

Zɛlemaya 13:10

Ŋ̀wana lɔ̂ɔ-ƃelai ŋí ƃé da díyee kúla ḿù. Ǹûai ŋí wôlii kpɔ̂lɔɔi, dí ŋwana lɔ̂ɔ kpɔ́ nɔ́ dí kɛ́ ɣâla da kpɛ́ni-ŋa fɛ̀li, dí kɛ̀ tíi kɛ̀ dîɛ. M̀ɛni ma da pâi kɛ̂i nɔ́ yɛ̂ɛ gbasa bɛ̂rɛ-kpuai ŋí nyíi kɛ̂i fé ŋɔ́nɔ m̀a a dɔnɔ kpîŋ.

Zɛlemaya 4:14

Zerusâlɛŋ, ye ŋ̀wana lɔ̂ɔ tuai kúla í liî su a gɛɛ í ƃalo-laa sɔlɔ ƃó. Í ŋwana lɔ̂ɔ kili-ŋa-siâi a pâi gɛ̂i í liî su a tãi ɣɛɛlu?

Izikiɛ 20:13

Kɛ́lɛ tãi ŋá pá la a dîa ǹɔii pûŋ sui, dítɔ̀ɔ ma. Dí ŋátɔ̂ŋ ŋai kara dí dípôlu tɔɔ ŋá sɛŋ-lɛɛi mâ nyii a pá a fulu-laa núu kélee pɔi. Nya ƃe dí ŋáfii-tɔɔ ɣelei maa tĩa kara kpɔ́ a zu kɛtɛ. Ŋá kɛ́ ŋ̀wɛli a gɛɛ ŋá ńii ŋwana kpɔ́ dîa a ŋ̀ánaa

Osia 8:5

Óo Sameria taa-leei, fé wɛ̂lii a kániŋa-loŋ pɔkɔɔŋ fɛli-mɛnii. Níi ŋwanâai dí mɛni ma. Tãi nênɛ ƃé ka pâi teêi la dífɛliɛɛ mai?

Zɛkɛrâya 8:14

Ŋ̀wála-wâla-kélee Yâwɛɛ a môi ǹyɛɛi, “Yɛ̂ɛ berei ŋá gbɛ̀tɛ la a gɛɛ ŋá mɛni nyɔ́mɔɔ kɛ́ a káa tãi kánuu-pɔ̂lɔ-ŋai dí ŋ́gɛ̀ la ńii é ŋwánai, ǹyaŋ fé ńii maa fáleŋ ní,

Nɔŋba 14:23

dɔnɔ kpîŋ fé pâi ŋ̀ɛ́i lâai ǹɔii mâ ŋá ŋ́gono tèe la dínâŋ-ni yêei. Diai kélee díŋɛi nàɣîŋ ḿɛi, dɔnɔ kpîŋ fé pâi ŋ̀ɛ́i lâai ǹɔii tí mâ.

Nɔŋba 14:27

“Tãi ɣɛɛlu ƃé ŋwana-lɔ̂ɔ-ƃelai ŋí da pâi kɛ̂i díŋuŋ su-woo saâi la é pîlaŋ ḿâi? Ŋa díŋuŋ su saa-wooi mɛ́ni a dámaa.

Nɔŋba 32:10

Maa ɣelei tí ƃé Yâwɛɛ líi è ŋwàna là é vóo ǹyɛɛi,

Maafîu 17:17

Nya ƃe Zîsɛ è ŋ̀óo su tòo, ǹyɛɛi, “Óo ŋ̀éniɛi ŋí su-ƃelai, laa-la fé káyêei, kálii su fé sãa ni. Fɛ̂ɛ ŋá kɛ́ kákɔlɛ a tãi ɣɛɛlu? Fɛ̂ɛ ŋá ńii kpéle káyêei a tãi ɣɛɛlu? Ka pá la ḿbɔ ƃɛ.”

Mâki 9:19

Zîsɛ è m̀o dîa, “Óo, ŋ̀éniɛi ŋí su-ƃelai, laa-la fé káyêei, ɣele ɣɛɛlu ƃé fɛ̂ɛ ŋá kɛ́ la kákɔlɛi? Ɣele ɣɛɛlu ƃé fɛ̂ɛ ŋá ńii kpéle la káyêei? Ka pá la ḿbɔ.”

Zɔ̂ŋ 10:38

Kɛ́lɛ, à kɛ̀ ŋà díkɛ̀, berei máŋ káfe lâai a ńyãai, ka láa a díi-ŋai, a gɛɛ ká gɔ́lɔŋ ká táre zu a gɛɛ Nàŋ-nuui káa ŋ́gbonôi ńyaŋ ŋ́gaa Nàŋ-nuui kponôi.”

Zɔ̂ŋ 12:37

Berei máŋ è ŋɛi-kɛ-maa támaa kɛ̀ la díŋɛi tuɛi, dífe laa ni la.

Zɔ̂ŋ 15:24

Eêi kɛ̀ fé díi kɛ́ ni dísama nyii núu da fe tá gɛ níi, dísɔŋ fei kɛ̀ dîa. Kɛ́lɛ, da nâa díkaa, da ŋ́gbɔara kwa Ńâŋ.

Dutɛrɔnome 1:32

Nyíŋi kélee kɛ́ɛ su káfe láa ní a Káɣâlai Yâwɛɛ,

Ibulu 3:16

Gbɛɛ-ni ƃe dí mɛ̀ni, kɛ́lɛ, dí wɔ̀lɔ a Ɣâla láai? Diai kélee kùla Ize Mose kɛ́ ƃo dímɛi a núu kɛ́tɛi dia fêi?

Ibulu 3:18

Diai woo-mɛni fé kɛ́ ni díyêei dia fé è vòo dímɛni ma a gɛɛ dífe wɔ́lɔ pâi liî ŋɔfii-tɔɔi sui?

Ibulu 3:8

káfe ká lii kpànaŋ yɛ̂ɛ berei ǹûai dí wɔ́lɔ gɛ̀ la a Ɣâla láa a zu-kɔɔ̂ŋ-tãi nyíi kɛ̀ vɛ̃ɛ-kpâlaŋ sui,