Nɔŋba 14:10 - Ŋ̀âla Kɔlɔ Maa Waai

¹⁰ Kɛ́lɛ ǹûai kélee dí mò a gɛɛ dí dísɔɔ a kɔni. Nya ƃe Yâwɛɛ ŋɔfólo-laai è pà Eezuɛ-ŋai kélee pɔ́ Zua kɔlɔ seɣe pɛrɛ maa waai mɛi.

Nɔŋba 14:10 ပူးပေါင်းရင်းမြစ်များ

Ɛsedɔ 16:10

Tãi Eelɔŋ è kɛ̀ lônoi la Eezuɛ-ŋai kélee pɔ́i, dí kɛ̀ vɛ̃ɛ-kpâlaŋ su-pere kâai, ǹyaŋ Yâwɛɛ ŋɔfólo-laai è kùla díŋɛi ɣele-kɔlɔŋ kole su.

Ɛsedɔ 16:7

Ka pâi Yâwɛɛ ŋɔfólo-laai kâai tínaa ɣele-wâla. A kálii-ŋwanai maa mɛni mɛ̂ni nyii ká gɛ̀ mai. Gbɛ̂ɛ ƃa kúa a gɛɛ ká kálii ŋwána kûa?”

Ɛsedɔ 17:4

Nya ƃe Mose è Ɣâla fɛ̀li kpɔ́ a gbanaŋɔɔ kpɔŋ-mâ mɛni ma ǹyɛɛi, “Lé ƃé ŋa pâi gɛ̂i a ǹûai ŋí? Da nâa díkpîŋ kpɛtɛ a gɛɛ dí ńzɔɔ a kɔni.”

Ɛsedɔ 40:34

Ŋ̀ele-kɔlɔŋ kolei è Bɛ́rɛi mɛi pɛ̀lɛ. Ǹyaŋ Yâwɛɛ ŋɔfólo-laai è bɛ́rɛi láa fɛ̀ɛ.

Levetekɔ 9:23

Mose da Eelɔŋ dí lɔ̀ Yâwɛɛ Ŋɔpɛ́rɛ maa waai mu. Tãi dí kula lai, dí lûwa tòo ǹûai dîa, ǹyaŋ ǹûai dí Ɣâla ŋɔfólo-laai kàa.

Nɔŋba 16:19

Nya ƃe Koa è ŋɔnûai kélee ŋá tɛ̀ ma Yâwɛɛ Ŋɔsua kɔlɔ seɣe pɛrɛ maa waai lá, dí díŋɛi tínaŋ Mose da Eelɔŋ pɔ́ naa pere. Yâwɛɛ ŋɔfólo-laai è pà díkelee dípɔ.

Nɔŋba 16:42

Tãi Eezuɛ-ŋai dí díŋa tɛ̀ la díkîe ma a gɛɛ dí tɔ́ɔ Mose da Eelɔŋ diai, dí díŋɛi tìnaŋ Yâwɛɛ Ŋɔsua kɔlɔ seɣe pɛrɛ maa waai ma-pere. Nya ƃe ŋ̀ele-kɔlɔŋ kolei è bɛ́rɛ maa waai mɛi pɛ̀lɛ, dí Yâwɛɛ ŋɔfólo-laai káa.

Nɔŋba 17:7

Nya ƃe Mose è zia-wûru-ŋai ŋí pù Zua kɔlɔ seɣe pɛrɛ maa waai mu Yâwɛɛ ŋɛ́i-tuɛ.

Nɔŋba 20:6

Nya ƃe Mose da Eelɔŋ dí kùla ǹûai sáma dí lí dí tɔ́ɔ Yâwɛɛ Ŋɔsua kɔlɔ seɣe pɛrɛi lá dí díŋuŋ ma pîlaŋ. Nya ƃe Yâwɛɛ ŋɔfólo-laai è pà dípɔ.

Maafîu 23:37

“Óo Zerusâlɛŋ, Zerusâlɛŋ, yái Ɣâla ŋɔlóno-kɛ-ƃelai pâa, í diai sɔ́ɔ a kɔni dí dítɛ̀ɛ ípɔ-naai! Ŋa ŋ̀wɛ̂lii ŋá ílônii ŋá tɛ́ díkîe ma a tãi támaa, yɛ̂ɛ berei tɛ́ɛ-lêe a ǹônii ŋá tɛ́ la díkîe ma goôŋ mui, kɛ́lɛ, ífa faa m̀a!

Zia-ƃelai Kɛ́-mɛni-ŋai 7:52

Ɣâla ŋɔlóno kɛ́-ƃelai nênɛ ƃé vé mɛni-soli káa ní kánâŋ-ni yêei? Kánâŋ-ni dí Ɣâla ŋɔworɛ̂-woo ƃó-ƃelai kélee pàa a nyíi-ŋai kɛ̀ Dɔ̃yâ Nuui pá mɛni ƃôi nàa túɛi. Káa kpîŋ ka káyee kúla Dɔ̃yâ Nuui ŋí mu ka bàa.

Zia-ƃelai Kɛ́-mɛni-ŋai 7:59

Díkɛɛ Tiƃiŋ sɔɔ̂i, è Ɣâla fɛ̀li, ǹyɛɛi, “Kúnuu-namu Zîsɛ, íyee sée ŋámɔ̂leŋ mu.”

Samia Maa-ŋuŋ 30:6

Deeƃé líi è tòo pôlu a ŋ̀ánaa, kpɛ́ni fêi, ǹûai díkɛ̀ ŋ̀wɛ̂lii dí zɔ̀ɔ a kɔni. Díkelee díkɛ̀ kpɔ́ a dílii ŋwánaa dílônii-sinaai da dílônii-nɛyãai mɛni ma. Kɛ́lɛ Yâwɛɛ, Deeƃé Ŋɔɣâlai è wála-wala tɛ̀ɛ bɔ́.