Nɔŋba 13:27 - Ŋ̀âla Kɔlɔ Maa Waai

²⁷ Dí mò Mose mà díyêei, “Kú lì ǹɔii su í kú tɛ̀ɛ naai. Gáa a sí-sɛŋ kpɛtɛ-lɔii lɛ́lɛɛ. Zu si-sãai da ká ŋí.

Nɔŋba 13:27 ပူးပေါင်းရင်းမြစ်များ

Niɛmaya 9:25

Daa-lêe-ŋai kɔ-kuluƃa wála-wala-ŋa dí kɛ̀ zui dí kɛ́ naa maa kɔ̃ɔi, ínûai dí naa kélee sòŋ é pɛ́lɛ zi-sãa kpɛtɛ lɔii-ŋai dîa. Dí pɛ́rɛ-ŋa sòŋ dílaa fɛ́ɛ a sãâ lɛ́lɛɛ-ŋa, dí ya-loa-ŋa soŋ, kpɔmɔ kpâlaŋ-ŋa, ɔle-wuru kpalaŋ-ŋa da ƃá-wuru támaa. Dí kɛ̀ dílaa miî dí kɛ́ pìla a ɣele kélee, díkɔlɔ lɛ́lɛɛ dîa a tɛ̀ɛ-ŋa. Dí kélee dí dínîa kɛ̀ ímaloŋ kâai sarâi.

Ɛsedɔ 13:5

Yâwɛɛ è góno tèe kánûa-pɔlɔ-ŋai yêei a foo-woo a gɛɛ a pâi Keena-ŋai, Ita-ŋai, Amɔra-ŋai, Ivai-ŋai da Zɛbusi-ŋai dílɔii tɛɛ̂i kápɔ. Gáa a sí-sɛŋ kpɛtɛ lɔii lɛ́lɛɛ. À pà a káa ǹɔii tí ma, ka gúui ŋí kɛ́ ŋáloŋ ŋí su.

Ɛsedɔ 3:17

Ǹyaŋ ŋa gbɛtɛ ŋ́gili ŋá a gɛɛ ŋá díkula Ize lɔii su ƃɛ́i díkaa mɛni-sôli kâai naai, ŋá pá a dia Keena-ŋai, Ita-ŋai, Amɔra-ŋai, Pɛriza-ŋai, Iva-ŋai da Zɛbusi-ŋai dílɔii su nyii gáa a lɔii lɛ́lɛɛi.

Ɛsedɔ 3:8

Ŋa pá a gɛɛ ŋá díkula Ize-ŋai yêei ŋá pá a dia lɔii kɛ́tɛ lɛ́lɛɛ su ƃɛ́i Keena-ŋai díkaa naa da Ita-ŋai, Amɔra-ŋai, Pɛriza-ŋai, Iva-ŋai, é pɛ́lɛ Zɛbusi-ŋai dîa.

Ɛsedɔ 33:3

Ka liî sí-sɛŋ kpɛtɛ lɔii ma. Kɛ́lɛ kwa káa-ni kúfe pâi liî. Kpɛ́ni fêi, kákaa a wolii kpɔ̂lɔ-ƃela. Tãi da fa lâa kásu kara la berei ma.”

Zɛlemaya 11:5

a gɛɛ ŋá gbèe-lɔi nyíi ŋá wɔ́lɔ ḿvòo la dínâŋ pɔlɔ-ŋai yêei ŋàa sèe é kɛ́. A gɛ́ɛ ŋa pâi lɔii lɛ́lɛɛ tɛɛ̂i nyíi sí-sɛŋ a kpɛ̂tɛ naa a tãi kéleei.” Nya ƃe ŋa zu tòo ńyɛ̂ɛi, “Yâwɛɛ tɔɔ é kɛ́ tí.”

Zɛlemaya 32:22

Í ǹɔii lɛ́lɛɛi ŋí tɛ̀ɛ dípɔ yɛ̂ɛ berei í íkono tèe la dínâŋ pɔlɔ-ŋai yêei.

Izikiɛ 20:15

M̀ɛni ma, ŋá ŋ́gono-tee díyêei vɛ̃ɛ-kpâlaŋ su a gɛɛ ḿve pâi ǹɛɛi naa a gɛɛ dí li ǹɔii mâ ŋá ŋ́gono-tee la díyêei a gɛɛ ŋa pâi liî a dîa zui. Ǹɔii ŋí káa a sí-sɛŋ lɛ́lɛ lɔii nyii ǹɛ́lɛ̂ɛi kpɔ́ a ŋ̀ánaa.

Izikiɛ 20:6

Ŋa ŋ́gono-tee a gɛɛ ŋa pâi dí kulai Ize-lɔii su ŋa li a dîa ǹɔii ma nyii ŋa ziɣe zu a gɛɛ ŋá dɛɛ dípɔi. Ǹɔii ŋí káa a sí-sɛŋ kpɛtɛ lɔii lɛ́lɛɛ. Ǹɛ́lɛɛ̂i kpɔ́ é tɛ́ɛ lɔii-sii kélee ma.

Levetekɔ 20:24

Kɛ́lɛ ŋá ŋ́gono tèe káyêei a gɛɛ ŋa pâi ǹɔii ŋí tɛɛ̂i, kápɔ a kápɔɔ. Ǹɔii nyii ǹáa fɛɛ̂i a ŋíni ya da kɔ̃́iŋ wulɔi. Ńyãa ƃa Yâwɛɛ, Káɣâlai, nyii kákùla ǹûai samai.

Nɔŋba 14:7

“Ǹɔii kú lì zu kâai, gáa a lɔii lɛ́lɛɛ.

Nɔŋba 14:8

À kɛ̀ Yâwɛɛ líi lâai kúmɛni ma, a pâi liî a kúa zí-sɛŋ kpɛtɛ-lɔii lɛ́lɛɛi ŋí su é dɛ́ɛ kúpɔ.

Nɔŋba 16:13

Kúkulâi í mò mii-sɛŋ kpɛtɛ-lɔii lɛ́lɛɛi su í pá a kúa ƃɛ́ vɛ̃ɛ-kpâlaŋ su a gɛɛ í kúpaâi gáa a mɛni-loŋ, a gɛɛ í íkpîŋ kɛ́ a kâloŋ kúmɛi?

Nɔŋba 16:14

Tɔ̃yâ mà ífe pá ní a kúa mii-sɛŋ kpɛtɛ-lɔii lɛ́lɛɛ mâ. Ífe tela kúsee-lɔii lɛ́ ní kûa da kpɔmɔ-ƃa-kpalaŋ. Ƃa ŋ̀wɛ̂lii í kúpɛlɛ? Kúfe pâi liî naa.”

Dutɛrɔnome 11:9

Yâwɛɛ è góno tèe la kánâŋ-ni yêei da dísuui. Ǹɔii ŋí lɛ̂lɛɛi sí-sɛŋ kpɛtɛ mɛni ma.

Dutɛrɔnome 26:9

È pà a kúa ƃɛ́ é ǹɔii ŋí tɛ́ɛ kúpɔ. Ǹɔii ŋí lɛ́lɛɛi tíi kɛ́ mɛni ma.

Dutɛrɔnome 27:3

Ka ŋ̀óo-ŋai kélee pɔ̃yɛ ma nyii Yâwɛɛ a m̀ôi kâai. Ǹɔii ŋí lɛ̂lɛɛi sí-sãa sí mɛni ma yɛ̂ɛ berei Yâwɛɛ è góno tèe la kánâŋ-ni yêei bere ƃé a gɛ̂i la káyêei.

Dutɛrɔnome 31:20

Ŋa pâi pâi a dia ǹɔii ma ŋá ŋ́gono tèe la dínâŋ-pɔlɔ-ŋai yêei. Ǹɔii ŋí lɛ̂lɛɛi tíi kɛ́ mɛni ma. Da pâi ƃûu ƃôi naa dí m̀ii-sãai míi da ŋ̀wɛ̂lii. Kɛ́lɛ da pâi tinânii ɣâla da kpɛ́ni-ŋa pɔ́ naa dí tɔ́ɔ ḿâ.

Dutɛrɔnome 6:3

Óo Eezuɛ-ƃela, ka káwoli tɔ́ɔ, ka kámɛi káa, ka woo mɛni kɛ́, a gɛɛ mɛni-ŋai kélee ka pâi kɛ̂i gɛ̂i ǹɔii su ka liî naai zu é kɛ́tɛ a ǹɛ́lɛɛ kámɛni ma. Ǹɔii lɛ̂lɛɛi sí-sãa kpɛtɛ mɛni ma yɛ̂ɛ berei kánâŋ-ni Díɣâlai Yâwɛɛ è góno tèe la díyêei.