Nɔŋba 13:26 - Ŋ̀âla Kɔlɔ Maa Waai

²⁶ Dí pà Kedɛ Mose pɔ́ da Eelɔŋ é pɛ́lɛ Eezuɛ-ŋai kélee dîa. Kedɛ káa Paraŋ fɛ̃ɛ-kpalaŋ su. Dí díkoraŋ ƃò dîɛ da ǹûai kélee. Dí gbɔmɔ-ƃa tiyɔŋ lɛ̀ dîa nyii dí kùla la naai.

Nɔŋba 13:26 ပူးပေါင်းရင်းမြစ်များ

Zɛnɛse 14:7

Dí pène pôlu dí pá Imisipa, ƃɛ́i da nàa tòli máŋ a Kedɛi, dí Amɛlɛka-ŋai dílɔii kélee síɣe. Dí Amɔra-ŋai yée mɛi ɣále máŋ, nyii-ŋai kɛ̀ Azazoŋ Tamai.

Wule-woo-ŋa 29:8

Ŋ̀óo a gɛ̀ vɛ̃ɛ-kpâlaŋ é túmo-tumo, é gɛ́ Kedɛ fɛ̃ɛ-kpalaŋ é kpɛ̃lîŋ.

Nɔŋba 13:25

Ɣele-kuu buu náaŋ tɛɛ pôlu mai dí nâa kùla ǹɔii su-kaa siai mâ dí pá pôlu.

Nɔŋba 13:3

Nya ƃe Mose è gɛ̀ yɛ̂ɛ berei Yâwɛɛ è mò lai. È ǹûa kùla Paraŋ Fɛ̃ɛ-kpalaŋ su é dítɛɛ, nyii-ŋai kɛ̀ a Eezuɛ-ŋai dísuu-ŋai láa-tuɛ-ƃelai.

Nɔŋba 20:1

Eezuɛ-ŋai dí sèri Ziŋ fɛ̃ɛ-kpalaŋ su dí díƃûui pú Kedɛ ŋ̀áloŋ maa-ŋuŋ su. Naa ƃé Miriaŋ è sàa naa dí nòo naa.

Nɔŋba 20:14

Mose kɛ́ɛ Kedɛi, è kéla-ŋa tɛ̀ɛ Idɔŋ kaloŋ pɔ́ naa. Dí mò ma díyɛɛi, “Eezuɛ-ŋai nyii-ŋai díkaa a íkaa-yɔɔ-ŋai dí worɛ-woo ká ŋí. Í gɔ́lɔŋ berei kú tɛ̀ɛ la mɛni-kpɔlu támaa sui.

Nɔŋba 20:16

Ǹyaŋ tãi kú wɔ̀lɔ la Yâwɛɛ ma a gɛɛ é kpɔ́ŋ kûai, è kúwoo mɛ̀ni é ŋɔkélai tɛ́ɛ nyii kúkùla Ize lɔii sui. Ǹyaŋ kúkaa nâa ƃɛ́ Kedɛ taai su ílɔii koyaŋ ma.

Nɔŋba 32:8

Bere ƃé kanâŋ-ni dí gɛ̀ la tãi ŋá dítɛ̀ɛ la é síɣe Kedɛ Bania a gɛɛ dí lí dí ǹɔii su káa.

Nɔŋba 32:9

Tãi dí sèri la Ɛsekɔ tiŋ-tiŋ sui dí ǹɔii káai, dí Eezuɛ-ŋai líi tòo pôlu a gɛɛ dífe lì ǹɔii su Yâwɛɛ è dɛ̀ɛ dípɔi.

Nɔŋba 33:36

Dí kùla Iziɔŋ-giƃa dí díƃûui pú Ziŋ fɛ̃ɛ-kpalaŋ su (nyii da dòli máŋ a Kedɛ).

Dutɛrɔnome 1:19

“Kú kùla Sanai kú lí kú tɛ́ɛ vɛ̃ɛ-kpâlaŋ kɛ́tɛi su nyii káa kpîŋ ká gâai, é lɛ́ɛ la zu kú seri Amɔra-ŋai ma ǹyéei su, yɛ̂ɛ berei Kúɣâlai Yâwɛɛ è mò la kûai, ǹyaŋ kú pà Kedɛ Bania.

Dutɛrɔnome 1:2

É síɣe Sana Yeei ma é tɛ́ɛ Sɛ̂ɛ yeei ma pere gɛ́ lì Kedɛ Bania káa a fólo puu káo tɔnɔɔ sia kɛ̂i.

Zasua 14:6

Nya ƃe Zuda-ƃelai dí pà Zasua pɔ́ Geega. Zefunɛ ǹóŋ Kelɛ nyíi kùla Kɛŋ-ŋai dísuui sui, è mò Zasua ma ǹyɛɛi, “Í m̀ɛnii kɔ́lɔŋ Yâwɛɛ è mò Ŋ̀âla-nuui Mose ma Kedɛ Bania é pîlaŋ kwa yá kûai.

Zasua 14:7

Ŋ́gɛɛ a kóraŋ buu náaŋ, Yâwɛɛ yée mu nuui Mose è ńdɛ̀ɛ a gɛ́ɛ ŋá lí ŋá Keena lɔii maa kpɛ́ɛ. Ŋá gɛ̀ tí ŋá pà pôlu bɔ́ a tɔ̃yâ koraŋ ƃò.