Nɔŋba 12:8 - Ŋ̀âla Kɔlɔ Maa Waai

⁸ Ŋa lôno bɔ́ a zu ponoɔ yɛ̂ɛ núu à kɛ̀ lônoi marâŋ nuu pɔ́. Fa lóno bɔ́ sáŋ su. A ńinîŋ kàa máŋ. Gɛ̀ ní lé mɛni ƃé káfe yao ní la ńyee mu-nuui Mose ma kákɛ lòno a nyɔmɔɔ é pîlaŋ mai?”

Nɔŋba 12:8 ပူးပေါင်းရင်းမြစ်များ

Zɛnɛse 32:30

Mɛni ma Zeeka è gwaai ŋí mâ tòli a Pɛniɛ ǹyɛɛi, “Kpɛ́ni fêi, kwa Ɣâla kú kúŋɛi pù gîei, ǹyaŋ ŋáfulu-laai è lɛ̀ɛ ńyêei.”

Wule-woo-ŋa 17:15

À kɛ̀ a ńyãa, ŋa pâi kɛ̂i íŋɛi-tuɛ a teniŋ-ƃo pere. Ŋa ŋ́ɛi lá ƃò, lii-nɛ̃ɛ a pâi kɛ̂i ḿâ, kpɛ́ni fêi, ŋ́gaa íkɔlɛ ma.

Wule-woo-ŋa 49:4

Ŋa pâi lônoi kápɔ sãŋ-woo-ŋa su, ŋá ŋ̀á lɛ́ kâa kɔnîŋ-woo-ŋa su a gɛɛ ká zu kula.

Ɛsedɔ 19:19

Dúru-wooi su è kɛ̀ kɛ̂tɛi. Mose è kɛ̀ lônoi Ɣâla pɔ́. Ɣâla kɛ́ ŋ̀óo su tòo a ŋ̀ele-gbâna tîŋ.

Ɛsedɔ 20:4

“Ífe ɣâla da kpɛ́ni kpɛ̀tɛ ímɛni ma í ḿolôŋ sɛŋ nyii kélee gáa ŋ̀elei su da sɛŋ nyii kélee gáa ǹɔii ma da nyii kélee gáa ǹyái su ǹɔii sui dîa.

Ɛsedɔ 33:11

Ǹyaŋ Yâwɛɛ da Mose da kâa lòno díkîe-ni pɔ́ yɛ̂ɛ núu da m̀arâŋ. Tãi Mose a kâa kùla la Bɛrɛ maa waai mu é pá pôlu mûui sui, a kâa ŋɔyee mu-nuui Zasua, nyii kɛ̀ a Nuŋ ǹóŋ-surɔ̂ŋ lɛ̀ɛ naa.

Ɛsedɔ 33:19

Yâwɛɛ ǹyɛɛ mai, “Ŋa pâi ŋásɔŋ-lɛlɛɛ-laai kélee kɛ̂i é tɛ́ɛ íŋɛi túɛ. Ŋa pâi Yâwɛɛ laai lɛ̂i yâ. Ŋa pâi ƃɛlɛ-see tɛɛ̂i diai pɔ́ ŋa pâi ƃɛlɛ-see tɛɛ̂i dípɔi, ŋá diai malôŋ káa ŋa pâi dímalôŋ kâai.

Ɛsedɔ 33:23

Gɛ̀ ní ŋa pâi ńyee siɣêi ímɛi. A kɛ̀ tí, ƃa pâi ḿbôlu pere kâai, kɛ́lɛ ífa ŋɛ́i pere kàa.”

Ɛsedɔ 34:30

Tãi Eelɔŋ da Eezuɛ-ŋai kélee dí Mose kàa lai, ŋ̀ɛ́i è kɛ̀ fôloi, ǹyaŋ dí kɛ̀ yaôi a gɛɛ dí lɛ́ɣɛ gɔlɛ.

Táre-woo-ŋa 1:6

a gɛɛ dí dáre-woo-ŋai ŋá káa da m̀ɛni-kɔɔŋ maa-ŋai, é pɛ́lɛ dáre-ƃelai woo-ŋai dîa da dí-kuleŋ-kêe-woo-ŋai.

Azaya 40:18

Gbɛ̂ɛ ƃé ya pâi Ɣâla kɔɔ̂ni m̀ai? Ya pɔ̂ri gɛ́-pere lɛ̂i léŋ?

Azaya 46:5

Yâwɛɛ ǹyɛɛi, “Gbɛ̂ɛ ƃé ka pɔ̂ri ŋ́gɔɔ̂ni mai? Núu da káa kásama zeriɛ́ɛ ḿbɔ?

Izikiɛ 17:2

“Núu-kpune ǹóŋ, ye sãŋ sɔɔ Eezuɛ-ŋai dîa,

Izikiɛ 20:49

Nya ƃe ŋa mò ǹyɛɛi, “Áa Yâwɛɛ Ɣâla, da pâi kɛ̂i mòi diɛi yá ƃé yà lono a sáŋ-woo.”

Osia 12:13

Yâwɛɛ è Eezuɛ-ŋai kùla Ize-lɔii su ŋɔlóno kɛ́-nuui sârai, é ŋɔ́nɔ dímɛi káa ŋɔlóno kɛ́-nuui sârai.

Nɔŋba 14:14

gɛ̀ ní Ize-ŋai da pâi môi ǹɔii ŋí su-ƃelai dîa. Ǹûai ŋí da mɛni a gɛɛ íkaa kúsama, ǹyaŋ kwa kaa-ni kwa kúkîe-ni kàa í kɛ́ ƃò ɣele-kɔlɔŋ kole su kúmɛi. Ƃa tɔ̂ɔ kútuɛ ɣele-kɔlɔŋ kole su a ɣele ƃɔ́ɔ, íkɛ tɔ̀ɔ kútuɛ ŋɔŋ-leŋ su a kpíni.

Nɔŋba 7:89

Tãi Mose è lɔ̀ la Zua kɔlɔ seɣe pɛrɛ maa waai mu a gɛɛ é lóno Yâwɛɛ pɔ́i, è Yâwɛɛ wóo mɛni é kúla gãla lá-tɛ-sɛŋ mɛi-pere ŋâla-taa koôŋ-sɛŋ pɔkɔɔŋ-ŋai loai gɛ́ lòno bɔ́.

Maafîu 13:35

È gɛ̀ tí a gɛɛ m̀ɛnii Ɣâla ŋɔlóno-kɛ-nuui è m̀oi ŋa-see é kɛ́, ǹyɛɛi, “Ŋa pâi lônoi nɔ́ a sáŋ-woo-ŋa. Ŋa pâi mɛni-ŋa ƃôi nyii-ŋai díloɔɔ̂i é síɣe ǹɔii kɔ́ɔ pîlaŋ tãi mai.”

Lûu 10:16

“Ǹúui a káwoo mɛ̀nii, a ŋ́oo mɛ̀ni. Kɛ́lɛ, ǹúui a ǹyée kùla kamui, a ǹyée kùla mû. À kɛ̀ ti, ǹúui a ǹyée kùla ḿûi, a ǹyée kùla ǹúui mu ńdɛ̀ɛi.”

Zɔ̂ŋ 1:18

Núu da kélee fé tá wɔ́lɔ Ɣâla káa ní. Ǹóŋ tɔnɔi nyii gáa Ǹâŋ kɔ̃ɔŋ sui, ǹyaa ƃe a ǹɛ́.

Zɔ̂ŋ 15:15

Fe pâi ŋɔ́nɔ kátôlii a yée-mu-ƃela. Kpɛ́ni fêi, ǹyée-mu-nuui fé m̀ɛnii kɔ́lɔŋ ŋɔnuu-namui a gɛ̂i. Kɛ́lɛ, ŋa kátôli a ǹâoi-ni. Kpɛ́ni fêi, nyii-ŋai kélee ŋa mɛni Ńâŋ lái, ŋa gɛ́ ká gɔ́lɔŋ.

Zɔ̂ŋ 15:24

Eêi kɛ̀ fé díi kɛ́ ni dísama nyii núu da fe tá gɛ níi, dísɔŋ fei kɛ̀ dîa. Kɛ́lɛ, da nâa díkaa, da ŋ́gbɔara kwa Ńâŋ.

Kɔleŋtiɛŋ Maa-ŋuŋ 13:12

Tãi ŋí su kúfa kwaa kâa a zu ponoɔɔ. Gáa nɔ́ yɛ̂ɛ núu à kɛ̀ sɛŋ da kâai mɛ̃lɛ-mɛ̃lɛ su. Kɛ́lɛ, nàa pôlu ma, kwa pâi mɛni-ŋai kpîŋ kâai yɛ̂ɛ berei díkaa lai. Tãi ŋí su ŋámɛni-kɔlɔŋɔɔi káa nɔ́ a gbua. Kɛ́lɛ, tãi tí sú ŋa pâi gélee kɔ́lɔnîi yɛ̂ɛ berei máŋ Ɣâla è ŋ́gɔlɔŋ la a ǹɛ́lɛɛi.

Kɔleŋtiɛŋ Veerɛi 3:18

Ǹyaŋ kúkelee kúai kúŋɛi mɛi fé pɛlɛ níi, kwa Kúnuu-namui ŋɔfólo-laai kâa, kúmaa a fâleŋ ku kɛ́ yɛ̂ɛ ǹyaa, ku kúla folo-laa-loŋ su, kú píli fólo-laa kɛ́tɛ su. Kpɛ́ni fêi, nyíŋi a kulâi Kúnuu-namu yêei, nyíi gáa a M̀ɔlêŋ.

Dutɛrɔnome 18:15

A pâi kátɔnɔ da siɣêi zu kásama é kɛ́ a ŋɔlóno kɛ́-nuu yɛ̂ɛ ńyãa. Fɛ̂ɛ ká káwoli tɔ́ɔ mà.

Dutɛrɔnome 34:10

Ɣâla ŋɔlóno kɛ́-nuu da fé wɔ́lɔ kɛ́ ní Eezuɛ lɔii su yɛ̂ɛ Mose, nyii da Yâwɛɛ dí lòno díkîe-ni pɔi.

Dutɛrɔnome 4:15

“Tãi nɔ́ Yâwɛɛ è kɛ̀ lônoi la kápɔ Sana yeei ma káfe ǹyaa kpîŋ gáa ni, ká kámɛi káa.

Dutɛrɔnome 5:8

“ ‘Káfe Ɣâla pɔkɔɔŋ da kpɛ̀tɛ kámɛni ma nyii m̀oloŋɔɔ̂i sɛŋ da mâ nyii gáa ŋ̀elei su ɣelei perei, kpaa máŋ ǹɔii mâ mù-perei, kpaa máŋ ǹyái mu mù-perei,

Kolasiɛŋ 1:15

Gáa a Ŋ̀âlai nyíi kúfa gâai bɔkɔɔŋ, gáa a ǹúui maa-ŋuŋ ŋ̀éniɛi su kpɛtɛ-sãai kélee tuɛ.

Tɛsɛlôniɛŋ Maa-ŋuŋ 4:8

Mɛni ma ǹúui kélee a ŋ̀ɛi naɣîŋ nyíŋi mɛi, va ŋ̀ɛi naɣîŋ núu-kpune mɛi. Kɛ́lɛ, a ŋ̀ɛi naɣîŋ Ɣâla mɛi, nyíi Ŋɔmɔlêŋ Maa Waai tɛ̀ɛ kápɔi.

Temete Maa-ŋuŋ 6:16

Ɣâla ǹyaa tɔnɔ nɔ́ ƃe va sâa, gáa gwaa-ponoɔi su, nyíi núu fa lɛ̂ɣɛ gɔlɛi. Núu da fé niî Ɣâla káa ní, kpaa máŋ núu da fa pɔ̂ri gâai. Ƃaa-kɛ-maa é lí bɔ é kɛ́ sɛŋ kélee mɛi wɔlɔ-wɔlɔ da wɔlɔ-wɔlɔ. É kɛ́ ti.

Ibulu 1:1

Tãi pɔlɔi su Ɣâla è lòno kúnâŋ pɔlɔ-ŋai pɔ́ ŋɔlóno-kɛ-ƃelai sarâi pere sii da kpɛni támaa su.

Ibulu 1:3

È Ɣâla ŋɔfólo-laai lɛ̀, gɛ ƃo a Ɣâla kɛ́-perei pɔɔ-ŋa nuu. A ǹyée kɛ̀ ŋ̀éniɛi ma a ŋɔwala-wala-wooi. Tãi è núu maa-waa-laa la sɔnyɔ̂ŋ mɛni mai, è sèe Ŋ̀âla kɛ́tɛi láa-mii-yee mɛi Ɣâla-taa.

Pitɛ Veerɛi 2:10

é téla kɛ́ kpɔ́ a diai da díwoli tɔ̀ɔ tua-pere-nyɔŋ maa-sɛŋ-wɛliɛ ma nyíi a núu kàrai, da diai da díŋɛi nàɣîŋ ǹúu-tuɛ-ƃelai mɛi. Dílii-kpeleɛɛ, díŋuŋ su kpanaŋɔɔ, dífa yao a lóno nyɔ́mɔɔ-kɛɛ é pîlaŋ la Ɣâla ŋɔfólo-laai ma,

Zûu 1:8

Kɛ́lɛ, é máŋ kɛ́ tí, bere sii tɔnɔi ŋí su, ǹûai ŋí máŋ da núu kpono kara díkili-ŋa-sia nyɔ́mɔɔi su. Dífa díwoli tɔ̀ɔ ǹúu-tuɛ-ƃelai dîa, díkɛ lóno nyɔ́mɔɔ kɛ̀ gɛ́ pîlaŋ Kôrai ŋɔfólo-laai ma.