Nɔŋba 12:3 - Ŋ̀âla Kɔlɔ Maa Waai

³ Mose è kɛ̀ a ǹíi maa yeŋɔɔ kpɔ́ é tɛ́ɛ núu kélee ma ŋ̀éniɛi su.

Nɔŋba 12:3 ပူးပေါင်းရင်းမြစ်များ

Wule-woo-ŋa 147:6

A kpɔŋ mâa tɛ̀ɛ diai pɔ́ dímaa yeŋɔ̂ɔi, é gɛ́ dí dímu siɣe dí tɔ́ɔ. Kɛ́lɛ a ŋ̀wana-lɔ̂ɔ-ƃelai tôo ǹɔii ma.

Wule-woo-ŋa 149:4

Yâwɛɛ ŋɔnûai maa mɛ̂ni kpanaŋɔɔ̂i ma. A gɛ̀ diai dí maa yeŋɔ̂ɔi, dí díkpɔara-ƃelai yée mɛi ɣále.

Nɔŋba 12:4

Yâwɛɛ è mò Mose ma da Eelɔŋ é pɛ́lɛ Miriaŋ ma ǹyɛɛ diai, “Ká saaƃaŋɔɔ ka kula m̀ûui su ká pá Zua kɔlɔ seɣe pɛrɛ maa waai lá.” Nya ƃe dísaaƃaŋɔɔ dí kùla dí lí.

Maafîu 11:29

Ka ŋákpîrii sìɣe ka ḿaa-mɛni maa kɔ́ri, kpɛ́ni fêi, ḿaa yeŋɔɔ̂i, ńii maa yeŋɔɔ. Gɛ̀ ní, ka pâi fii-tɔɔ sɔlɔ ƃôi kámɔlêŋ su.

Maafîu 21:5

“Ka mó Zãiyɔŋ ǹóŋ-nɛnii ma, Gáa, íkâloŋ káa pâi ípɔ. Ǹíi maa yeŋɔɔ, gɛ ƃo seêni wɛlɛ-sôo mɛi, da ŋwɛlɛ-sôoi ǹóŋ.”

Maafîu 5:5

Lûwa káa diai dîa dílii maa yeŋɔɔ̂i, kpɛ́ni fêi, dîa ƃe dípɔɔ ƃa ǹɔii.

Kɔleŋtiɛŋ Veerɛi 10:1

Ńyãa Pɔ̂ɔ, ńyãa kpîŋ ŋa môi kâa Kôrai ŋɔmaa-yêŋ da ŋɔsɔŋ-lɛ̂lɛi sarâi, ŋà kɛ̀ ká ŋɛ́i ḿaa yeŋɔɔ̂i, kɛ́lɛ, ŋà wàla kɛ́ ká ŋɛ́i, ńii kpelêɛi!

Kɔleŋtiɛŋ Veerɛi 11:5

Gáa ŋ́gili ŋá a gɛ́ɛ fé a nuu-doo-mu pere sii kélee su zia-ƃelai ŋí sama nyíi-ŋai da díkpîŋ kɛ̀tɛi.

Kɔleŋtiɛŋ Veerɛi 12:11

Ŋá ŋ́gbîŋ kùla a ƃoo-nuu! Kɛ́lɛ, káa ƃe ŋ́gɛ ŋá gɛ́ ti, kpɛ́ni fêi, káa ƃêi pɔ̂ri ńɛ̂i. Kpɛ́ni fêi, fé a núu-doo-mu pere sii kélee da su zia-ƃelai ŋí sama nyíi-ŋai da díkpîŋ kɛ́tɛ̂i, berei máŋ ŋ́gaa la nɔ́ kpɛ́ni-kpɛnii.

Tɛsɛlôniɛŋ Maa-ŋuŋ 2:7

Kɛ́lɛ, kú kɛ̀ a kúsɔŋ lɛ́lɛɛ kásama yɛ̂ɛ berei nia-pɛlɛɛ mɛi-kaa-nɛni a ŋɔnîa-pɛlɛɛi mɛi kâa lai.

Zĩi 3:13

Gbɛ̂ɛ ƃe dáreɛɛ̂i gɛ́ mɛni ŋá kàa kásamâi? Tɔɔ é ŋɔtíi lɛ́ ŋɔfúlu-laa lɛ́lɛɛi su maa-yeŋ-pere su, nyíi a kûla táre sui.

Pitɛ Maa-ŋuŋ 3:4

Kɛ́lɛ, kálɛlɛ laai é kúla kákponôi é kɛ́ a kátûa-perei nyíi maa-yeŋɔɔ̂i mɛi saai, nyíi ǹɛ́lɛɛ̂i Ɣâla ŋɛ́i-tuɛ yɛ̂ɛ kɔni mɛni kpanaŋɔɔ̂i.