Nɔŋba 11:23 - Ŋ̀âla Kɔlɔ Maa Waai

²³ Nya ƃe Yâwɛɛ è mò Mose ma ǹyɛɛi, “Gáa íkili-ŋa a gɛɛ ŋáwala wala-laai kóyaŋ káa ma? Ƃa pâi gâai à kɛ̀ mɛnii ŋá mòi a pâi kɛ̂i kpaa máŋ vé pâi kɛ̂i.”

Nɔŋba 11:23 ပူးပေါင်းရင်းမြစ်များ

Zɛnɛse 18:14

Mɛni da káa naa gbanaŋɔɔ̂i Yâwɛɛ ma? Kóraŋ tɔnɔ à tɛ̀ɛ ŋa pâi pâi pôlu ípɔ. Ǹyaŋ ínɛnîi Seera a pâi lóŋ-surɔ̂ŋ maa sɔlɔ ƃôi.”

Kâloŋ Veerɛi 4:43

Ǹyée-mu-nuui è mò ǹyɛɛi, “Ŋa pɔ̂ri mii-sãa kuroi ŋí seêi léŋ ǹûa ŋuŋ tɔnɔi ŋí ŋɛi?” Ilasa è zu tòo ǹyɛɛ mai, “Dɛɛ ǹûai pɔ́ dí mii. Kpɛ́ni fêi, mɛnii ká ŋí Yâwɛɛ a m̀ôi, ‘Da pâi mii-sãai ŋí miî da é lɛ́ɛ.’ ”

Kâloŋ Veerɛi 7:2

Gâloŋ mɛi káa-nuu kɛ́tɛi kɛ̀ naa gâloŋ kɔlɛi è zu tòo ǹyɛɛi, “Ḿve láa-ni la! A nɛ̃ɛ ma kpîŋ Yâwɛɛ é ŋ̀ele kɔ̂lɔŋ lá ƃó a gɛɛ mii-sɛŋ é pú ǹɔii ma, va pɔ̂ri mii-sɛ̂ŋ kɛ́ɛ tí kɛ̂i a gɛɛ é tínaa kɛ́ naa!” Ilasa è ŋ̀óo su tòo ǹyɛɛi, “Ƃa pâi gâai é kɛ́, kɛ́lɛ ífe pâi maa mii-sɛŋ da miî.”

Wule-woo-ŋa 78:41

Dí zu kɔ̀ɔŋ a tãi támaa. Dí gɛ̀ Eezuɛ Ŋɔɣâla Maa Waai líi su é kara-kara dímɛni ma.

Ɛsedɔ 6:1

Nya ƃe Yâwɛɛ è mò Mose mà ǹyɛɛi, “Ƃa pâi nâa gâai mɛnii ŋa pâi gɛ̂i a Gâloŋ. Ŋa pâi gɛ̂i a wála-wala-laa a gɛɛ é dílɛɛ naa dí lí. Ŋa pâi máŋ gɛ̂i a wála-wala-laa é díkula ŋɔlɔii su”

Azaya 50:2

“Lé ƃé gɛ̀ ŋá pà fé núu da káa níi? Lé ƃé gɛ̀ núu da fé ŋ́oo su too níi? Ka ǹɛ̂i ḿâ fa pɔ̂ri káŋuŋ ma ƃôi? Kpaa máŋ káŋuŋ maa ƃó wala-wala fé ńyêei? Ŋa gɛ̀ yúo é kpála, ŋá gɛ́ ya-lêe-ŋa dípene a vɛ̃ɛ-kpâlaŋ-ŋa su, ǹaa nyɛ̃ɛ-ŋai dí sáa.

Azaya 59:1

Ka gɔ́lɔŋ a gɛ́ɛ sɛŋ da fé naa nyíi a Yâwɛɛ perêi kpàaŋ núu da ŋuŋ ma ƃó mɛni ma, kpaa máŋ ŋ̀óli tíniŋɔɔ, va ká fɛli-wôoi mɛ̂ni.

Zɛlemaya 14:9

Lé mɛni ƃé íkaa la yɛ̂ɛ núu ƃé mɛni a kulâi lai, yɛ̂ɛ kɔ-kuluƃa ƃé pɔri fé mì a gɛɛ é kpɔŋ núu mai? Tɔ̃yâ ma, Yâwɛɛ, íkaa kú kɔlɛ ma. Kúkaa a ínûa. Ífe ípôlu tɔ̀ɔ kûa.’ ”

Zɛlemaya 32:17

“Yá, Ŋ̀wála-wâla kélee Yâwɛɛ, yá ƃé ǹɔii da ŋ̀elei kpɛ̂tɛ a íwala-wala-laa kɛ́tɛi! Mɛni da fé naa nyíi gbanaŋɔɔ̂i ímaa mɛni ma.

Zɛlemaya 32:27

“Ńyãa ƃa Yâwɛɛ. Ŋ́gaa a núu-kpune kélee Díɣâla. Mɛni da fé naa nyíi fa pɔ̂ri gɛ̂i.

Izikiɛ 12:25

Ŋ̀wála-wâla kélee Yâwɛɛi è mò ǹyɛɛi, ‘Kɛ́lɛ, ńyãa Yâwɛɛ, ŋa pâi m̀ɛnii ƃoi nyii ŋa-see a pâi kɛ̂i. Ǹyaŋ ḿve ŋɔ́nɔ pâi tãi su-koyaa siɣei ŋ́gɛ m̀ɛni-ŋai su tôo. Ŋa pâi mɛni-ŋai su tôoi a tãi kákaa nîi la ɣele mai. Káai a dɔ̀ɔ-mâ ƃelai, ŋa pâi m̀ɛnii kɛ̂i a káa ŋá mòi.’ ”

Izikiɛ 24:14

Ńyãa Yâwɛɛ ƃé mò tí. Ǹyaŋ ŋàa see a pâi kɛ̂i. Ŋa pâi gɛ́i tí. Ḿve pâi kɔyɛ̃nii perêi. Ḿve pâi í malôŋ kâai. Ḿve pâi ǹíi penei. Ŋa pâi íkula maa kɛ̂i yɛ̂ɛ berei ítâa-pere káa lai. Ńyãa Yâwɛɛ ńyãa ƃé mò tí.”

Danîa 6:20

Tãi è lɛ̀ɣɛ la ǹóai kɔlɛ mai, è Danîa tòli ɣelêi-pere ǹyɛɛ mai, “Danîa, Gɛ-Ɣele-ma Ɣalai ya tíi kɛ̂i mì a ɣele kélee fii-tɔ̀ɔ fé yâi, aâ íŋuŋ ma ƃó a íkula ǹyala-sulu-ŋai lá?”

Maka 2:7

Í lâai-la Eezuɛ-ŋai díkaa foo-woo mu? Yâwɛɛ líi fé kpele ni? Í lâai-la a pɔ̂ri m̀ɛni-ŋai ŋí kɛ̂i? Va pɔ̂ri mɛni lɛ́lɛɛ kɛ̂i dɔ̃yâ-ƃelai dîɛ?”

Nɔŋba 11:22

À nɛ̀ɛ ma kpîŋ dí taa-tulɛ támaa páa a pɔ̂ri gula-kɛɛ ƃôi dímɛni ma? Kpaa máŋ ǹyɛ̃ɛ-ŋai kélee díkaa yúo sui da pɔ̂ri gula-kɛɛ ƃôi dímɛni ma?”

Nɔŋba 23:19

Ɣâla fa lɛ́ɛ kɛ̀ yɛ̂ɛ berei núu kpune a gɛ̀ lai. Va ǹíi maa fâleŋ yɛ̂ɛ berei núu-kpune a gɛ̀ lai. A ŋɔkono-tee-wooi ŋ̀á-see kɛ̀. Mɛnii a mòi, a ŋ̀á-see kɛ̀.

Maafîu 19:26

Zîsɛ è díkàa, ǹyɛɛ diai, “Nyiŋi bɔri fé núu-kpune mì, kɛ́lɛ, mɛni kélee bɔri káa Ɣâla mì.”

Maafîu 24:35

Ŋelei da ǹɔii da pâi kpɛɛ̂i, kɛ́lɛ, ŋáwooi fé pâi wɔ́lɔ kpɛɛ̂i.

Lûu 1:37

Kpɛ́ni fêi, mɛni da fé naa a gɛɛ Ɣâla fa pɔ̂ri gɛ̂i.”