Nɔŋba 11:17 - Ŋ̀âla Kɔlɔ Maa Waai

¹⁷ Ŋa pâi pâi ŋá lóno naa ípɔ. Mɔ̂leŋ gáa íkponôi ŋa pâi da pûi díkponôi a gɛɛ ǹûai maa mɛni é kɛ́ kâa ka dîa-ni, vé kɛ̀ nɔ́ yá tɔnɔ yâ.

Nɔŋba 11:17 ပူးပေါင်းရင်းမြစ်များ

Zɛnɛse 11:5

Nya ƃe Yâwɛɛ è pà a gɛɛ é daai káa da bɛ́rɛi nyii-ŋai núu-kpune è dɔ̀ɔi.

Zɛnɛse 17:22

Tãi Ɣâla è kpɛ̀ɛ la a lónoɔɔ Eberaɣɛ̃ɛ pɔ́i, Ɣâla è lì.

Zɛnɛse 17:3

Nya ƃe Eberaŋ è pɛ̀lɛ ǹɔii ma Ɣâla ǹyɛɛ mai,

Zɛnɛse 18:33

Tãi Yâwɛɛ è kpɛ̀ɛ la a lónoɔɔ Eberaɣɛ̃ɛ pɔi, è lì. Eberaɣɛ̃ɛ ǹyaŋ é lí bɔ́ naa.

Kâloŋ Veerɛi 2:15

Ɣâla ŋɔlóno kɛ́-ƃela kpului kùla Zɛleko nyii-ŋai kɛ̀ tɔɔ-ni dí kɛ́ naa kàai dí mò dîyɛɛi, “Ilaiza ŋɔmɔ̂leŋ káa Ilasa kponôi.” Ǹyaŋ dí lì a gɛɛ da dîa-ni dí koyaŋ. Dí dímaa pɛ̂lɛ ǹɔii ma ŋ̀ɛ́i túɛ.

Kâloŋ Veerɛi 2:9

Tãi dí nâa ǹyái tìyeŋ lai, Ilaiza è Ilasa marê kɛ̀ ǹyɛɛ mai, “Mó mâ, lé ƃé ƃa ŋ̀wɛ̂lii ŋá gɛ́ yɛ̂ dí lɛ́ɛ pâi ŋ́gulâi íyêei?” Ilasa è zu tòo, “Tɔɔ ŋá íwala-wala-laai gɛ́tɛ ɣele sɔlɔ ƃó é tɛ́ɛ ḿarâai dîa a gɛɛ ŋá lɛ́ɛ ípɔɔ ŋá a dítuɛ-nuu.”

Niɛmaya 9:20

Í Ímɔ̂leŋ lɛ́lɛɛi pù díkponôi, é Dɔ̂ŋ mɛi káa kili ŋa pono tɛɛ dípɔ. Í mana tɛ̀ɛ dípɔ dí mii, í yá tɛ́ɛ dípɔ díkpele mɛni ma.

Ɛsedɔ 18:18

Ka ǹûai ka pâi kɔlɔ kpɛɛi kákpîŋ kâa, kpɛ́ni fêi, m̀ɛnii ŋí wuyɛɛ̂i ímɛni ma, ífa pɔ̂ri mu yá tɔnɔ.

Ɛsedɔ 18:22

Tɔɔ ǹúu-tuɛ-ƃelai ŋí díkɛ ǹûai dímɛni-ŋai ƃôi díloai a tãi kélee. Mɛni-ŋai dífa pɔrîi môi, dí pá a dîa ípɔ. Kɛ́lɛ dí mɛni pɛlɛɛ-ŋai ƃó díloai. Bere-sii ŋí tí su, kpîri wuyɛɛ fé pâi ŋɔ́nɔ kɛ̂i íyêei. Kpɛ́ni fêi ka dîa-ni ká káa ziɣei.

Ɛsedɔ 19:11

Dí kɛ́ a díkpîŋ kpɛtɛɛ a ŋ̀ele-kûui zaaƃa ɣelei. Kpɛ́ni fêi, maa-ɣelei tí ƃé, ńyãa Yâwɛɛ, ŋa pâi pâi la Sana Yeei ma ǹûai kélee ŋɛ́i.

Ɛsedɔ 19:20

Nya ƃe Yâwɛɛ è yèŋ é pîlaŋ Sana Yeei tôŋ su. É Mose tòli ǹyéei tôŋ su é lí naa.

Ɛsedɔ 34:5

Yâwɛɛ è yèŋ ɣele-kɔlɔŋ kolei su é tɔ́ɔ Mose kɔlɛ, é gbîŋ ǹáa tóli ǹyɛɛ, “Yâwɛɛ.”

Azaya 44:3

“Ŋa pâi gɛ̂i tuna é pú, ǹɔii kpâlai é yɔɔ. Ŋa pâi gɛ̂i ya-ɣɛli pɛlɛɛ-ŋa dí láa vɛ̃ɛ-kpâlaŋ-ŋai su. Ŋa pâi Ŋámɔ̂leŋ pûi kálônii kponôi, ŋá lûwa láa dîa.

Azaya 63:11

Nya ƃe tãi pɔlɔ-ŋai nyii kɛ́ a Yâwɛɛ ŋɔtii-kɛ-nuui Mose ŋɔtãi, kíli è tòo díŋa. Dí mare-kɛ̂ɛ kɛ̀ dîyɛɛi, “Mí ƃé Yâwɛɛ nyii wɔ́lɔ ŋɔnûai láa túɛ-ƃelai ŋuŋ mâ ƃò, é díkula yúo sui káa naai? Mí ƃé Yâwɛɛ nyii wɔ́lɔ Ŋɔmɔ̃̂leŋ Maa Waai tɛ̂ɛ ŋɔnûai sámai káa naai?

Zooɛ 2:28

“Ŋa pâi ŋámɔ̂leŋ pûi núu kélee kponôi a ŋ̀ele-ŋai kpɛɛ-ŋa. Kálônii-sinaai da kálônii-nɛyãai da pâi mɛni ƃôi naa túɛ, kásiɛ pɔlɔ-ŋai dí see ƃó, zĩ̂a a pâi tɛɛ̂i a kányaŋkpa-ŋai.

Nɔŋba 11:25

Yâwɛɛ è yèŋ ŋ̀ele-kɔlɔŋ kolei su é lóno bɔ́. È mɔ̂leŋ da kùla Mose kponôi é bú ǹuu-pɔlɔ buu lɔ́ɔlu mɛi feerɛi kponôi. Tãi mɔ̂leŋ è lɔ̀ la díkponôi, dí lòno yɛ̂ɛ Ɣâla ŋɔlóno-kɛ-ƃela. Kɛ́lɛ dí lòno nɔ́ a tãi kpùa.

Nɔŋba 12:5

Yâwɛɛ è yèŋ ɣele-kɔlɔ kolei su é tɔ́ɔ Zua kɔlɔ seɣe pɛrɛ maa waai láƃelei é Eelɔŋ da Miriaŋ dítòli. Dífeerɛŋɔɔ dí kùla dí tɔ́ɔ tuɛ-pere.

Nɔŋba 12:8

Ŋa lôno bɔ́ a zu ponoɔ yɛ̂ɛ núu à kɛ̀ lônoi marâŋ nuu pɔ́. Fa lóno bɔ́ sáŋ su. A ńinîŋ kàa máŋ. Gɛ̀ ní lé mɛni ƃé káfe yao ní la ńyee mu-nuui Mose ma kákɛ lòno a nyɔmɔɔ é pîlaŋ mai?”

Nɔŋba 27:18

Nya ƃe Yâwɛɛ è mò Mose mà ǹyɛɛi, “Nuŋ ǹóŋ Zasua siɣe nyii Ɣâla ŋɔmɔ̂leŋ káa gbonôi, í íyee pɛ́lɛ ŋ̀ûa.

Nɔŋba 7:89

Tãi Mose è lɔ̀ la Zua kɔlɔ seɣe pɛrɛ maa waai mu a gɛɛ é lóno Yâwɛɛ pɔ́i, è Yâwɛɛ wóo mɛni é kúla gãla lá-tɛ-sɛŋ mɛi-pere ŋâla-taa koôŋ-sɛŋ pɔkɔɔŋ-ŋai loai gɛ́ lòno bɔ́.

Zɔ̂ŋ 3:13

Núu da fé tá tɛ ní Ɣâla-taa, fɛ̂ɛ nyii kula Ɣâla-taai, núu-kpune Ǹóŋ, nyii gáa Ɣâla-taai.

Zɔ̂ŋ 7:39

E nyiŋi ƃò e pîlaŋ M̀ɔlêŋ ma nyíi diai da làa lai da pâi zɔlɔ ƃôi; kpɛ́ni fêi, dífe niî kɛ̀ M̀ɔlêŋ tɛɛ ni, kpɛ́ni fêi, Zîsɛ ŋɔfólo-laai maa fé kɛ́ ní niî a dɛ́ɛ.

Lomaŋ 8:9

Kɛ́lɛ, káfa sîa kákpîŋ tua-perei ma, kákaa M̀ɔlêŋ su, à kɛ̀ Ɣâla Ŋɔmɔ̂leŋ káa kákponôi a tɔ̃yâ. Ǹúui kélee Kôrai Ŋɔmɔ̂leŋ fe gbonôi, maa-nuui fe a Kôrai pɔ́ɔ.

Kɔleŋtiɛŋ Maa-ŋuŋ 2:12

Kúfe niî ŋ̀éniɛi ŋí su tua-perei sɔlɔ ƃo ni, kɛ́lɛ, kwa M̀ɔlêŋ sɔlɔ ƃo nyíi kùla Ɣâla yêei a gɛ́ɛ ku táre zama-sɛŋ maa-mɛnii su Ɣâla e dɛ̀ɛ kúpɔi.

Tɛsɛlôniɛŋ Maa-ŋuŋ 4:8

Mɛni ma ǹúui kélee a ŋ̀ɛi naɣîŋ nyíŋi mɛi, va ŋ̀ɛi naɣîŋ núu-kpune mɛi. Kɛ́lɛ, a ŋ̀ɛi naɣîŋ Ɣâla mɛi, nyíi Ŋɔmɔlêŋ Maa Waai tɛ̀ɛ kápɔi.

Pitɛ Maa-ŋuŋ 1:22

Kámɔlêŋ maa waâi a dɔ̃yâi maa woo mɛniɛi gáa káyêei a gɛɛ tɔ̃yâ wɛli-kɛ-maa é kɛ́ káyêei kákîe-ni mɛni mai. M̀ɛni ma ka kákîe-ni wɛ́li tɔ̃yâ-pere su é kúla kálii su.

Zûu 1:19

Ǹûai ŋí ƃa ŋa kɔlɛ kɛ̀. Díkaa a ŋ̀éniɛi ŋí su-ƃela, Mɔlêŋ fé díyêei.

Samia Maa-ŋuŋ 10:6

À kɛ̀ tí, Ǹuu-namui ŋɔmɔlêŋ a pâi pâi kpɔ́ ímɛi a m̀aa félaa. Ǹyaŋ a pâi íkɛ̂i kpɔ́ a núu da kpɛ́ni. Nyíŋi à kɛ̀, yâ pâi nâa kɛ̂i tuɛ-mɛni ƃôi ka dîa-ni.