Nɔŋba 11:16 - Ŋ̀âla Kɔlɔ Maa Waai

¹⁶ Nya ƃe Yâwɛɛ è mò Mose mà ǹyɛɛi, “Kpakolo buu lɔ́ɔlu mɛi feerɛ kúla mî Eezuɛ-ŋai dínûa-pɔlɔ-ŋai sáma nyii-ŋai í gɔ́lɔŋ a gɛɛ díkaa a Eezuɛ-ŋai túɛ-ƃelai, í pá a dîa a gɛɛ dí tɔ́ɔ Zua kɔlɔ seɣe pɛrɛ maa waai ŋɛ́i-tuɛ íkɔlɛ.

Nɔŋba 11:16 ပူးပေါင်းရင်းမြစ်များ

Zɛnɛse 46:27

Zosɛ è lóŋ-surɔ̂ŋ feerɛ maa sɔlɔ ƃô Ize lɔii su. Zeeka ŋɔpɛ́rɛi mu-ƃelai kélee, nyii-ŋai lì Ize lɔii sui, dí kɛ̀ a núu buu lɔ́ɔlu mɛi feerɛ.

Ɛsedɔ 18:25

Mose è ténîŋ ƃô kpakolo-ŋa kùla Eezuɛ-ŋai sáma é dítɔɔ ǹûai mɛi. É dítɔ̀ɔ núu wála tɔnɔ (1,000), ŋuŋ tɔnɔ (100), buu lɔ́ɔlu da núu puu mɛi.

Ɛsedɔ 24:1

Yâwɛɛ è mò Mose ma ǹyɛɛi, “Ka Eelɔŋ, Nada da Abiu ka pá ḿbɔ ǹyéei ma. Ka Eezuɛ nuu-pɔlɔ-ŋai buu lɔ́ɔlu mɛi feerɛ síɣe ka dia-ni ká pá ká tɔ́ɔ kwaa kôyaa ma ká ḿvɛli.

Ɛsedɔ 24:9

Mose, Eelɔŋ da Nada é pɛ́lɛ Abiu ma dí lì da Eezuɛ nuu-pɔlɔ buu lɔ́ɔlu mɛi feerɛi ǹyéei ma.

Ɛsedɔ 4:29

Mose da Eelɔŋ dí lì dí Eezuɛ nuu-pɔlɔ-ŋai kélee ŋá tɛ́ gîe ma.

Zɛlemaya 19:1

Yâwɛɛ è lòno ḿbɔ ǹyɛɛi, “Lí í pɔ̂rɔ-leɣi yá ǹeɣi-tɔɔ nuui yêei, í Eezuɛ nuu-pɔlɔ-ŋai da-ni é pɛlɛ zâla láa-soŋ-ƃelai láa-tuɛ-ƃelai da-ni dîa,

Izikiɛ 8:11

Ŋá Eezuɛ-ŋai dínuu-pɔlɔ ŋai buu lɔ́ɔlu mɛi feerɛ kâa naa. Safaŋ ǹóŋ surɔŋ Zezania kɛ̀ ƃo dí sama. Kéreŋ-sɛŋ kuŋ-nɛ̃ɛ kéreŋ sɛ̂ŋ è kɛ̀ díkelee díyêei. Naa láa è kɛ̀ a vɛ̀ɛ a kereŋ-sɛŋ kuŋ-nɛ̃ɛ kéreŋ luru.

Nɔŋba 11:24

Nya ƃe Mose è lì é mɛnii ƃó dîa Yâwɛɛ è mò mai. È kpakolo buu lɔ́ɔlu mɛi feerɛ kùla ǹûai dínuu-pɔlɔ-ŋai sáma é dítinaŋ Zua kɔlɔ seɣe pɛrɛ maa waai ma pere.

Nɔŋba 16:25

Nya ƃe Mose è mù sìɣe da Eezuɛ-ŋai dínuu-pɔlɔ-ŋai dí lí Dataŋ da Abiraŋ dípɔ naa.

Lûu 10:1

Nyiŋi naa pôlu ma, Kúnuu-namui e núu buu lɔ́ɔlu mɛi feerɛ sèe. Nya ƃe e dítɛ̀ɛ ŋ̀ɛi tuɛ feerɛ-feerɛ. Dí lì daa-ŋai kélee su da gwaa-ŋai kélee ma ƃɛi e kɛ̀ pâi liî naai.

Lûu 10:17

Nya ƃe ǹúu buu lɔ́ɔlu mɛi feerɛi dí pà pôlu a lii-nɛ̃ɛ, dîyɛɛi, “Kúnuu-namui, nyînaŋ nyɔ́mɔɔ-ŋai kpîŋ máŋ dí kúwoo sìɣe ílaâi su!”

Dutɛrɔnome 1:15

Nya ƃe ŋá ǹûai ŋí sìɣe ŋá dítɔɔ dílaa-tuɛ. Da-ŋa dí kɛ̀ núu wála tɔnɔ (1,000) mɛi, da-ŋa dí ƃò núu ŋuŋ tɔ̂nɔ (100) mɛi, da-ŋa dí ƃò núu buu lɔ́ɔlu mɛi, da-ŋa dí ƃò núu puu mɛi.

Dutɛrɔnome 16:18

“Ka núu-pɔlɔ-ŋa lɛ́ kásuui su tɛi-tɛi daa-ŋai su Yâwɛɛ Káɣâlai è dɛ̀ɛ kápɔi. Ka da-ŋa kɛ́ a mɛni-saa ƃó-ƃela, ká da-ŋa kɛ́ a núu kpaya-kpaya nyii-ŋai pâi ǹûai dímɛni-ŋai ŋáa teêi a tɔ̃yâ-laai.

Dutɛrɔnome 31:28

Káai a ǹúu-pɔlɔ-ŋai ka ǹûa kpaya-kpayai-ŋai ka káŋaa tɛ́ gîe ma ká káwoli tɔ́ɔ mɛni-ŋai dîa ŋa pâi ǹônoi. Ŋ̀elei da ǹɔii ƃa ŋásêre-ŋa.