Nɔŋba 11:13 - Ŋ̀âla Kɔlɔ Maa Waai

¹³ Mí ƃé ŋa pâi sua kâai naa ŋá dɛɛ ǹûai ŋí kélee pɔ́i? Kpɛni fêi, díkaa wɔ̂lɔi ŋ́gɔlɛ dîyɛɛi, ‘Sua tɛ́ɛ kúpɔ kú mii.’

Nɔŋba 11:13 ပူးပေါင်းရင်းမြစ်များ

Kâloŋ Veerɛi 4:43

Ǹyée-mu-nuui è mò ǹyɛɛi, “Ŋa pɔ̂ri mii-sãa kuroi ŋí seêi léŋ ǹûa ŋuŋ tɔnɔi ŋí ŋɛi?” Ilasa è zu tòo ǹyɛɛ mai, “Dɛɛ ǹûai pɔ́ dí mii. Kpɛ́ni fêi, mɛnii ká ŋí Yâwɛɛ a m̀ôi, ‘Da pâi mii-sãai ŋí miî da é lɛ́ɛ.’ ”

Kâloŋ Veerɛi 7:2

Gâloŋ mɛi káa-nuu kɛ́tɛi kɛ̀ naa gâloŋ kɔlɛi è zu tòo ǹyɛɛi, “Ḿve láa-ni la! A nɛ̃ɛ ma kpîŋ Yâwɛɛ é ŋ̀ele kɔ̂lɔŋ lá ƃó a gɛɛ mii-sɛŋ é pú ǹɔii ma, va pɔ̂ri mii-sɛ̂ŋ kɛ́ɛ tí kɛ̂i a gɛɛ é tínaa kɛ́ naa!” Ilasa è ŋ̀óo su tòo ǹyɛɛi, “Ƃa pâi gâai é kɛ́, kɛ́lɛ ífe pâi maa mii-sɛŋ da miî.”

Nɔŋba 11:20

Kɛ́lɛ ka pâi miî a ɣáloŋ tɔnɔ. Ka pâi lɛɛ̂i miî gúŋ é nyɔ́ŋ kásũai. M̀ii-wɛ̂li a pâi kpɛɛ̂i kâa. Kpɛ́ni fêi, káfe káyee see ní Yâwɛɛ ŋɔkɛ-naai mu kásama, kákɛ mò kâa, “Kú kùla Ize lɔii su lé mɛni ma?” ’ ”

Nɔŋba 11:21

Kɛ́lɛ Mose è mò mà ǹyɛɛi, “Ǹûai kwa dîa-ni kúkaa siâi kúkɔɔ ŋái, kúkaa a núu wála ŋuŋ lɔ́ɔlu mɛi da (600,000), ǹyaŋ íkɛ mò yɛ̂ɛ ƃa pâi sua tɛɛ̂i dípɔ dí mii a ɣáloŋ tɔnɔ?

Nɔŋba 11:22

À nɛ̀ɛ ma kpîŋ dí taa-tulɛ támaa páa a pɔ̂ri gula-kɛɛ ƃôi dímɛni ma? Kpaa máŋ ǹyɛ̃ɛ-ŋai kélee díkaa yúo sui da pɔ̂ri gula-kɛɛ ƃôi dímɛni ma?”

Maafîu 15:33

Nya ƃe ŋɔpôlu-ƃelai dí mò ma, dîyɛɛi, “Mí ƃe kwa pâi kpólo-kpâla támaa kâai naa ǹɔii kpâlai ŋí su a gɛɛ é kɛ́ a gula kɛ̂ɛ ƃoɔɔ gbɔŋ kɛ́tɛi ŋí mɛ̂ni ma?”

Mâki 8:4

Ŋɔpôlu-ƃelai dí m̀arê kɛ̀, dîyɛɛi, “Núu a pɔ̂ri mii-sɛŋ sɔlɔ ƃôi ǹûai ŋí mɛni ma vɛ̃ɛ-kpâlaŋ ŋí su?”

Mâki 9:23

Zîsɛ è m̀o ma, “À kɛ̀ yá kpîŋ yâ pɔ̂ri! Mɛni kélee ŋ̀aa-see a kɛ̀ laa-la nuu yêei a ǹɛ́lɛɛ.”