Nɔŋba 11:12 - Ŋ̀âla Kɔlɔ Maa Waai

¹² Ńyãa ƃé ǹûai ŋí kélee maa sɔlɔ ƃói? Kpao. Í ŋ́gɛ ŋa dísee ńyee-tɔ̃ɔi yɛ̂ɛ kɔ̃ɔ-lee ƃé liî a ǹóŋ ǹyée-tɔ̃ɔi ŋá lí a dîa ǹɔii ma í íkono-tee la dínûa-pɔlɔ-ŋai yêei?

Nɔŋba 11:12 ပူးပေါင်းရင်းမြစ်များ

Zɛnɛse 13:15

Ǹɔii kélee kpɔ́ ƃa gâai, ŋa pâi dɛ̂ɛi kápɔ ká ísuui kélee wɔlɔ-wɔlɔ da wɔlɔ-wɔlɔ.

Zɛnɛse 24:7

Yâwɛɛ, nyii gáa ŋ̀elei su nyii ŋ́gûla ńâŋ ŋɔpɛ́rɛi mu é ŋ́gula ńzɔlɔ ƃó lɔii sui è lòno ḿbɔ é vóo a gɛɛ a pâi ǹɔii ŋí tɛɛ̂i ŋásuui pɔ́i, ǹyaa ƃe pâi ŋɔkélai tɛɛ̂i ítuɛ, ǹyaŋ ƃa pâi nɛnî kulâi naa ńoŋ mɛni ma.

Zɛnɛse 26:3

Kɛ́ nɔ́ a ŋɔ̃ya ǹɔii ŋí su. Ŋa pâi kɛ̂i íkɔlɛ, ŋá lûwa láa yâ. Kpɛ́ni fêi, ŋa pâi ǹɔii-ŋai ŋí kélee tɛɛ̂i ípɔ ka ísuui. Ŋa pâi gbanaŋ-wooi ŋàa-see kɛ̂i nyii ŋá gɛ̀ ínâŋ Eberaɣɛ̃ɛ yêei.

Zɛnɛse 50:24

Nya ƃe Zosɛ è mò ǹêɣe da ǹîa-ni dîa ǹyɛɛi, “Ŋa pá nâa saâi, kɛ́lɛ Ɣâla a pâi kánaa kâai é kákula ǹɔii ŋí su é lí a káa ǹɔii su nyii è góno tèe la Eberaɣɛ̃ɛ yêei da Aise é pɛ́lɛ Zeeka mai.”

Kâloŋ Veerɛi 10:1

Eɣa ǹônii sinaa buu lɔ́ɔlu mɛi feerɛ dí kɛ̀ Sameria. Nya ƃe Zewu è kɔlɔ pɔ̃yɛ é dɛɛ Sameria ǹûai láa-tuɛ-ƃela kpaya-kpayai pɔ́ naa da daa-lêei tí mɛi-ƃela kpaya-kpayai da diai ǹîa-pɛlɛɛi tí dí kɛ̀ díyêei ŋaa-kɔ̂ŋ sui é pɛ́lɛ diai kélee dîa kɛ̀ a dí tɔɔ Eɣa pôlui. È bɔ̃yɛ gɔlɔi su ǹyɛɛi,

Kâloŋ Veerɛi 10:5

Nya ƃe gâloŋ-pɛrɛi mɛi-ƃela kpaya-kpayai, daa-lêei mɛi-nuu kɛ́tɛi, ǹûai mɛi-ƃela kpaya-kpayai, é pɛ́lɛ ǹîa-pɛlɛɛi ŋãa-kɔ̂ŋ-ƃelai dîa dí ŋ̀orɛ̂-wooi ŋí tɛ̀ɛ Zewu pɔ́ naa: Kúkaa a íyee mu-ƃela ǹyaŋ kwa pâi mɛnii kélee kɛ̂i ya mò kûai. Kúfe pâi núu da kélee lɛ̂i a kâloŋ. Mɛnii kélee kɛ́ nyii ílâai la ǹɛ̂lɛɛi.”

Ɛsedɔ 13:11

“Yâwɛɛ a pâi pâi a káa Keena-ŋai dílɔii su nyii è góno tèe la a foo-woo káyêei da kánâŋ-pɔlɔ-ŋai. À ǹɔii tɛ̀ɛ kápɔ,

Ɛsedɔ 13:5

Yâwɛɛ è góno tèe kánûa-pɔlɔ-ŋai yêei a foo-woo a gɛɛ a pâi Keena-ŋai, Ita-ŋai, Amɔra-ŋai, Ivai-ŋai da Zɛbusi-ŋai dílɔii tɛɛ̂i kápɔ. Gáa a sí-sɛŋ kpɛtɛ lɔii lɛ́lɛɛ. À pà a káa ǹɔii tí ma, ka gúui ŋí kɛ́ ŋáloŋ ŋí su.

Ɛsedɔ 33:1

Yâwɛɛ è mò Mose ma ǹyɛɛi, “Ka ǹûai í díkùla Ize lɔii sui ka lí. Lí a dia ǹɔii su ŋá ŋ́gono tèe a gɛɛ ŋa pâi dɛɛ̂i Eberaɣɛ̃ɛ, Aise, Zeeka da dísuui su ƃelai pɔ́i.

Ɛsedɔ 6:8

Ŋa pâi pâi a káa ǹɔii su nyii ŋá ŋ́gono tèe a gɛɛ ŋá dɛɛ Eberaɣɛ̃ɛ pɔ́ da Aise é pɛ́lɛ Zeeka mai. Ŋa pâi dɛɛ̂i kápɔ a kápɔɔ. Ńyãa ƃa Yâwɛɛ.’ ”

Azaya 40:11

A pâi ŋɔƃála-ŋai ŋá kɔnîi yɛ̂ɛ ƃála mɛi káa-nuu. A pâi ŋɔƃála lônii ŋá tɛ́i gîe m̀a ǹyée-tɔ̃ɔi, é lí a dîa. A pâi tɔ̂ɔi dílee-ni túɛ é lí a dia a gɔlɔ-saá m̀a.

Azaya 49:15

Nya ƃe Yâwɛɛ è díwoo su tòo ǹyɛɛ dîai, “Lóŋ-lee da a ǹîa ǹóŋ ma nyii è ŋíni tòo ǹái? À kɛ̀ kpîŋ nɛnî da a pɔ̂ri gɛ̂i tí a ǹóŋ, fé pâi gɛ̂i tí a káa.

Azaya 49:23

Kâloŋ-ŋa da pâi káŋa kɔnîi yɛ̂ɛ kánâŋ-ni. Dínɛyâai dí kámɛi káa yɛ̂ɛ kálee-ni. Da pâi pîlanii díŋume ŋá kákɔɔ mu, dí ƃaa kɛ́-maa tɛ́ɛ kápɔ. À kɛ̀ tí, ka pâi gɔ́lɔnîi a gɛ́ɛ ńyãa ƃa Yâwɛɛ. Ka kákili tɔ̀ɔ ḿâ, ŋumɛ fé pâi kápaâi.”

Izikiɛ 34:23

Ǹyaŋ ŋa pâi ƃála-mɛi káa-nuu tɔnɔ seêi dímɛi nyii pâi kɛ̂i a ńyee mu-nuui Deeƃé ŋɔsuui su nuui da nyii pâi dí ŋáa kɔnîi. A pâi dímɛi kâai.

Zɔ̂ŋ 10:11

Ńyãa ƃa m̀ála mɛi-kaa-nuu lɛ́lɛɛi. M̀ála mɛi-kaa-nuu lɛ́lɛɛi a ŋɔfúlu-laai tɛ̀ɛ m̀ála-ŋai mɛni ma.

Kɔleŋtiɛŋ Maa-ŋuŋ 4:15

Kpɛ́ni fêi, berei máŋ sɛŋ-lɛ-ƃela wála támaa káa la káyêei Kôrai kponôi, kánâŋ-ni dífe tama ni. Kpɛ́ni fêi, ŋá kɛ̀ a kánâŋ Zîsɛ Kôrai kponôi Duŋ Lɛ́lɛɛi sarâi.

Galesiɛŋ 4:19

Ŋánîa-pɛlɛɛi, ŋ́gaa ŋɔ́nɔ mɛni-soli su kámɛni ma, é lɛ́ɛ la zu Kôrai é kɛ́ kákponôi a ǹɛ́lɛɛ!

Dutɛrɔnome 1:31

da vɛ̃ɛ-kpâlaŋ sui. Ǹyaŋ ka gáa berei Yâwɛɛ è kámaa mɛ̂ni gbîri sìɣe la yɛ̂ɛ berei núu a mɛni-sôli kàa la ǹóŋ mɛni mai é lɛ́ɛ la zu ká seri ƃɛ́i.’

Tɛsɛlôniɛŋ Maa-ŋuŋ 2:7

Kɛ́lɛ, kú kɛ̀ a kúsɔŋ lɛ́lɛɛ kásama yɛ̂ɛ berei nia-pɛlɛɛ mɛi-kaa-nɛni a ŋɔnîa-pɛlɛɛi mɛi kâa lai.