Nɔŋba 11:1 - Ŋ̀âla Kɔlɔ Maa Waai

¹ Ǹûai dí wɔ̀lɔ Yâwɛɛ ma é pîlaŋ la dímɛni kpɔlu-ŋai dîa. Tãi Yâwɛɛ è díwoo mɛni lai, ǹíi è ŋwàna é ŋɔŋ tóo dísama. Ŋɔŋ è m̀ûui m̀éla tɔnɔ kèreŋ.

Nɔŋba 11:1 ပူးပေါင်းရင်းမြစ်များ

Zɛnɛse 38:10

Kɛ́lɛ nyíŋi fé Yâwɛɛ líi láa ní. Nya ƃe Yâwɛɛ è Onaŋ pàa máŋ.

Samia Veerɛi 11:27

Ǹíi ŋá yeŋɔɔ̂i, Deeƃé è ŋ̀orɛ̂ tɛ̀ɛ é pá é gɛ́ a ŋɔnɛnî. Da ǹyaa dí lônii-sinaa maa sɔlɔ ƃò. Kɛ́lɛ Deeƃé tûa sɔŋ ŋí fé kɛ́ ní a Yâwɛɛ líi láa mɛni.

Kâloŋ Veerɛi 1:12

Ilaiza è zu tòo, “À kɛ̀ ŋ́gaa a Ɣâla-naloŋ, ŋɔŋ é kúla Ɣâla-taa é tóo yâ ka í kpakolo-ŋai é kákereŋ!” Nya ƃe ŋɔŋ è kùla Ɣâla-taa é tóo gɔkuluƃa-ŋai mɛi-nuui ma da ŋɔkpakolo-ŋai é díkereŋ.

Zôo 1:16

È lɛ̀ɛ nɔ́ pâi ŋ̀óo-ŋuŋ lâai gélai dɔnɔ kɛ́ ŋɔ́nɔ pà ǹyɛɛ mai, “Ŋ̀ele-gbana è tòo kpɔ́ kûa é m̀ála-ŋai da dímɛi káa-ƃelai kélee kpúŋ páa, ńyãa tɔnɔ nɔ́ ƃé lɛ̀ɛ a gɛɛ ŋá pá ŋá mó yâ!”

Wule-woo-ŋa 106:18

Ɣâla è gɛ̀ ŋɔŋ é tóo dípôlu-ƃelai sáma é ŋ̀wana-lɔ̂ɔ-ƃelai kéreŋ.

Wule-woo-ŋa 78:21

Yâwɛɛ kɛ́ɛ a díwoo-ŋai ŋí mɛ́nii, è ǹíi ŋwàna kpɔ́ a ŋánaa Zeeka ǹônii nyii gáa a Eezuɛ-ŋai dîa, é ŋɔŋ píli dîa é díkereŋ. È ǹíi ŋwàna dîa a zu kɛ̂tɛ,

Wule-woo-ŋa 78:63

Dí ǹyaŋkpa-ŋai pàa, dínɛyâai dílɛɛ a pɔɔ-nɛyaa.

Ɛsedɔ 16:7

Ka pâi Yâwɛɛ ŋɔfólo-laai kâai tínaa ɣele-wâla. A kálii-ŋwanai maa mɛni mɛ̂ni nyii ká gɛ̀ mai. Gbɛ̂ɛ ƃa kúa a gɛɛ ká kálii ŋwána kûa?”

Ɛsedɔ 16:9

Nya ƃe Mose è mò Eelɔŋ ma ǹyɛɛi, “M̀ó Eezuɛ-ŋai kélee dîa dí pá dí tɔ́ɔ Yâwɛɛ ŋɛ́i-tuɛ. Kpɛ́ni fêi, a dílii ŋwânai maa mɛ̂ni mɛ̀ni.”

Azaya 10:17

Ɣâla nyii gáa a Eezuɛ ŋɔkwaa ponoɔɔi, a pâi kɛ̂i a ŋɔŋ, Ŋɔɣâla Maa Waai kɛ́ ƃò a ŋɔŋ lêŋ. A pâi sɛŋ kélee kérenîi fólo tɔnɔ yée mu, tânaŋ da ɣalêŋ-kpɔlɔ kélee.

Azaya 30:33

Asiria lɔii láa túɛ-nuui kéreŋ kwaa ma kpɛtɛ̂ɛi kóraŋ támaa tɛɛ pôlu ma. Gáa a lóa su-kɛ́tɛ kpóŋ kôyaa, kɔi kɛ́ ƃò ǹaa fɛ́ɛ. Yâwɛɛ a pâi ǹaa fɛ̂ɛi a ǹɛwo, ŋɔŋ su-kɛ́tɛ é tée naa yɛ̂ɛ súluŋ su ŋɔŋ.

Azaya 33:14

Mɛni nyɔ́mɔɔ kɛ́-ƃelai Zãiyɔŋ, da yaôi díkɛ kpɛ̃liŋ. Da kɛ̂ m̀ôi dîyɛɛi, “Ɣala ŋɔmɛni kula-maai káa yɛ̂ɛ ŋɔŋ. Kúta a pɔ̂ri kulâi ǹyée mu?”

Zerusâlɛŋ Karáa Maa Wɔ̂lɔ-wooi 3:39

A núu da kùla maa kɛ̂ ŋɔsɔnyɔ̂ŋ mɛni ma, m̀aa nûui a ŋuŋ su-woo sàa lé mɛni ma?

Izikiɛ 20:36

Berei ŋá kánâŋ ni dímɛnii ŋá-têe la díŋɛi téniŋ mai, bere ƃé ŋa pâi kámɛnii ŋá-teei la Sana Fɛ̃ɛ-kpalaŋ su.” Ńyãai a Ŋ̀wála-wâla kélee Yâwɛɛi, ńyãa ƃe mò tí.

Levetekɔ 10:2

Ǹyaŋ Yâwɛɛ è ŋɔŋ tɛ̀ɛ é díkereŋ dí sàa kpɔ́ nɔ́ naa Yâwɛɛ ŋɛ́i-tuɛ.

Neeuŋ 1:5

Ǹyée kpaya-kpaya da kpɛ̃liŋ Yâwɛɛ ŋɛ́i túɛ, ǹyée pɛlɛ-pɛlɛɛi dí séɣeŋ gɔ́ɔ mu. Ǹɔii da zãai kélee ŋ̀éniɛi sui dí lɛ́ɛ kpɛ́ni-kpɛni ŋ̀ɛi-tuɛ.

Abaku 3:5

Kɔlɔ-fela-ŋa díkaa dúɛ pere, saa kɛ́ ƃò bôlu pere.

Nɔŋba 10:33

Nya ƃe dí kùla Yâwɛɛ ŋɔyéei mâ, dí sía a fólo saaƃa. Yâwɛɛ ŋɔkpanaŋ-woo-kɛɛi maa gãlai è kɛ̀ dítuɛ gɛ́ díƃûui pûi kɔ̀ri.

Nɔŋba 11:18

M̀ó dîa yɛɛi, ‘Ka kákpîŋ kpɛtɛ tínaa ḿaa mɛni ma. Ká pâi tínaa sua miî. Kpɛni fêi, ka wɔ́lɔ Yâwɛɛ ma kâa gbɛ̂ɛ ƃé pâi sua tɛɛ̂i kápɔ ká mii. Kpɛni fêi, kákɛ̀ a kálii-laa Ize lɔii su. M̀ɛni ma Yâwɛɛ a pâi sua tɛɛ̂i kápɔ ká mii.

Nɔŋba 12:2

Dí mò dîyɛɛi, “Mose tɔnɔ nɔ́ ƃé Yâwɛɛ a lóno zârai? Vé niî lóno ní máŋ kúsarâi?” Yâwɛɛ è díwoo mɛ̀ni.

Nɔŋba 14:2

Nya ƃe Eezuɛ-ŋai kélee dí díŋuŋ su-woo sàa a Mose da Eelɔŋ láa dîyɛɛi, “Maa nɛɛ̂i kɛ̀ kú sáa Ize lɔii su kpaa máŋ vɛ̃ɛ-kpâlaŋ su ƃɛ́.

Nɔŋba 14:22

diai da ŋá-folo-laai káa da ŋáŋɛi-kɛ-maa-ŋai ŋá díkɛ Ize lɔii su da vɛ̃ɛ-kpâlaŋ su, kɛ́lɛ díkɛ su-kɔɔŋ tɛ̀ɛ ḿbɔ a tãi támaa, dífa ŋ́oo mɛnii,

Nɔŋba 14:27

“Tãi ɣɛɛlu ƃé ŋwana-lɔ̂ɔ-ƃelai ŋí da pâi kɛ̂i díŋuŋ su-woo saâi la é pîlaŋ ḿâi? Ŋa díŋuŋ su saa-wooi mɛ́ni a dámaa.

Nɔŋba 14:28

Ka m̀ó dîa kâa Yâwɛɛ ǹyɛɛi, ‘Ŋa ḿvoo a gɛɛ tãi nɔ́ ŋ́gaa la ɣele mai, mɛnii ka káŋuŋ su-woo saâi la é pîlaŋ ḿâi, ŋa pâi gɛ̂i a káa.

Nɔŋba 16:11

Mɛni ma Yâwɛɛ ƃé ka ínûai kélee ká tɔ̀ɔ mà. Káfe tɔɔ ní Eelɔŋ ma.”

Nɔŋba 16:35

Nya ƃe ŋɔŋ è kùla Yâwɛɛ yêei é núu ŋuŋ feerɛ pôlu buu lɔ́ɔlu (250) su kara nyii-ŋai kɛ̀ géreŋ-sɛŋ kúŋ-nɛ̃ɛi tɛɛ̂i.

Nɔŋba 17:5

Ǹúui ŋa pâi nɛ̂i, maa-nuui ƃé ŋɔsia-wuruii a pâi pɔmunii. Bere-sii ŋí ƃé ŋa pâi Eezuɛ-ŋai kperâi la díŋuŋ-su-woo saa ma a tãi kélee é pîlaŋ kâa.”

Nɔŋba 21:5

Nya ƃe ǹûai dí tɔɔ-maa woo-ŋa ƃò é pîlaŋ Ɣâla ma da Mose díyɛɛi, “Lé mɛni ƃé ká kúkùla la Ize lɔii su a gɛɛ kú sáa vɛ̃ɛ-kpâlaŋ ŋí sui? Gáa kpólo fé ƃɛ́ da yá, ǹyaŋ mii-sɛŋ nyɔ́mɔɔi ŋí ƃɛlɛ fé kúkoi.”

Kɔleŋtiɛŋ Maa-ŋuŋ 10:10

Káfe káŋuŋ su-woo sàa yɛ̂ɛ berei ǹúui da-ni dí gɛ̀ lai. Núu su-kara-nuui è dísu kara.

Dutɛrɔnome 25:18

Tãi káfii è kɛ̀ a gbɛɛ lai, dí pɛ̀lɛ kâa dí diai kélee páa kɛ̀ kápôlu perei. Dífe kɛ́ ní yaôi Ɣâla ma.

Dutɛrɔnome 32:22

Ŋá lii-ŋwânai a pâi kɛ̂i yɛ̂ɛ ŋɔŋ é zãai díkaa ɣele mai kélee kéreŋ. A pâi ǹɔii kérenîi é lɛ́ɛ la zu é seri m̀olôŋ kpóŋ ma saa táa. A pâi ǹyée-ŋai kérenîi é tóo ǹɔii tânaŋ ma.

Dutɛrɔnome 9:22

“Ká gɛ̀ Yâwɛɛ é ǹíi ŋwána máŋ Tabira, Masa da Kibolo Atava ǹyéei ma.

Ibulu 12:29

Kpɛ́ni fêi, Kúɣâlai káa a sɛŋ-kéreŋ-ŋɔŋ.

Zĩi 5:4

Ka gáa, diai da tíi kɛ̀ kákpâlaŋ ŋái, dífela-féi nyíi ka ǹɛɛ pôlu wôya-pere sui, da wɔ́lɔ̂i a díwoo sú kɛ́tɛ. Ǹyaŋ dii-kɛ-ƃelai wɔ́lɔ-woo a lɔ́ Ŋ̀wála-wâla kelee-Namui wólii.

Zûu 1:16

Ǹûai ŋí díkaa a mɛni-saa ƃela. Dílii fa lâa, díkɛ pîlaŋ díkpîŋ tua-pere-nyɔŋ maa-sɛŋ wɛliɛi pôlu. Díkɛ yoŋka tèe a díwoo su kɛ́tɛ, díkɛ lóno lɛ́lɛɛ kɛ̀ nûa pɔ́ a gɛ́ɛ dí sɛŋ sɔlɔ ƃo.