Nɔŋba 10:29 - Ŋ̀âla Kɔlɔ Maa Waai

²⁹ Mose è mò m̀ɔ̂lɔ Zɛtulo nyii kɛ̀ a Midiɛŋ-nuui ǹóŋ Obabi mà ǹyɛɛi, “Kwa kɛ́ nâa liî ƃɛ́i ma Yâwɛɛ è mò a gɛɛ a pâi nàa tɛɛ̂i kúpɔi. Pá kwaa lí. Kwa pâi mɛni lɛ́lɛɛ kɛ̂i yɛ̂. Kpɛni fêi, Yâwɛɛ a kono-tee lɛ́lɛɛ kɛ́ Eezuɛ-ŋai yêei.”

Nɔŋba 10:29 ပူးပေါင်းရင်းမြစ်များ

Zɛnɛse 12:7

Nya ƃe Yâwɛɛ è kùla Eberaŋ ŋɛ́i ǹyɛɛ mai, “Ŋa pâi ǹɔii ŋí tɛɛ̂i ísuui pɔ́.” Nya ƃe Eberaŋ è Ɣâla-teƃele kpɛ̀tɛ naa Yâwɛɛ mɛni ma nyii kùla ŋ̀ɛ́i.

Zɛnɛse 13:15

Ǹɔii kélee kpɔ́ ƃa gâai, ŋa pâi dɛ̂ɛi kápɔ ká ísuui kélee wɔlɔ-wɔlɔ da wɔlɔ-wɔlɔ.

Zɛnɛse 15:18

Maa ɣelei tí Yâwɛɛ è góno tèe Eberaŋ yêei ǹyɛɛ mai, “Ŋa ǹɔii ŋí tɛ́ɛ ísuui pɔ́ é kúla Ize lɔii kóyaŋ ma é seri Yufeletii Ya-leei mâ nyii gáa a

Zɛnɛse 17:8

Ŋ̀ɔ̃ya lɔii ŋí íkaa mai, nyii gáa a Keena lɔii kéleei, ŋa pâi dɛ̂ɛi ípɔ, ŋá dɛ́ɛ ísuui pɔ́ nyii pâi lɛ̀ɛi ípôlui. A pâi kɛ̂i a kápɔɔ wɔlɔ-wɔlɔ da wɔlɔ-wɔlɔ. Ǹyaŋ ŋa pâi kɛ̂i a Díɣâla.”

Zɛnɛse 32:12

Kɛ́lɛ í mò yɛ̂ɛi, ‘Ŋa pâi mɛni lɛ́lɛɛ kɛ̂i yɛ̂, ŋá ísuui táma yɛ̂ɛ Yúo su ŋãya, nyii núu fa pɔ̂ri ǹônoi.’ ”

Wule-woo-ŋa 100:1

Káai kélee ŋ̀éniɛi sui, ka laa maa tɛ̂ wule too Yâwɛɛ ma a ɣelêi pere.

Wule-woo-ŋa 34:8

Yá kpîŋ ye gáa berei Yâwɛɛ sɔŋ lɛ̂lɛɛi lai. Lii-nɛ̃ɛ káa diai dîa da lâa lai.

Wule-woo-ŋa 95:1

Óo ka pá kú wule tóo Yâwɛɛ ma. Kwaa kú wule tóo Ɣâla ma a lii-nɛ̃ɛ pere. Ǹyaa ƃa kúmaa kɔ̃̂ɔ.

Ɛsedɔ 18:1

Midiaŋ sala láa-soŋ-nuu kɛ́tɛi Zɛtulo, nyii kɛ̀ a Mose mɔ̂lɔi, è mɛni-ŋai kélee mɛ̀ni Ɣâla è gɛ̀ Mose mì da ŋɔnûai Eezuɛ-ŋai, da berei Yâwɛɛ è Eezuɛ-ŋai kùla la Ize lɔii sui.

Ɛsedɔ 18:12

Nya ƃe Zɛtulo è kéreŋ sala da sâla da kpɛ́ni-ŋa kùla Ɣâla ma. Eelɔŋ da Eezuɛ núu pɔlɔ-ŋai kélee dí pà a gɛɛ da dîa-ni dí dílaa mii gîe ma Ɣâla ŋɛ́i-tuɛ.

Ɛsedɔ 18:27

Nya ƃe Mose è vɛ̀li m̀ɔ̂lɔ mà, m̀ɔ̂lɔ é lene pôlu ƃɔ́ taai.

Ɛsedɔ 2:18

Tãi dí pà la pôlui, dínâŋ Zɛtulo è dímarê kɛ̀ ǹyɛɛi, “Gɛ̂ɛi léŋ ka pá sâa pôlu a maa félaai?”

Ɛsedɔ 2:21

Mose è nâa pá é gbɛ̀tɛ gíli ŋá a gɛɛ é kɛ́ naa. Nya ƃe Zɛtulo è ǹóŋ-nɛnii Zipola tɛ̀ɛ ƃɔ́ a ŋɔnɛnî.

Ɛsedɔ 3:1

Mose è nâa kɛ̀ m̀ɔ̂lɔ Zɛtulo ŋɔƃála-ŋai mɛi kâai. Zɛtulo è kɛ̀ a Midiaŋ sala láa-soŋ-nuu kɛ́tɛi. Mose è lì a m̀ála-ŋai vɛ̃ɛ-kpâlaŋ pôlu é pá Ɣâla ŋɔyéei ma nyii da dòli a Sanai.

Ɛsedɔ 3:8

Ŋa pá a gɛɛ ŋá díkula Ize-ŋai yêei ŋá pá a dia lɔii kɛ́tɛ lɛ́lɛɛ su ƃɛ́i Keena-ŋai díkaa naa da Ita-ŋai, Amɔra-ŋai, Pɛriza-ŋai, Iva-ŋai, é pɛ́lɛ Zɛbusi-ŋai dîa.

Ɛsedɔ 6:4

Ŋá ŋákpanaŋ-wooi kɛ̀ máŋ díyêei a gɛɛ ŋá Keena lɔii tɛ́ɛ dípɔ nyii dí kɛ̀ zu a ŋɔ̃ya-ŋai.

Azaya 2:3

Núu támaa da pâi pâi dîyɛɛi, “Ka pá kwáa lí Yâwɛɛ ŋɔyéei tôŋ su. Ka pá kwáa lí Zeeka Ŋɔɣâlai Ŋɔpɛ́rɛi mu. Ǹaa ƃé a pâi m̀ɛni-ŋai lɛ̂i naa kûa a gɛ́ɛ kú sía a dia. Nyíŋi ƃé pâi gɛ̂i kú kúɣeniɛi kɛ́ yɛ̂ɛ berei a ŋ̀wɛ̂lii lai. Kɛ́lɛ Yâwɛɛ ŋɔsɛŋ lɛ́ɛi a kûla Zerusâlɛŋ. Zãiyɔŋ Yeei ma ƃé a lôno naa ŋɔnûai pɔ́.”

Zɛlemaya 50:5

Da pâi Zãiyɔŋ perei maa mare kɛ̂ɛ kɛ̂i dí lí ǹaa pere. Kwa dîa ni kwa pâi wɔ́lɔ-wɔlɔ kpanaŋ-woo kɛ̂i kúloai. Ǹyaŋ m̀aa kpanaŋ-wooi fé pâi wɔ́lɔ kulâi dɔɔ̂i.

Nɔŋba 10:28

Bere sii ŋí ƃé Eezuɛ-ŋai dí sìa la díkpulu ma.

Nɔŋba 23:19

Ɣâla fa lɛ́ɛ kɛ̀ yɛ̂ɛ berei núu kpune a gɛ̀ lai. Va ǹíi maa fâleŋ yɛ̂ɛ berei núu-kpune a gɛ̀ lai. A ŋɔkono-tee-wooi ŋ̀á-see kɛ̀. Mɛnii a mòi, a ŋ̀á-see kɛ̀.

Zia-ƃelai Kɛ́-mɛni-ŋai 7:5

Ɣâla fé ǹɔii ŋí gbua da kpîŋ tɛ̀ɛ ní bɔ́ a gɛ́ɛ é sée naa, kɛ́lɛ, è góno tèe ǹyêei a gɛ́ɛ a pâi dɛɛ̂i bɔ́ a gɔ̃liŋ da ŋɔsuui. Eberaɣɛ̃ɛ fé niî kɛ̀ loŋ da maa sɔlɔ ní.

Dutɛrɔnome 30:5

A pâi ǹɔii tɛɛ̂i kápɔ pôlu kánâŋ-ni dí wɔ́lɔ kɛ̀ mai. A pâi gɛ̂i káƃûu ƃó ká naa láa fɛ́ɛ kátɛɛ kánuu-pɔlɔ-ŋai dîa kɛ̀ naa a bɔlɔi.

Dutɛrɔnome 4:40

Ka ŋɔtɔ̂ŋ-ŋai mɛi káa ŋa dɛɛ̂i kápɔ sâai. Ka gɛ̀ tí, gɛ̀ ní ka kɛ́-mɛni kélee ŋaa-see a pâi kɛ̂i a ǹɛ́lɛɛ da kálônii díwɔ̂-ŋai káfulu-laai su é kôyaa ǹɔii Yâwɛɛ a dɛɛ̂i kápɔi su.”

Taitɔ 1:2

Kwa dîa-ni ŋwɔlɔ-wɔlɔ fúlu-laai maa-kili kɛ-zui káa kúyêei nyíi Ɣâla, nyíi va lɛ́ɛ kɛ̀i, è góno tèe la a tãi su kôyaai.

Ibulu 6:18

a gɛɛ kwa kɛ̀ ƃalo-laa sɔlɔ ƃoi, lii-kpele kpanaŋɔɔ é kɛ́ kúyêei, kú kúkili-kɛ-zui sóŋ a gbanaŋɔɔ nyíi gáa kúŋɛi-tuɛi mɛni feerɛ nyíi-ŋai dímaa fa fâleŋ dísarâi nyíi-ŋai dífa pɔ̂ri Ɣâla kɛ̂i é ŋɔkono-teei maa fáleŋ.

M̀ɛni-lɛɛi 22:17

Mɔlêŋ da Nɛnîi dí mò, díyɛɛi, “Pá.” Tɔɔ ǹúui a mɛni mɛnii, é m̀ó, nyɛɛi, “Pá.” Tɔɔ ǹúui kpele-wɛli káa mài, é pá, tɔɔ ǹúui ŋ̀wɛ̂lii, é vulu-laa-yai siɣe kpɛni-kpɛni zɔ̃ɔ fé ma.

M̀ɛni-sâa Ƃó-ƃelai 1:16

Mose m̀ɔ̂lɔ ŋɔkáayɔɔ-ŋai nyíi da dítôli a Keena-ŋai da Zuda ŋɔkɔ-kuluƃa-ŋai dí kùla Zɛleko dí lí daa-leei su nyíi kɛ̀ dóu-kpɔ̂lɔi sui. Dí tɛ̀ɛ naa dí lí vɛ̃ɛ-kpâlaŋ su Zuda lɔii su nyíi kɛ̀ séɣai pere Aradi taa-leei kɔlɛ dí sée naa Amɛlɛka-ŋai sáma.

M̀ɛni-sâa Ƃó-ƃelai 4:11

M̀ɛni-ŋai ŋí dí lɛ́ɛ pâi kɛ̂i, nalôŋ tɔnɔ da nyíi da kâa kɛ̀ ma Ɛbɛ nyíi kɛ̀ a Kɛŋ-nuui è kòloŋ é kúla m̀arâa Keena-ŋai sáma é ŋɔƃûui tɔ́ɔ Kedɛ kɔlɛ ma ôo wurui mu nyíi kɛ̀ Za-ananiŋ. Keena-ŋai díkɛ̀ a Obabi nuu-suui su-ƃelai nyíi kɛ̀ a Mose m̀ɔ̂lɔ suui su-ƃelai da.

Samia Maa-ŋuŋ 15:6

Sɔ̂ɔ è mò Kɛŋ-ƃelai dîa nyíi-ŋai kɛ̀ naa kɔlɛ mai, ǹyɛɛi, “Kú kuláa Ize lɔii sui, kánûai dí tùa a ǹɛ́lɛɛ a kúa. M̀ɛni ma, fé ŋ̀wɛ̂lii a gɛ́ɛ ŋá kápaa ŋa kɔ́ pɛlɛ Amɛlɛka-ŋai dîa ŋá dí su karâi. Ka kula dísama ká lí kwaa da kpɛ́ni ma ká kɛ́ naa.” Nya ƃe Kɛŋ-ƃelai dí kùla naa.