Nɔŋba 10:14 - Ŋ̀âla Kɔlɔ Maa Waai

¹⁴ Zudasi ŋɔƃûui su-ƃelai ƃé tɔ̀ɔ tuɛ da díƃenâi mu-ƃelai, nyii-ŋai dítuɛ-nuui è kɛ̀ a Aminɛda ǹóŋ Nasuŋ.

Nɔŋba 10:14 ပူးပေါင်းရင်းမြစ်များ

Zɛnɛse 35:22

Tãi Zeeka è kɛ̀ la ǹɔii tí sui, Lubiŋ è lɔ̀ a ǹâŋ ŋɔnɛnîi dɔnɔ pɔ̂rɔŋ, nyii da kâa dòli a Bila. Kɛ́lɛ Zeeka è mɛ̀ni. Ǹyaŋ Zeeka ǹônii-sinaai dí kɛ̀ puu káo feerɛ.

Zɛnɛse 35:23

Liɛ ǹônii-sinaai ká ŋí. Lubiŋ nyii kɛ̀ a Zeeka ǹóŋ maa-ŋuŋ, Simiɔŋ, Liiva, Zuda, Isaka da Zɛbulɔŋ.

Zɛnɛse 49:8

“Zudasi, ílêɣe da ílîa-ni da pâi ílaa ma tɛ̂i. Íyee a pâi kɛ̂i íkpɔara-ƃelai kɔŋ mâ. Ínâŋ ǹônii-sinaai da pâi pɛlɛ̂i íkɔɔ mu.

Nɔŋba 1:5

Ǹyaŋ maa-ƃelai láa ká ŋí. Sidu ǹóŋ Ilizɔ, nyii kùla Lubiŋ ŋɔsuui sui,

Nɔŋba 1:7

Aminɛda ǹóŋ Nasuŋ, nyii kùla Zudasi ŋɔsuui sui,

Nɔŋba 10:15

Isaka ŋɔƃûui su-ƃelai túɛ-nuui ƃé kɛ̀ a Zûa ǹóŋ Nɛtaniɛ.

Nɔŋba 10:5

Tãi da dúruii dɔnɔ wóo mɛ̀ni la a zu kpuâai, gɛ̀ ní fɛ̂ɛ dí m̀ûu-ŋai kolôŋ nyii-ŋai díkaa Zua kɔlɔ seɣe pɛrɛ maa waai ŋɔfólo ƃelai-perei.

Nɔŋba 7:12

Eezuɛ-ŋai túɛ-ƃelai dí pà a dísama-sãai a tãi-ŋai ŋí: Aminɛda ǹóŋ Nasuŋ nyii kùla Zudasi ŋɔsuui sui, è pà a ŋ̀ele-kuui maa-ŋuŋ. Zûa ǹóŋ Nɛtaniɛ nyii kùla Isaka ŋɔsuui sui, é pá a ŋ̀ele-kûui veerɛ-ɣelei Ɛlɔŋ ǹóŋ Ilia nyii kùla Zɛbulɔŋ ŋɔsuui sui, é pá a ŋ̀ele-kûui zaaƃa-ɣelei. Sidu ǹóŋ Ilizɔ nyii kùla Lubiŋ ŋɔsuui sui, é pá a ŋ̀ele-kuui naaŋ-ɣelei. Zurisadai ǹóŋ Silumiɛ nyii kùla Simiɔŋ ŋɔsuui sui, è pà a ŋ̀ele-kûui ǹɔ́ɔlu-ɣelei. Deuɛ ǹóŋ Ilasama nyii kùla Gâa ŋɔsuui sui, è pà a ŋ̀ele-kûui ǹɔ́ɔlu mɛi da-ɣelei. Amiyu ǹóŋ Ilasama nyii kùla Ifiraŋ ŋɔsuui sui, è pà a ŋ̀ele-kûui mɛi-feerɛi ɣelei. Pedazɔ ǹóŋ Gameliɛ nyii kùla Manasɛ ŋɔsuui sui, è pà a ŋ̀ele-kûui mɛi saaƃa-ɣelei. Gidioni ǹóŋ Abidaŋ nyii kùla Bɛŋsima ŋɔsuui sui, è pà a ŋ̀ele-kûui mɛi naaŋ-ɣelei. Amisadai ǹóŋ Aiezɛ nyii kùla Daŋ ŋɔsuui sui, è pà a ŋ̀ele-kûui buu-ɣelei. Okaŋ ǹóŋ Pagiɛ nyii kùla Asɛ ŋɔsuui sui, è pà a ŋ̀ele-kûui buu káo tɔnɔ-ɣelei. Inaŋ ǹóŋ Aila nyii kùla Nɛfɛtɛli ŋɔsuui sui, è pà a ŋ̀ele-kûui buu-kao feerɛ-ɣelei. Zama-sãai ǹúu-tuɛ-ƃelai ŋí dí pà a dia tɛi-tɛi, dí kɛ̀ a dísii tɔnɔ. Dílaa ká ŋí. Káne-peleti tɔnɔ nyii ŋɔwiɛ è kɛ̀ a pãŋ saaƃa da gbura, kane sɛŋ-folo tɔnɔ nyii ŋɔwiɛ è kɛ̀ yɛɛ pãŋ feerɛ, veerɛŋɔɔ láa fɛ́ɛ a felaƃa fũa lɛ́lɛɛ wúlɔ púɔɔ ma mii-sɛŋ-sala mɛni ma. Gôo sɛŋ-folo loŋ tɔnɔ ǹáa fɛ́ɛ a kéreŋ-sãa kúŋ nɛ̃ɛ, niŋa-sîrɛ naɣa-loŋ tɔnɔ, ƃála-sirɛ kɛ́tɛ tɔnɔ da kóraŋ tɔnɔ ƃála-sirɛ kéreŋ sala mɛni ma, ƃoli-sirɛ tɔnɔ sɔnyɔ̂ŋ su-mɛni lɛɛ sâla mɛni ma, da niŋa-sirɛ feerɛ, ƃála-sirɛ lɔ́ɔlu, kóraŋ tɔnɔ ƃála-sirɛ lɔ́ɔlu, lii-see sala mɛ̂ni ma.