Nɔŋba 10:10 - Ŋ̀âla Kɔlɔ Maa Waai

¹⁰ À kɛ̀ máŋ a kálii-nɛɛ-tãi yɛ̂ɛ kákuu-ŋai kɛ́-tãi da ŋ̀áloŋ-ŋai kɔ́ɔ-pilaŋ kuu-ŋai, fɛ̂ɛ ká dúru-ŋai ŋí fɛ́ɛ géreŋ-sala-ŋai da nii-see-sala-ŋai mɛi. Gɛ̀ ní ńyãai a Káɣâlai kámaa-mɛni a pâi toôi ŋ́gili-ŋa ŋá kpɔ́ŋ kâa. Ńyãa ƃa Yâwɛɛ, Káɣâlai.”

Nɔŋba 10:10 ပူးပေါင်းရင်းမြစ်များ

Kâloŋ Veerɛi 4:23

Ŋɔsurɔ̂ŋ è marê kɛ̀ ǹyɛɛ mai, “Íkaa liî bɔ́naa sâa lé mɛni ma? Vé a ŋ̀áloŋ ninai kpaa máŋ Vii-tɔ̂ɔ Ɣelei.” Ǹyaŋ è ŋ̀óo su tòo ǹyɛɛi, “Kú nia nyíti ma. Tɔɔ nɔ́ ŋá lí.”

Kɔlɔnikɔ Maa-ŋuŋ 15:28

Eezuɛ-ŋai kélee dí tɔ̀ɔ Yâwɛɛ Ŋɔkpanaŋ-woo kɛ́ɛ maa Gãlai ma dí pá la Zerusâlɛŋ díkɛ làɣi kpɔ́ a zu kɛ́tɛ, díkɛ lii-nɛ̃ɛ kùla, díkɛ sua-mĩla turu fɛ̀ɛ. Dí kɛ̀ nyɛ̃ŋ-nyɛ́ŋ ɣàlei, kɔnîŋ da pêle kɛ́-sãa da kpɛ́ni-ŋa.

Kɔlɔnikɔ Maa-ŋuŋ 16:42

Emaŋ da Zedutuŋ dítii ƃé kɛ̀ a gɛ́ɛ dí dúruii fɛ́ɛ, dí ǹyɛ-nyɛ́ŋ ɣále da ŋ̀ale-sãai da kpɛ́ni-ŋai da kɛ̀ ŋ̀ule maa waa-ŋai toôi. Zedutuŋ ǹônii-sinaai ƃé kɛ̀ Ŋ̀âla-pɛrɛ Kɛ́tɛi ŋɔsiɣãŋ lá.

Kɔlɔnikɔ Veerɛi 29:26

Liiva-ŋai díkɛ tɔɔ̂ni díkpîŋ kpɛtɛɛ Deeƃé ŋɔɣale-sãai kɛ ƃo díyêei. Duru-ŋai díkɛ zâla láa-soŋ-ƃelai yêei dîa máŋ.

Kɔlɔnikɔ Veerɛi 29:28

Ǹûai kélee dí díŋuŋ mâ pìlaŋ díkɛ Ɣâla fɛ̀li. Ŋ̀ule-too ƃelai da dúru fɛ́ɛ-ƃelai díkɛ̀ wule toôi. Dílɛ̀ɛ kpɔ́ nyíŋi kɛ̂i é lɛ́ɛ la zu díkpɛɛ a zâlai kuláa

Kɔlɔnikɔ Veerɛi 7:6

Tãi díkɛ̀ Ŋ̀âla-pɛrɛ Kɛ́tɛi kóraŋ ƃôi lai, zâla-laa soŋ-ƃelai dí lì dí tɔ̂ɔi. Liiva-ŋai dîa máŋ díli dítɔ̂ɔi Yâwɛɛ ŋɔwule-too-sãai kɛ́ ƃò díyêei. Gâloŋ Deeƃé ƃé zãâi ŋí kpɛ̀tɛ a gɛ́ɛ díkɛ laa-maa tɛ̂ da sɛɣɛ fêi tɛ̀ɛ la dîɛ, “Ŋɔwɛli-kɛ-maai káa naa wɔ́lɔ-wɔlɔ da wɔ́lɔ-wɔlɔ.” Zâla láa soŋ-ƃelai díkɛ̀ tɔɔ̂ni Liiva-ŋai téniŋ ma díkɛ dúruii fɛ̀ɛ. Eezuɛ-ŋai kélee díkɛ̀ tɔɔ̂ni naa.

Ɛzura 3:10

Tãi ǹûai dí Ŋ̀âla-pɛrɛ Kɛ́tɛi tɔ̂ɔ kɔ́ɔ pîlaŋ lai, zâla láa-soŋ-ƃelai dí dímaa ɣîri dí túru-ŋa sìɣe Liiva-ŋai kùla Asafa suui sui, dí ɣale sãa siɣe. Dí laa-maa tɛ̂ tɛ̀ɛ Yâwɛɛ pɔ́ a wule-ŋa yɛ̂ɛ berei Gâloŋ Deeƃé è wɔ́lɔ gɛ́-pere lɛ̀ la dîai.

Niɛmaya 12:35

Zâla láa soŋ-ƃelai ŋí kú dílaa lɛ̀i, dia ƃé kɛ̀ dúrui fɛ̂ɛi. Ǹúui lɛ̀ɛ dípôlui ƃé kɛ̀ a Simaya ǹóŋ Zonetaŋ ǹóŋ Zɛkɛraya. Zɛkɛraya ǹyaŋ ŋɔsuui su-ƃelai da-ni ƃé kɛ̀ a Matania, Mikâya da Zakɔ nyii-ŋai kùla Asafa ŋɔsuui sui.

Wule-woo-ŋa 150:3

Ka ǹáa maa tɛ́ a túru-woo, kɔnîŋ, da ƃɔɔ-woo.

Wule-woo-ŋa 81:3

Ka túru fɛ́ɛ gúu kɛ́tɛi su ŋáloŋ a tɔ̀ɔ a nina da tãi ǹá a fɛ̂ɛ lai.

Wule-woo-ŋa 81:4

Dɔ̂ŋ ŋí káa Eezuɛ. Zeeka Ŋɔɣâlai ƃé dɛ̀ɛ Eezuɛ-ŋai pɔ́.

Wule-woo-ŋa 89:15

Lûwa káa diai dîa da laa maa tɛ̂ wule-ŋa too yâ díkɛ ífɛ̀lii.

Ɛsedɔ 28:29

“Tãi Eelɔŋ a lɔ̂ la Gwaa Maa Waai mai, a pâi geŋe lá seɣe kpuai ŋí pɛlɛ̂i geŋe lá nyii Eezuɛ ŋɔsuu puu káo feerɛi láa pɔ̃yɛi mai, a gɛɛ Ńyãa Yâwɛɛ, ŋánûai kíli é lɛ́ɛ ŋá wɔlɔ-wɔlɔ da wɔlɔ-wɔlɔ.

Ɛsedɔ 30:16

Zɛŋ-kaoi ŋí sóŋ Eezuɛ-ŋai yêei í gɔlɛ ŋásua-kɔlɔ seɣe pɛrɛ maa waai mu tii kɛ́ mɛni ma. Nyíŋi a pâi Eezuɛ-ŋai maa mɛni lɛɛ̂i ŋ́gili ŋá, ǹyaŋ nyíŋi a pâi kɛ̂i a kúfulu-laai maa fela-fei”

Azaya 27:13

Maa ɣêlei tí a sèri, da pâi Eezuɛ-ŋai tôlii pôlu a túru woo. À kɛ̀ tí, Eezuɛ-ŋai kélee kɛ̀ Ize da Asiria lɔii-ŋuŋ-ŋai sui díkelee da pâi kulâi naa dí pá pôlu. Da pâi pâi pôlu Zerusâlɛŋ díkɛ Yâwɛɛ fɛ̀li naa ŋɔyée maa waai ma.

Levetekɔ 23:24

Ŋ̀áloŋ ǹɔ́ɔlu mɛi feerɛi ŋɔfólo maa-ŋuŋ káa a ɣele kûu maa waa ḿɛni ma. Ka túru fɛ́ɛ a maa ɣelei tí ka káŋaa tɛ́ ma ká ḿvɛli.

Nɔŋba 10:9

Kɛ́lɛ kà kákpɔara-ƃela kà kɛ̀ kɔ́ kɔ̂i kákpɔɔi lɔii su, gɛ̀ ní ka dúru-ŋai ŋí fɛ́ɛ yɛ̂ɛ kɔ́-turu. Gɛ̀ ní ńyãai Yâwɛɛ, Káɣâlai, kámaa-mɛni a pâi toôi ŋ́gili-ŋá ŋá kákula kákpɔara-ƃelai yêei.

Nɔŋba 28:11

“Ɣáloŋ kélee ŋɔfóloi maa-ŋuŋ ka géreŋ-salai ŋí kúla Yâwɛɛ mɛni ma. Niŋa sirɛ-loŋ feerɛ, ƃála-sirɛ tɔnɔ é pɛ́lɛ kóraŋ-tɔnɔ ƃála-sirɛ lɔ́ɔlu mɛi feerɛ ma nyii-ŋai pɔ́ɔ fé diai.

Nɔŋba 29:1

Ŋ̀áloŋ ǹɔ́ɔlu mɛi feerɛi ŋɔɣele-kûu maa-ŋuŋ ɣelei, ka Ɣâla fɛli koyaŋ maa waa tóo, káfe tíi da kɛ̀. Gáa a túru fɛ́ɛ-ɣêle kámɛni ma.

Maafîu 11:28

Ka pá ḿbɔ, káai kélee ka mɔ̃lɛ̂i, da káai tĩa wuyɛ káa káyêei. Ǹyaŋ ŋa pâi fii-tɔɔ tɛɛ̂i kápɔ.

Zia-ƃelai Kɛ́-mɛni-ŋai 10:4

Kɔniliɔ kɛ́ɛ a Ŋ̀âla-taa kelai kaai, è yào, ǹyɛɛi, “Lé ƃe, Kúnuu-namui?” Ŋ̀âla-taa kelai ǹyɛɛ mài, “Íɣâlai a ífɛli-wooi mɛni da íkpɔŋ-maai kɛ́ pere maa mɛni. A gbɛtɛ a gɛ́ɛ é íwoo su too.

Kɔleŋtiɛŋ Maa-ŋuŋ 15:52

a maa félaa núu yɛ̂ɛ núu ŋɛ́i toôi ma. Kpɛ́ni fêi dúrui wóo a pâi tɛ̂i, zaa-ƃelai dí dímu siɣe dífa ŋɔ́nɔ saa, ǹyaŋ kúkelee kúmaa a pâi fálenîi.

Tɛsɛlôniɛŋ Maa-ŋuŋ 4:16

Kpɛ́ni fêi, Kúnuu-namui ǹyaa kpîŋ a pâi kulâi ŋ̀elei su a lolo-woo da Ŋ̀âla-taa kela-ŋai dínuu kɛ́tɛi ŋɔtóli-woo da Ɣâla ŋɔtúrui-woo. Zaa-ƃelai nyíi-ŋai díkaa Kôrai kponôi da pâi dímu siɣêi fulɔi.

Tɛsɛlôniɛŋ Maa-ŋuŋ 4:18

Mɛni ma ká kákîe-ni ŋáa nɛnɛ a ŋ̀óo-ŋai ŋí.

Zasua 4:7

Gɛ̀ ní, ka pâi m̀ôi dîa a gɛ́ɛ Zɔdiŋ Ya-leei su è tèe káperêi ká tɛ́ɛ naa lɔii kpâla ma a Yâwɛɛ Ŋɔkono-tee gãlai. Mɛni ma, gɔni-ŋai ŋí da pâi kɛ̂i a kili-too ŋ̀á sɛŋ Eezuɛ-ŋai mɛni ma wɔ́lɔ-wɔlɔ da wɔ́lɔ-wɔlɔ.”

Zasua 6:4

Ka kɛ̀ tínanîi daai ma, ka Gono-têe gãlai síɣe, sâla láa soŋ-ƃela lɔ́ɔlu mɛi feerɛi dí ƃála mĩla turu tɛi-tɛi siɣe dítɔɔ lá Gono-têe gãlai ŋɛ́i túɛ. Vólo kûu mɛi feerɛi ɣelei, da pâi tínânii daai mâ lɔ́ɔlu mɛi feerɛ díkɛ dúruii fɛ̂ɛ.

M̀ɛni-lɛɛi 22:17

Mɔlêŋ da Nɛnîi dí mò, díyɛɛi, “Pá.” Tɔɔ ǹúui a mɛni mɛnii, é m̀ó, nyɛɛi, “Pá.” Tɔɔ ǹúui kpele-wɛli káa mài, é pá, tɔɔ ǹúui ŋ̀wɛ̂lii, é vulu-laa-yai siɣe kpɛni-kpɛni zɔ̃ɔ fé ma.

Samia Maa-ŋuŋ 20:5

Deeƃé ǹyɛɛ Zonetaŋ mai, “Tínaa ƃa ŋ̀áloŋ ninai kuui. M̀aa nɛ̃ɛ̂i a gɛ́ɛ kwa ínâŋ kú gúui su mii-sɛŋ míi gîe ma. Kɛ́lɛ, ŋa pâi liî ŋá ńoo ǹɔɔi su. Ŋa pâi gɛ̂i naa a fólo feerɛ.