Nɔŋba 1:50 - Ŋ̀âla Kɔlɔ Maa Waai

⁵⁰ Kɛ́lɛ Liiva-ŋai kɛ́ Ŋásua kɔlɔ seɣe pɛrɛ maa waai mɛi da maa-sãa kélee. Dia nɔ́ ƃa pɔ̂ri liî a maa sãa kélee. Ƃɛ́i kélee da lî naai dí bîlaŋ, dí díƃûui tɔ́ɔ dí dínaŋ ma. Dia nɔ́ ƃa pɔ̂ri tíi kɛ̂i mu.

Nɔŋba 1:50 ပူးပေါင်းရင်းမြစ်များ

Kɔlɔnikɔ Veerɛi 24:6

Gɛɛ tíi, gâloŋ è zâla láa-soŋ nuu-kɛtɛi Zioada tòli ǹyɛɛ mai, “Lé mɛni ƃé tí ífe niî gɛ́ ní Liiva-ŋai dí pá a ŋuŋ-fela fêi gáa ǹûai dîa Zuda da Zerusâlɛŋ nyíi Yâwɛɛ ŋɔyée mu-nuui Mose è wɔ́lɔ mò a gɛ́ɛ dí gɔlɛ Zua-kɔlɔ-seɣe ɣala-pɛrɛi tɔɔ mɛni mai?”

Niɛmaya 12:22

Zâla láa soŋ-ƃelai da Liiva-ŋai dí dínuu-suu-ŋai da dílaa túɛ-ƃelai láa pɔ̃yɛ kɔlɔ ma. Dí bɔ̃yɛ a tãi Iliasi, Zoiada, Zoanaŋ da Zadua ni díkɛ̀ la a zâla láa soŋ-ƃela kpaya-kpayai. Dí kpɛ̀ɛ gɔlɔi ŋí ma a tãi Gâloŋ Darɔ è kɛ̀ la a kâloŋ Pɛsia lɔii mɛi.

Niɛmaya 12:47

Zɛrubabɛɛ da Niɛmaya dítãi ma, Eezuɛ-ƃelai kélee da kâa ŋ̀ule too-ƃelai, Ŋ̀âla-pɛrɛ Kɛ́tɛi ŋɔsiɣãŋ mɛi káa ƃelai da Liiva-ŋai díɣele kélee mii sãai tɛ̀ɛ dípɔ a fólo kélee. A gɛ̀ tí, Liiva-ŋai da díwɔ̂ mii sãai ŋáa kɔ̀lɛ dí da tɛɛ zâla láa soŋ-ƃelai pɔ́.

Niɛmaya 12:8

Liiva-ŋai ŋí ƃé kɛ̀ ŋ̀ule-too mɛnii láa túɛ da sɛɣɛ-fêi tɛɛ́ Ɣâla pɔ́ mɛni. Zasua, Binui, Kamiɛɛ, Seribaya, Zuda, da Matania.

Niɛmaya 13:22

Naa pôlu ma, ŋá m̀o Liiva-ŋai dîa a gɛɛ dí ǹanii wáa dîa, díkɛ pà ziɣãŋ-ŋai lá díkɛ ǹaa mɛi kâa a Vii-tɔɔ-ɣelei kélee núu da fé maa tĩa kàra. Óo ŋá Ɣâlai, ŋ́gili é lɛ́ɛ í ŋá m̀ɛnii ŋí mɛni ma. Íwɛli kɛ́ maai kɛ̂tɛi. Ŋá fúlu-laai maa kɔ̃ɔ.

Niɛmaya 13:5

Loŋpo kɛ́tɛ tɔnɔ è kɛ̀ naa Ŋ̀âla-pɛrɛ Kɛ́tɛi ŋɔsama sãai ŋí lâai kɛ́ mɛni ma. Dia ƃa wîi, kéreŋ sãa kúŋ nɛ̃ɛ, Ŋ̀âla-pɛrɛ Kɛ́tɛi mu sɛŋ-folo-ŋai, da zâla láa soŋ-ƃelai dísama sãai. Wîi, ŋwã̂ai da ɔle-wulɔ sama sãa buu ɣelei díkɛ̀ naa máŋ Liiva-ŋai, Ŋ̀âla-pɛrɛ mu wule too-ƃelai da Ŋ̀âla-pɛrɛi mɛi káa ƃelai mɛni ma. Kɛ́lɛ Iliasi è lôŋpoi ŋí tɛ̀ɛ Tobaya pɔ́.

Wule-woo-ŋa 122:4

Ƃɛ́ ƃé ǹúu-suu-ŋai da pâ naa, Eezuɛ nuu-suu ŋai, a gɛɛ dísɛɣɛi-fêi tɛɛ Yâwɛɛ pɔ́, yɛ̂ɛ berei è m̀o lai.

Ɛsedɔ 31:18

Yâwɛɛ kpɛɛ a lónoɔɔ Mose pɔ́ Sana Yeei mai, è gili-too-ŋa kɔni-ƃela feerɛi tɛ̀ɛ bɔ́, nyii-ŋai ǹyaa Ɣâla è mɛi-ŋai pɔ̃yɛ dîa a ǹyée-gbuai.

Ɛsedɔ 38:21

Zãai dí Ɣâla ŋɔpɛ́rɛi nyii gɔni-ƃela feerɛi Ɣâla ŋɔtɔ̂ŋ puui è kɛ̀ a bɔ̃yɛɛ diai dí kɛ̀ mui tɔ̂ɔ lai ká ŋí. Mose ƃé zãai ŋí lɛ̀. Liiva-ŋai nyii-ŋai ŋí díkɛ̀ tíi kɛ̂i zâla láa soŋ-nuu kɛ́tɛi Eelɔŋ ǹóŋ Itama yée mui dí gbɛ̀tɛi.

Nɔŋba 1:53

Kɛ́lɛ Liiva-ŋai nɔ́ ƃa pɔ̂ri díƃûui tínanîi Zua kɔlɔ seɣe pɛrɛ maa waai ma, dí mɛi káa a gɛɛ núu da fé la pá la naa é ŋ́gɛ ńii é ŋwána Eezuɛ-ŋai dîa.”

Nɔŋba 10:21

Nàa pôlu ma Koa ŋɔsuui su-ƃelai dí lì a Zua kɔlɔ seɣe pɛrɛ maa waai maa-sãa maa waai. Tãi dí seri la ƃɛ́i dí m̀ûu ninai pù naai, Zua-kɔlɔ seɣe pɛrɛ maa waai è kɛ̀ a dɔɔ.

Nɔŋba 17:7

Nya ƃe Mose è zia-wûru-ŋai ŋí pù Zua kɔlɔ seɣe pɛrɛ maa waai mu Yâwɛɛ ŋɛ́i-tuɛ.

Nɔŋba 18:5

Ílônii nɔ́ ƃé ka dîa-ni ká Zua kɔlɔ seɣe pɛrɛ maa waai mu-tii-ŋai kɛ́ é pɛ́lɛ ŋ̀âla-teƃelei maa-tii-ŋai dîa a gɛɛ ńii fé ŋɔ́nɔ ŋwàna Eezuɛ-ŋai dîa.

Nɔŋba 2:17

“Nàa pôlu ma Liiva-ŋai dí Zua-kɔlɔ seɣe pɛrɛ maa waai síɣe dí tɔ́ɔ la nuu kpulu-ŋai loai díkɛ lì. Ǹúu-kpului kélee é tɔ́ɔ ŋɔƃenâi mu tɛi-tɛi yɛ̂ɛ berei díƃûu-ŋai tɔɔ̂i káa lai.

Nɔŋba 20:11

Nya ƃe Mose è zia-wuruii sìɣe é gɔnii túa la gîei feerɛ. Yá támaa è kùla zu, ǹûai kélee da dítaa-tulɛ-ŋai dí díkpele la.

Nɔŋba 4:15

Eelɔŋ da ǹônii-sinaai da kpɛ̀ɛ a Zua kɔlɔ seɣe pɛrɛ maa waai maa kpíniŋɔɔ da maa-tii kɛ́-sãai kélee, dí nâa díkpîŋ kpɛtɛ dísiai mɛni ma. Koa ǹônii-sinaai ƃé gáa a sɛŋ dí lí a dia. Kɛ́lɛ maa fé nɛ̃ɛ ní dí lɛ́ɣɛ zãa maa waai dɔnɔ kpîŋ ma. Dà lɛ̀ɣɛ da ma, da pâi saâi. Koa ǹônii-sinaa díwɔ̂ tii ƃa dí Zua kɔlɔ seɣe pɛrɛ maa waai síɣe da maa sãai kélee dí lí a dia ƃɛ́i kélee da lî naai.

Nɔŋba 4:3

nyii-ŋai díkoraŋ káa é síɣe kóraŋ buu saaƃa ma é tóo buu lɔ́ɔlu ma, nyii-ŋai da pɔ̂ri tíi kɛ̂i Zua kɔlɔ seɣe pɛrɛ maa waai mui.

Nɔŋba 8:19

Ŋa Liiva-ŋai kúla Eezuɛ-ŋai sáma ŋa dítɛɛ Eelɔŋ pɔ́ da ǹônii a gɛɛ dí tíi kɛ́ Eezuɛ-ŋai dîɛ Zua kɔlɔ seɣe pɛrɛ maa waai mu, a gɛɛ ŋɔ́nɔ dí sâla kula Eezuɛ-ŋai dísɔnyɔ̂ŋ su-mɛni-lɛɛ mɛni ma, a gɛɛ da lɛ̀ɣɛ Zua kɔlɔ pɛrɛ maa waai kɔlɛ mɛni nyɔ́mɔɔ fé díkɛ̀.”

Nɔŋba 8:20

Nya ƃe Mose da Eelɔŋ é pɛ́lɛ Eezuɛ-ŋai kélee dîa dí Liiva-ŋai tɛ̀ɛ Ɣâla pɔ́ yɛ̂ɛ berei Yâwɛɛ è mò la Mose mai.

Nɔŋba 8:22

Nàa pôlu ma, Liiva-ŋai dí lì Zua kɔlɔ seɣe pɛrɛ maa waai mu a gɛɛ dí dítii-ŋai kɛ́ naa Eelɔŋ da ǹônii-sinaai yée mu. Eezuɛ-ŋai dí mɛnii kélee kɛ̀ Liiva-ŋai dîɛ yɛ̂ɛ berei Yâwɛɛ è mò la Mose mai.

M̀ɛni-lɛɛi 15:5

Nyíŋi pôlu ma ŋá Ŋ̀âla-pɛrɛ Kɛ́tɛi kàa Ɣâla-taa ǹaa ƃoɔɔ Zua-kɔlɔ-seɣe pɛrɛ maa-waai kɛ̂ ƃò mù.