47 Kɛ́lɛ dífe Liiva-ŋai láa siɣe ní.
Zoa líi fé kɛ́ ní a ǹáa ǹûai lóno mɛni ma. M̀ɛni ma, vé Liiva-ŋai da Bɛŋsima suui su-ƃelai lóno ní.
Zinâai nyii-ŋai díkoraŋ káa é síɣe buu feerɛ ma é tɛ́ tuɛ-pere, nyii-ŋai da pɔ̂ri kɔ́ kɔ̂i. Ka Eelɔŋ ká dílono díkpulu mâ.
Kpɛni fêi, Yâwɛɛ è mò Mose ma ǹyɛɛi,
Kɛ́lɛ Liiva-ŋai kɛ́ Ŋásua kɔlɔ seɣe pɛrɛ maa waai mɛi da maa-sãa kélee. Dia nɔ́ ƃa pɔ̂ri liî a maa sãa kélee. Ƃɛ́i kélee da lî naai dí bîlaŋ, dí díƃûui tɔ́ɔ dí dínaŋ ma. Dia nɔ́ ƃa pɔ̂ri tíi kɛ̂i mu.
Kɛ́lɛ dífe Liiva-ŋai lóno ní Eezuɛ-ŋai sáma, yɛ̂ɛ berei Yâwɛɛ è mò la Mose mai.
Eelɔŋ da Mose dísuui pîlaŋ-pere ká ŋí tãi Yâwɛɛ è lòno la Mose pɔ́ Sana Yeei mai.
Nya ƃe Yâwɛɛ è lòno Mose pɔ́ Sana Fɛ̃ɛ-kpalaŋ su ǹyɛɛ mai,
“Liiva-ŋai dílônii-sinaai lóno dísuu-ŋai dîa da dínâŋ-ni dípɛrɛi-ŋai. Í dílônii-sinaai kélee lóno nyii-ŋai dípɔlɔ-pɔlɔ laa káa é síɣe ɣáloŋ tɔnɔ ma é lí tuɛ perei.”
Mose è ǹûai lòno yɛ̂ɛ berei Yâwɛɛ è mò la mai. Ǹûai ŋí dí díkpîri-ŋai sìɣe tɛi-tɛi dí dítii-ŋai kɛ́ yɛ̂ɛ berei Yâwɛɛ è mò la Mose mai.
