Neeuŋ 3:5 - Ŋ̀âla Kɔlɔ Maa Waai

⁵ Ŋ̀wála-wâla kélee Yâwɛɛ a môi ǹyɛɛi, “Ninivɛ, ńdɔɔ̂i yâ, ŋa pâi ímaa seɣe tɛ̂i ɣelei ŋá bɛlɛ íŋɛi, ŋá ǹɔii ŋûŋ-ŋai kɛ́ dí íkaŋ káa, ŋá gɛ́ lɔii kpîniŋ-ŋa dí íŋumɛi káa.

Neeuŋ 3:5 ပူးပေါင်းရင်းမြစ်များ

Zɛlemaya 13:22

Ǹyaŋ à kɛ̀ ya marê-kɛ̂ɛ kɛ̀ a gɛɛ lé mɛni ƃé m̀ɛnii ŋí è kɛ̀ la a yái, lé mɛni ƃé da íseɣei fála la da gùla yâ, da í tée perêi, zu kulâi ƃa, kpɛ́ni fêi, ya sɔnyɔ̂ŋ támaa kɛ́.

Zɛlemaya 13:26

Ŋa pâi íseɣei tɛ̂i a íŋuŋ ŋá íƃɛlɛ tóo.

Zɛlemaya 50:31

“Babelɔŋ-ƃela, káŋɛi tɛ̂ɛi. M̀ɛni ma, ńyãa, Ŋ̀wála-wâla kélee Yâwɛɛ, ńdɔɔ̂i kâa! Tãi aâ seri a gɛɛ ŋá kákula maa kɛ́.

Izikiɛ 16:37

M̀ɛni ma, ŋa pâi ká wɛ̂li-ŋai kélee ŋá-tɛi gîe ma, é máŋ kɛ́ a ǹyii ká ŋwɛli nii da nyii káfe ŋwɛli nii. Ŋa pâi dítinaŋ ni yâ ŋá ímaa kpôloŋ díŋɛi a gɛɛ dí íkaŋ káa.

Izikiɛ 21:3

M̀o Eezuɛ ƃelai dîa yɛ̂ɛi, Yâwɛɛ ǹyɛɛi ká káa a ŋ́gbɔara-ƃela. M̀ɛni ma ŋa pâi ŋa ƃóa-sɔkpɔi kulâi daâi, ŋá deniŋ-ƃo ƃelai da ŋ̀wana-lɔ̂ɔ ƃelai kélee paa la kásama.

Izikiɛ 23:25

Ńii ŋwanai yâ, m̀ɛni m̀a ŋá pâi gɛ̂i dí í kula maa kɛ́ a lii-ŋwana. Da pâi ísũa da íwoli têei yâ. Diai kélee pâi lɛɛ̂i ɣele mai, da pâi dí paâi a ƃóa-sɔkpɔ. Da pâi ílônii-sinaai da ílônii-nɛyãai sonîi. Diai pâi lɛɛ̂i ɣele mai da pâi díkerenii a ŋɔŋ.

Izikiɛ 23:29

À kɛ̀ tí, da pâi tûai a yá a ƃɛlɛ-kpɛɛ goi pere. Da pâi zãai í maa tîi kɛ̀i, kélee sonîi íyêei dí ímaa kpôloŋ ílɛɛ a íyee fôlo. À kɛ̀ tí, íwulu-wulu kɛ́ɛi maa-tuŋ a pâi toôi. Í sɛŋ wɛ̂lii da íwulu-wulu kɛ́ɛi,

Izikiɛ 26:3

“M̀ɛni ma, ńyãai a Ŋ̀wála-wâla kélee Yâwɛɛi ŋa mó a gɛɛ ńdɔɔ̂i nâa Taya ma. Ŋa pâi gɛ̂i lɔii ŋuŋ támaa dí tɔ́ɔ ma. Da pâi tɔɔ̂i ma yɛ̂ɛ berei Yúo ŋɔzikɛ-zikɛ a kɛ̂ pâi lai.

Maka 1:11

Káai a Safii-ƃelai, kákpɔara-ƃelai da pâi liî a káa lɔii da kpɛ́ni su ká kɛ́ ƃò a ká kaŋ a ŋumɛ pere. Zaanaŋ-ƃelai da yaôi a gɛɛ dí kúla dítaai su. Ká pâi wɔ́lɔ-woo mɛnii gɛ́ kùla Bɛtɛzɛ-taai su nyii a nɛ̀ a gɛɛ dí mɛi kaa sɛŋ fé ŋɔ́nɔ ma.

Neeuŋ 2:13

Ŋ̀wála-wâla kélee Yâwɛɛ a môi, ǹyɛɛ, “Gáa, ńdɔɔ̂i yâ, ŋa pâi íkɔ-kɔ keleŋ-ŋai kérenîi, ƃóa-sɔkpɔ é íkɔ kɔ́-ƃelai páa. Ŋa pâi íkɔnɔŋ kpɛɛ̂i ǹɔii ma, núu fé pâi ŋɔ́nɔ íworɛ̂-woo ƃó-ƃelai wóo mɛnîi.”

Abaku 2:16

Ŋumɛ a pâi ísonîi, ífe pâi laa-maa tɛ̂ sɔlɔ ƃôi. Íkpele yâi máŋ a pâi í kɛ̂i tàka-taka! Yâwɛɛ ŋɔkpele-kɔɛɛi gáa ǹáa-mii-yee mɛi, a pâi í ŋumɛ̂i ínuu kɛ́tɛ-laai su!