Neeuŋ 2:5 - Ŋ̀âla Kɔlɔ Maa Waai

⁵ Da gɔ́-kɔ-ƃelai tóli, díkɛ kàreŋ, díkɛ lì. Díkɛ lì a kîrɛ ziɣãŋ ma. Da díkɔ-kɔ sãai ŋáa tɛ̂i ma gɔ́-kɔ kwaai ma.

Neeuŋ 2:5 ပူးပေါင်းရင်းမြစ်များ

Azaya 21:5

Ŋá kúu kɛ́tɛ ǹaa kàa zĩ̂ai su. Dí teƃele pìlaŋ, dí gára-ŋa pɛ̀lɛ diai dí m̀ɛlɛ-tôlii ƃò a diai dí sèe mɛni ma. Dí kɛ́ dílaa miî díkɛ kpele-sãa kpèle. Nya ƃe ŋá wóo da mɛ̀ni ǹyɛɛi, “Kɔ́kɔ-ƃela, ka kákpala ŋá ɣále kɔli-kalaŋ-ŋai síɣe!”

Azaya 5:27

Díta fíi fé pâi kpɛɛ̂i kpaa máŋ é karêŋ. Díta fé pâi nyiî a ŋuŋ, kpaa máŋ nyii é tɛ́ɛ la. Díta ŋɔbɛ̂tii fé pâi têei, kpaa máŋ ŋɔkpáŋ-kpalii ɣɛli é tée.

Zɛlemaya 46:12

Lɔii-ŋuŋ-ŋa da káŋumɛi maa tûŋ mɛni. Núu kélee da káwɔlɔ-wooi mɛ́ni. Kɔ-kuluƃa tɔnɔ a karêŋ a sɔɔ m̀arâŋ-nuui ma, dífeerɛ da too ǹɔii ma.

Zɛlemaya 50:29

“M̀ó gerâŋ pili-ƃelai dîa dí pɛ́lɛ Babelɔŋ ma. Diai kélee da pɔ̂ri kerâŋ pilîi dí dítɛɛ. Ka tínaŋ daa lêei ma. Káfe ǹɛɛ naa núu da é pú. Ka véla fé m̀ɛnii è gɛ̀i, m̀aa mɛ̂ni ma. Ka tûa la yɛ̂ɛ berei è tùa la a m̀arâai, kpɛ́ni fêi, è ŋɛi-tɛ kɛ̀ a ńyãai a Eezuɛi, Ŋɔmaa-waa ǹúui.

Neeuŋ 2:6

Ziɣãŋ lá kpéli-ŋai ǹyái lái, lá a ƃó, gâloŋ ŋɔpɛ́rɛi mu kɛ́ ƃò wúlee.

Neeuŋ 3:18

Óo Asiria kaloŋ, ílɔii-kpîniŋ mɛi káa-ƃelai da saa. Ínuu kpaya-kpayai díkaa nyiî wɔ́lɔ-wɔlɔ da wɔ́lɔ-wɔlɔ. Ínûai táa-taai ǹyée-ŋai su, núu da fé naa é pá a dia ŋɔ́nɔ pôlu.

Neeuŋ 3:3

Zoo sia-ƃelai díkɛ nɔ́ lì, m̀óa sɔ̂kpɔ-ŋai díkɛ kɛ̀ mãla-mãla, zɔla-ŋai díkɛ fòlo, núu poma támaa púɔɔ nyii núu fa pɔ̂ri dílônoi, díkɛ kàreŋ a dia!

Abaku 1:8

“Dísoo-ŋai kɔ́ɔ maa félaai é tɛ́ɛ kɔ́li ma, díkpeɣeɛɛi é tɛ́ɛ lɔɔ-ɣîla ma nyii a tûa a purui. Dísoo-sia-ƃelai da sîa a dísoo-ŋai a yoŋka-pere. Tɔ̃yâ ma dísoo-sia-ƃelai da kûla kwaa kôyaa ma. Da kôoŋ yɛ̂ɛ kuɛ a kɛ̀ yenîi gɔ́nɔŋ soŋ mɛ̂ni ma.