Neeuŋ 2:4 - Ŋ̀âla Kɔlɔ Maa Waai

⁴ Gɔ́-kɔ keleŋ-ŋai dí pìli daai su a kîrɛ, díkɛ lɔ̀-lɔ bɛ́rɛ-ŋai loai, díkɛ fòlo yɛ̂ɛ kpáleŋ leŋ, díkɔɔ mu tiŋ kɛ́ tɛ̀ yɛ̂ɛ ŋ̀ele-gbâna.

Neeuŋ 2:4 ပူးပေါင်းရင်းမြစ်များ

Táre-woo-ŋa 31:21

Va yâo kɔ́lɛ ma ŋɔpɛ́rɛi-mu-ƃelai mɛni ma. Kpɛ́ni fêi, kɔ́lɛ-sêɣe káa ǹyêei ŋɔnûai kélee mɛni ma.

Azaya 37:24

Í íyee mu-ƃelai tɛ̂ɛ díkɛ ŋɛi-tɛ woo ƃò ḿâ Ńyãai a Nuu-namui, dîɛ da Lɛƃanɔŋ yee kpaya-kpayai yée mɛi ɣále a díkɔ-kɔkeleŋ-ŋai. Díkɛ̀ ŋɛi-tɛ woo ƃôi dîɛ da sîda wuru kôyaa-ŋai da sapɔrɔ wuru-ŋai pɔ̂ŋ da seri kpɔ́ ŋ̀olâi kpóŋ ma póŋ-poŋ.

Azaya 66:15

Yâwɛɛ a pâi pâi a ŋɔŋ. A pâi kɛ̂i vãai su gɛ́ pà a gɛ́ɛ diai ńii-ŋwânai diai, é díkula maa kɛ́.

Zɛlemaya 4:13

Ka gáa, kákpɔara-ƃelai díkaa pâi yɛ̂ɛ ɣele-kɔlɔŋ kole. Díkɔ kɔ́-keleŋ káa yɛ̂ɛ tínaŋ fãa. Dísoo-ŋai maa félaai kpɔ́ yɛ̂ɛ kuɛ-ŋa. Kpalo ƃêlai kûa kpɛ́ni fêi, kú su a kara.

Zɛlemaya 46:9

M̀ó zoo-ŋai dîa dí lí, M̀ó gɔ́-keleŋ-ŋai dîa dí kilîŋ! Ye gɔ-kuluƃa-ŋai tɛ́ɛ. Ǹûai kùla Sudaŋ da Lebiai dí lí a díkpala ŋá ɣále-kɔli kalaŋ-ŋai, da gerâŋ pili-ƃela lɛ́lɛɛ-ŋai kùla Ladiai.’ ”

Izikiɛ 23:24

Da pâi kulâi yá-ŋua pere dí pá a kɔkuluƃa kpulu kɛ́tɛ da kɔ́ kɔ́-keleŋ támaa, é pɛlɛ kɔ́ kɔ́-sãa támaa ma. Dia kpîŋ da pâi tínaŋ nii yâ díkpala ŋá-ɣale kɔli-kalaŋ kɛ́ ƃò dí yêei, díkɔ kɔ́-gbaƃɛlɛi-ŋai kɛ́ ƃò díŋûa. À kɛ̀ tí, ŋa pâi ítɛɛ̂i dí pɔ́ a gɛɛ dí ímɛnii ŋá tée. Ǹyaŋ, da pâi ímɛnii ŋá têei díkpɔɔi tɔŋ lá-woo ma.

Izikiɛ 26:10

Ŋɔsoo-ŋai da pâi kɛ̂i kpɔ́ a dítamaa díkɔɔ-ŋa muluŋ é ká mɛi pɛ́lɛ. Tãi a pâi tɛ̂i la ká siɣãŋ sui, ŋɔkɔ-kɔ́-soo-ŋai da ŋɔkɔ-kɔ́-keleŋ-ŋai dítiŋ a pâi gɛ̂i kásiɣãŋ kɛ́ tùmo-tumo. A pâi ká siɣãŋ wôloi é tɛ́ daai su.

Izikiɛ 26:7

Ŋ̀wála-wâla kélee Yâwɛɛi è mò ǹyɛɛi, “Ŋa pâi liî yá-ŋua pere ŋá pá a Babelɔŋ kaloŋ Nɛbukinaza nyii gáa a kâloŋ kɛ́tɛi. A pâi pâi a kɔ́-kɔ keleŋ-ŋa da kɔ́-kɔ sôo-ŋa é pɛ́lɛ kɔkuluƃa-ŋa dîa nyii-ŋai pâi kɛ̂i siâi díkɔɔ ŋá a gɛɛ é kɔ́ pɛ́lɛ káai a Taya-ƃelai kâa.

Danîa 11:40

“Asiria kaloŋ ŋɔtãi a kɛ̀ pâi kpɛɛ̂i, Ize kaloŋ a pâi kɔ́ pɛlɛ̂i m̀a. Asiria kaloŋ ǹyaŋ a pâi pâi a ŋɔkɔ́ kɔ́-ƃelai kɔ́ kɔ́-keleŋ-ŋa su, soo-ŋa mɛi da yá-ŋa-keleŋ-ŋa dí kɔ́ bɔ́. Da pâi kɛ̂i pâi yɛ̂ɛ ya-fɛ̂ɛ, dí lɔii-ŋuŋ támaa síɣe.