Neeuŋ 2:3 - Ŋ̀âla Kɔlɔ Maa Waai

³ Ŋɔkɔ-kuluƃa-ŋai dí kɔ́-kɔ sãai a kpɔ̂lu, dímaa ɣîri seɣe-ŋai díkɛ kpɔ̂lu. Díkɔ-kɔ seɣe-ŋai da kpɔ̂lu. Da kɛ̀ kîrɛ siɣêi díkɛɛ yɛ̂ɛ ŋɔŋ a kɛ̀ lénîi, zia-ƃela díkɛ pìli-pili.

Neeuŋ 2:3 ပူးပေါင်းရင်းမြစ်များ

Zôo 39:23

Zoo-sia-ƃelai dítɔ̃a-ŋai tíŋ a kɛ̂ tɛ̂i daâi da kɛ̀ liî vóloi kɛ́ lèŋ díkpala kpaya-kpayai da bɛlɛ-pɛlɛɛi dîa.

Wule-woo-ŋa 80:13

Lɔɔ ƃoi-ŋa da kɛ́ dáŋ tânii, gɛ́ ƃò a fɛnɛ-sãa kɔ́nɔŋ.

Azaya 14:8

Sapɔrɔ wuru-ŋai da sîda wuru-ŋai Lɛƃanɔŋ dia máŋ da lii-nɛ̃ɛ kulâi. Da m̀ôi a gɛɛ Babelɔŋ gâloŋ sɔŋ nyɔ́mɔɔi a lí, vé ŋɔ́nɔ naa. Va ŋɔ́nɔ Díta pɔ̀ŋ!

Izikiɛ 23:24

Da pâi kulâi yá-ŋua pere dí pá a kɔkuluƃa kpulu kɛ́tɛ da kɔ́ kɔ́-keleŋ támaa, é pɛlɛ kɔ́ kɔ́-sãa támaa ma. Dia kpîŋ da pâi tínaŋ nii yâ díkpala ŋá-ɣale kɔli-kalaŋ kɛ́ ƃò dí yêei, díkɔ kɔ́-gbaƃɛlɛi-ŋai kɛ́ ƃò díŋûa. À kɛ̀ tí, ŋa pâi ítɛɛ̂i dí pɔ́ a gɛɛ dí ímɛnii ŋá tée. Ǹyaŋ, da pâi ímɛnii ŋá têei díkpɔɔi tɔŋ lá-woo ma.

Izikiɛ 26:7

Ŋ̀wála-wâla kélee Yâwɛɛi è mò ǹyɛɛi, “Ŋa pâi liî yá-ŋua pere ŋá pá a Babelɔŋ kaloŋ Nɛbukinaza nyii gáa a kâloŋ kɛ́tɛi. A pâi pâi a kɔ́-kɔ keleŋ-ŋa da kɔ́-kɔ sôo-ŋa é pɛ́lɛ kɔkuluƃa-ŋa dîa nyii-ŋai pâi kɛ̂i siâi díkɔɔ ŋá a gɛɛ é kɔ́ pɛ́lɛ káai a Taya-ƃelai kâa.

Neeuŋ 3:2

Vaai tíŋ, gɔ́-kɔ keleŋ kɔ́ɔ mu tiŋ, zoo-ŋai pili tîŋ da gɔ́ kɔ́ keleŋ ɣála tiŋ kulâai!

Zɛkɛrâya 1:8

Ŋá núu kàa seêni soo kpɔ̂lu mɛi gɛ́ sia la. Zooi è kpèra kpɔlɔ da su tiŋ-tiŋ sú, ǹyaŋ soo-ŋai dí kɛ̀ tɔɔ̂ni bôlu-pere da kpɔluɔɔ da pɔ̃yɛɛ, gbelii kɛ́ kole.

Zɛkɛrâya 11:2

Wúru-ŋa, ka wɔ́lɔ, kpɛ́ni fêi, da ŋ̀olâi pɔ̂ŋ, ǹyaŋ ŋ̀úru lɛ́lɛɛ-ŋai su a kara! Basãŋ lɔii su wúru-ŋa ka wɔ́lɔ, kpɛ́ni fêi, da ŋ̀olâ su kpíniɛɛi pɔ̂ŋ!

Zɛkɛrâya 6:2

Soo kpɔ̂lu ƃé kɛ̀ géleŋ maa-ŋúŋ siâi, géleŋ veerɛi, soo tɛ̂i kɛ́ zia,

M̀ɛni-lɛɛi 12:3

Ŋ́ɛi-kɛ-maa da kpɛ́ni è kɛ̀ Ɣâla-taa. Yao maa sua kpɔ̂lu kɛ́tɛ tɔnɔ è kɛ̀ naa, ŋuŋ kɛ́ ƃo ŋ̀ûa lɔ́ɔlu mɛi feerɛ, mĩla kɛ́ ƃo ŋ̀ûa puu, kâloŋ-ƃɔrɔ lɔ́ɔlu mɛi feerɛ seɛɛ ŋuŋ-ŋai dîa.

M̀ɛni-lɛɛi 6:4

Nya ƃe soo da kpɛni è kùla gɛ fólo kpɔ́ mu kpɔ̂luɔ. Ǹúui kɛ̀ seêni mɛi, dí nɛ̀ɛ naa a gɛɛ é lii-sêe kula ǹɔii su a gɛɛ núu-kpune é gîe-ni paa. Ǹya ƃe dí ƃóa-sɔkpɔ kɛ́tɛ tɛ̀ɛ bɔ́.