Neeuŋ 2:2 - Ŋ̀âla Kɔlɔ Maa Waai

² Ǹyaŋ Yâwɛɛ káa Zeeka ŋɔwála-walai tɛɛ̂i bɔ́ pôlu yɛ̂ɛ berei è gɛ̀ la a ŋɔkpɔara-ƃelai dí lɛ́ɛ pâi ǹyee mɛi ɣâlei.

Neeuŋ 2:2 ပူးပေါင်းရင်းမြစ်များ

Wule-woo-ŋa 47:4

Ǹɔii kwa mai, ǹyaa ƃé kúpù naa. Gáa a Zeeka ŋɔsuui su-ƃelai pɔ́ɔ nyii-ŋai è díwɛ̂linii.

Azaya 60:15

“Íƃɛlɛ fé ŋɔ́nɔ pâi kɛ̂i a gbɛɛ díkoi dí íkpɔara yɛ̂ɛ berei dí wɔ́lɔ gɛ̀ lai. Ífe pâi kɛ̂i a taa-lêe nyíi núu da fé ŋɔ́nɔ zui, a lɛ̂ɛ a bûŋ. Ŋa pâi íkɛ̂tɛi, ŋá gɛ́ íkɛ ƃò a ílɛlɛɛ. Lii-nɛ̃ɛ a pâi kɛ̂i yâ wɔ́lɔ-wɔlɔ da wɔlɔ-wɔlɔ.

Zɛlemaya 25:29

Ye gáa, ŋa pâi mɛni kpɔ̂lu lâai Zerusâlɛŋ ma nyíi ŋá ńaa sèe mai. Gáa íkili ŋá a gɛɛ ḿve pâi íkula maa kɛ̂i? Kpao! Ŋa pâi gɛ̂i tí! Ŋ̀wála-wâla kélee Yâwɛɛi è mò ǹyɛɛ a pâi kɔ́ toôi kpɔ́ núu kélee ma ŋ̀éniɛi su gwaa kélee.

Zɛlemaya 48:11

Yâwɛɛ è mò ǹyɛɛ, “Môa káa nɔ́ wɔ́lɔ lii-see su a tãi su kôyaa. Dífe tá lì ní kɔ-sôŋ perei. Gáa nɔ́ yɛ̂ɛ ŋwãai nyíi núu da fé niî lɛ̀ɣɛ ní ma é gúla zeêi kɛ́ gonoŋ su é bú da kpɛ́ni sui. Vé niî kpòna ní a dɔnɔ kpîŋ. Nɛ̃ɛ̂i kpɔ́ nɔ́ yɛ̂ɛ berei dí gbɛ̀tɛ lai.

Zɛlemaya 49:9

Núu é máŋ lí kpɔmɔ ƃa kulâi, a da-loŋ lɛ̀ɛ naa. Ŋúma-ƃela da núu ŋɔpɛ́rɛ wòlo, zɛŋ da ŋ̀wɛ̂lii, ǹyaa nɔ́ ƃé a zìɣe.

Izikiɛ 37:21

gɛ̀ ní m̀ó dîa yɛ̂ɛ Ńyãa Ŋ̀wála-wâla kélee Yâwɛɛ ńyɛɛi, ‘Ŋa pâi Eezuɛ kulâi ǹɔii-ŋai su díkaa naai. Ŋa pâi dí kulâi ƃéla kélee ma ŋa pá a dia pôlu díkpɔɔi lɔii su.

Izikiɛ 37:23

Dífe ŋɔ́nɔ pâi dí maa tĩa karâi a ɣâla da kpɛ́ni fɛliɛɛ nyii m̀ɛlɛ fé ŋ́goi da sɔnyɔ̂ŋ da kpɛ́ni-ŋa kɛ́ɛ. Kɛ́lɛ, ŋa pâi díƃalôi ŋa díkula dífii kpɛɛ̂i su nyii gɛ̀ díkɛ pìli sɔnyɔ̂ŋ sui. Ŋa pâi dímaa wáai. À kɛ̀ tí, da pâi kɛ̂i a ŋánûa, ńyaŋ ŋ́gɛ ƃò a Díɣâla.

Osia 10:1

Eezuɛ è kɛ̀ yɛ̂ɛ ƃá kpɔmɔ-kpalaŋ nyii a ƃâ a dámaai. Berei nɔ́ a ƃâ lai, bere nɔ́ ƃé a ŋɔɣâla-teƃelei dámaa tɔ̀ɔ la. Berei nɔ́ ŋɔlɔii ƃûu a ƃô lai, bere nɔ́ ƃé a ŋɔɣâla-fɛli kwaai ma kpɛ̀tɛ la a ǹɛ́lɛɛ.

Neeuŋ 2:10

Ninivɛ a lɛɛ a vólo! Ǹûai díkɛ fòa, díkɔɔ ma kɛ́ kpɛ̃̀liŋ, dílii kɛ́ sɛ̀lɛŋ, díŋɛi yoloɔɔ.

Neeuŋ 3:14

Ka yá tĩyɛ gɔ́i é lɛ́ɛ pâi kásiɣãŋ maa tínanîi. Ka kákpîŋ kpɛtɛ kásiɣãŋ mɛi káa mɛni ma. Ka pɔ̂rɔ yɔ́ɔŋ ká bîleki-ŋa kpɛtɛ ká bûi kɛ́ ziɣãŋ tɔɔ mɛni ma.

Zɛfɛnâya 3:11

Maa ɣêlei tí dífe pâi íŋumɛ̂i ímɛni nyɔ́mɔɔ-ŋai ƃa gɛ́ a ńyãai m̀ɛni ma, kpɛ́ni fêi, ŋa pâi ǹyoŋka ƃela kpɛ́ni-kpɛni-ŋai kulâi kásama, ǹyaŋ yoŋka-nuu fé ŋɔ́nɔ pâi kɛ̂i ŋáyee maa waai ma.