Neeuŋ 2:11 - Ŋ̀âla Kɔlɔ Maa Waai

¹¹ Ǹyala-sulu koraŋ kɔɔ, ƃɛ́i ǹyala-sulu lonii da kâa kɛ̀ naa ǹyala-sului kɛ́ pà a díkɔ̃nɔŋ, ƃɛ́i da ka kɛ̀ naa sɛŋ da fa lɛ̂ɣɛ dîai?

Neeuŋ 2:11 ပူးပေါင်းရင်းမြစ်များ

Azaya 5:29

Díkɔ kuluƃa-ŋai da kɛ̂ lâɣii yɛ̂ɛ yala-sulu-ŋa da sua sôŋ díkɛ lì la díkɛ kpéɣe mɛi nyíi núu da fa pɔ̂ri gulâi díyêei.

Zɛlemaya 2:15

Eezuɛ ŋɔkpɔara-ƃelai da kpêɣei m̀ɛi yɛ̂ɛ yala-sulu. Da kpêɣei kpɔ́ m̀ɛi a díwoo su kɛ́tɛ. Ŋɔlɔii a lɛɛ a vólo, da naa kélee kéreŋ, naa a lɛɛ a pîleŋ ŋá.

Zɛfɛnâya 3:3

Ŋɔgɔmɛnɛ-ƃelai díkaa yɛ̂ɛ yala-sulu kpéɣɛɛ-ŋa. Ŋɔmɛni-sâa ƃó-ƃelai díkaa yɛ̂ɛ ɣele-wûlii lɔɔ-ɣîla-ŋa nyii-ŋai dífa mii-sɛ̂ŋ kélee lɛ̀ɛ naa é lɛ́ɛ la zu ɣele é ƃɔ.

Neeuŋ 3:1

Kpalo-ƃêlaai ŋãa taai ma, ǹáa fɛ̂ɛ a lɛ́ɛ kɛ́ɛ, ƃɛ́i kɔsôŋ sãa tâmai naa, ǹyaŋ da pâi gulâi díyêei.

Zɛlemaya 50:44

“Ńyãa Yâwɛɛ, ŋa pâi pâi yɛ̂ɛ yala-sulu ƃé kulâi wolâai Zɔdiŋ Ya-leei kɔlɛ, ŋá pá gala ŋûnui ŋá, ŋá gɛ́ Babelɔŋ é pú a maa félaa é kúla daa lêei su. Gɛ̀ ní ǹúu mɛi-nuui ŋa pâi ziɣêi, ǹyaa ƃé pâi ǹɔii-ŋuŋ tí mɛi kâai. Gbɛ̂ɛ ƃé ka pɔ̂ri gɔɔ̂nii ḿâi? Gbɛ̂ɛ ƃa pɔ̂ri tɔɔ̂i ḿâi? Kâloŋ nênɛ ƃa pɔ̂ri tɔɔ̂i ŋ́ɛi?

Zɛlemaya 50:17

Yâwɛɛ è mò ǹyɛɛ, “Eezuɛ-ƃelai díkaa yɛ̂ɛ ƃála-ŋa nyíi-ŋai yala-sulu a díkpɛ̂i díkɛ tàa-taai. Tãi maa ŋuŋ, Asiria kaloŋ è kɔ́ pɛ̀lɛ dîa. Ǹaa pôlu ma, Babelɔŋ kaloŋ Nɛbukinaza é díkao wólo.

Zɛlemaya 4:7

Berei yala-sulu a kûla la ǹoo pêrei é pɛ́lɛ gɔ́nɔŋ mai, bere ƃé ǹɔii-ŋuŋ-ŋai su kara nuui a pâi kulâi la bɔ́ naa é pá é pɛ́lɛ kâa. Gáa kulâi ƃɛ́i gáa naai a gɛɛ é Zuda su kara. Da pâi Zuda taa-lee-ŋai su karâi, ǹaa é lɛ́ɛ a pîleŋ ŋá. Núu da fé ŋɔ́nɔ pâi seêi díta su.

Azaya 31:4

Yâwɛɛ è m̀o ḿâ ǹyɛɛi, “Yala-sulu a taa-tûlɛ sòŋ a nɛ̃ɛ ma kpîŋ maa taa-tulɛi mɛi káa-nuu é láɣi a ŋ̀óo su-kɛ́tɛ ŋ̀óo fa ǹyala-sului maa yâo é tée maa taa-tulɛi ma é pú. Bere nɔ́ ƃé gáa la a ńyãa Yâwɛɛ, ŋ̀wála-wala kélee Ɣâlai. Núu da fa pɔ̂ri gɛ̂i ŋá kpéra Zãiyɔŋ Yeei mɛi kâai.

Zɛnɛse 49:9

Zudasi káa yɛ̂ɛ yala-sulu-loŋ. A kpɛɛ ŋɔsuai miɛɛ ma, a lî pôlu bɔ́ taai. A lâa é sãa yɛ̂ɛ yala-sulu. Ǹyaŋ núu da fé naa é lɛ́ɣɛ ma.

Nɔŋba 23:24

Eezuɛ káa yɛ̂ɛ yala-sulu wála-walaa. Víi fa kpɛ̀ɛ é lɛ́ɛ la zu é ǹáa-mii suai páa. É lɛ́ɛ la zu é diai è dí pâai ŋãa kpéle.”

Izikiɛ 32:2

“Núu-kpune ǹóŋ, ye malôŋ wɔ̀lɔ kɛ́ Ize kaloŋ mâ. Ye ŋ̀orɛ̂-wooi ŋí ƃó mà yɛ̂ɛi, ‘Í íkpîŋ kàa yɛ̂ɛ yala-sulu ǹɔii-ŋûŋ-ŋai sáma. Kɛ́lɛ íkaa yɛ̂ɛ yúo-zele-kali nyii gáa ǹyá lêei sui. Í ǹyái ǹunu a íkɔɔ.

Maka 5:6

Da pâi Asiria siɣêi a ƃóa-sɔ̂kpɔ. Da pâi kúŋuŋ ma ƃôi Asiria-ŋai yêei tãi da pâ la kúlɔii sui.

Neeuŋ 2:12

Ǹyala-sului a sua támaa pàa é dísu tée-tee záa mɛni ma da ǹônii. A ŋɔkóraŋ láa fɛ̀ɛ a sua tée-tee.

Azaya 13:7

M̀ɛni ma, núu-kpune kélee kɔlɔ a pâi kpɛɛ̂i dîa, dílii é tóo pôlu a ŋ̀ánaa.

Zooɛ 2:6

Diai kélee dítuɛ-perei, dílii toɔɔ̂i pôlu, díŋɛi malôŋɔɔ.