Neeuŋ 1:5 - Ŋ̀âla Kɔlɔ Maa Waai

⁵ Ǹyée kpaya-kpaya da kpɛ̃liŋ Yâwɛɛ ŋɛ́i túɛ, ǹyée pɛlɛ-pɛlɛɛi dí séɣeŋ gɔ́ɔ mu. Ǹɔii da zãai kélee ŋ̀éniɛi sui dí lɛ́ɛ kpɛ́ni-kpɛni ŋ̀ɛi-tuɛ.

Neeuŋ 1:5 ပူးပေါင်းရင်းမြစ်များ

Samia Veerɛi 22:8

Nya ƃe ǹɔii è tùmo é kpɛ̃lîŋ, ŋ̀ele-kɔlɔŋ é kpɛ̃lîŋ máŋ, kpɛ́ni fêi, ǹíi è kɛ̀ a ŋ̀wánaa.

Zôo 26:11

À kɛ̀ Ɣâla a ŋ̀ele-kɔlɔŋ sòŋ-sãai maa yào, da kɛ̂ kpɛ̃lînii a yao.

Zôo 9:5

Ɣâla a ǹyée kpaya-kpayai tûmo-tumo é díwolo. Va mò núu da ma. A díwolo-wolo kpɛ́ni-fei a ǹíi ŋwàna dîa.

Wule-woo-ŋa 104:32

À ǹɔii kâa, ǹɔii a kpɛ̃liŋ. À ǹyée lɛ̀ɣɛ ǹyée-ŋai dîa, ŋɔŋ a têe naa.

Wule-woo-ŋa 114:4

Ǹyée kpaya-kpayai dí pìli yɛ̂ɛ ƃoli-ŋa, ǹyée pɛlɛ-pɛlɛɛi dí píli yɛ̂ɛ ƃála lônii.

Wule-woo-ŋa 114:6

Káaŋ yée kpaya-kpaya, ka pìli yɛ̂ɛ ƃoli-ŋa lé mɛni ma? Ká pìli ɣelêi yɛ̂ɛ ƃála lônii, lé mɛni ma, káai a ǹyée pɛlɛ-pɛlɛɛi?

Wule-woo-ŋa 18:7

Ǹɔii è kpɛ̃liŋ é túmo-tumo. Ǹyée-ŋai dia máŋ da kpɛ̃liŋ dí wólo-wolo dí pú zu, kpɛ́ni fêi, Yâwɛɛ è kɛ̀ a ǹíi ŋwánaa.

Wule-woo-ŋa 18:8

Luru è kùla zũai, ŋɔŋ-leŋ da ŋɔŋ teɣã dí kúla ǹá.

Wule-woo-ŋa 46:6

Lɔii-ŋuŋ-ŋa díkaa túmo-tumoi, kâloŋ-laa-ŋa díkɛ kpɛ̃liŋ. Ɣâla è lòno, ŋ̀óo kɛ́ ƃò yɛ̂ɛ ŋ̀ele-gbana, ǹɔii ŋûŋ-ŋai díkɛ sèɣeŋ.

Wule-woo-ŋa 68:8

ǹɔii a kpɛ̃liŋ, ŋ̀ele-kɔlɔŋ lá é ƃó tuna é pú, ǹɔii a wôlo zu a yá, Eezuɛ Ɣalai í sia tîŋ Sana Yeei ma.

Wule-woo-ŋa 98:7

Yúo da zu sãa kélee, ka Ɣâla láa maa tɛ́. Ǹɔii da zu sãa kélee ka ǹáa maa tɛ́.

Ɛsedɔ 19:18

Sana Yeei ma è kpìni kpɔ́ a luru. Kpɛ́ni fêi, Yâwɛɛ è kɛ̀ naa kpɔ́ yɛ̂ɛ suluŋ ŋɔŋ-luru. Ǹûai kélee dí kpɛ̀liŋ kpɔ́ a zu kɛ́tɛ.

Azaya 24:1

Yâwɛɛ a pâi ǹɔii su karâi é ǹaa lɛɛ a bûŋ. A pâi gɛ̂i ǹaa-ƃela kélee dítaa-tâa.

Azaya 24:20

Ǹɔii a pâi kɛ̂i díkɛ̂i tàka-taka yɛ̂ɛ lɔɔ kpele-nûu, gɛ́ làa-laa bɛ̂rɛ ma yɛ̂ɛ fãa a sèe pɛ́rɛ ma. Ǹɔii ŋɔsɔnyɔ̂ŋ a wuyɛ ma a ŋánaa. A pâi toôi ǹyaŋ vé ŋɔ́nɔ pâi mu siɣêi.

Azaya 5:25

M̀ɛnii ŋí ƃa gɛ́ Yâwɛɛ a ǹíi ŋwána ŋɔnûai dîa. A dísu-kara a lii ŋwâna-pere. A gɛ́ ǹyée kpaya-kpayai da kpɛ̃lîŋ. Ǹûai poma a táa-tâa bere lêe-ŋai dîa. Berei máŋ gáa tí lai, Yâwɛɛ ŋɔlii ŋwânai ŋáa fé niî yeŋ ní ǹyaŋ a pâi dí kula maa kɛ̂i.

Zɛlemaya 10:10

Kɛ́lɛ, Yâwɛɛ ƃa dɔ̃yâ Ɣâlai. Ǹyaa ƃé gáa a gɛ̀-ɣele-ma Ɣalai da ŋ̀ɔlɔ-wɔ́lɔ Kaloŋ. A ńii ŋwàna, ǹɔii a pû zu. Lɔii-ŋuŋ da fa pɔ̂ri tɔɔ̂i ŋɔlii ŋwânai ŋɛ́i túɛ.

Zɛlemaya 4:24

Ŋá ǹyée kpaya-kpayai ma kàa, dí kɛ̀ tùmo-tumo. Ǹyée pɛlɛ-pɛlɛɛi diaŋ dí kɛ̀ túmo-tumoi, dí kɛ̀ lì dí kɛ̀ pà.

Izikiɛ 38:20

Ǹyɛ̃ɛ-ŋai, ŋɔni-ŋai, vɛnɛ-sãai, da dɔara-sãai, é pɛ́lɛ ǹûai kélee díkaa ǹɔii sui, díkelee da pâi kpɛ̃lînii a tãi da pâi ŋá kɛ̀ naa laai kâai lai. Ǹyée kpaya-kpayai da pâi wôloi dítoo ǹɔii ma dí táa tâa. Bɛ́rɛ kâŋ-ŋai máŋ da pâi wôloi dí táa tâa ǹɔii ma.

Zooɛ 2:10

Ǹɔii a kɛ̂ kpɛ̃lînii dítuɛ, ŋ̀ele-kɔ̂lɔŋ kɛ́ tùmo-tumo, vóloi da ŋ̀áloŋ su kpíniɛɛ, bɛmɛlɛŋ-kao-ŋai dífa fôlo.

Emɔ 9:5

Kúnuu-namui Ɣâla ká ŋí nyii a lɛ̂ɣɛ ǹɔii ma é séɣeŋ, zu-ƃelai kélee díwɔlɔi, é gɛ́ ǹɔii kɛ́ tɛ̀ gɛ́ yèŋ yɛ̂ɛ Ǹâai Ya-leei Izei.

Maka 1:4

Ǹyée-ŋai da pâi séɣenîi gɔ́ɔ mu yɛ̂ɛ ƃɔ́ɔ a kɛ̀ ŋɔŋ kɔlɛ, díkɛ yèŋ diŋ-tiŋ-ŋai su yɛ̂ɛ yá a kɛ̀ yenîi yée kwára.

Abaku 3:10

Ǹyée-ŋai dí íkàa, dí kpɛ̃lîŋ. Ǹyái è tɛ̀ɛ dímɛi ƃɛ́i naa siŋɔɔ̂i, naa-tiŋ kɛ́ kùla, ǹyái ŋɔzikɛ-zikɛ kɛ́ tɛ̀ ɣelêi.

Zɛkɛrâya 4:7

Lé ƃa yá, óo ǹyee kɛ́tɛi? Ya pâi kɛ̂i a tiŋ-tiŋ kwaa ma Zɛrubabɛɛ ŋɛ́i. A pâi pâi a ǹyéei tí tôŋ-su kɔni, laɣi-woo kɛ́ ƃò bôlu ǹyɛɛ, ‘Ƃɛlɛ-sêe, ƃɛlɛ-sêe káa ma!’ ”

Malakai 4:1

Ŋ̀wála-wâla kélee Yâwɛɛ a môi ǹyɛɛi, “Ŋ̀ele kûui káa pâi tãi ǹyoŋka-ƃelai da zɔnyɔ̂ŋ-ƃelai da pâi kérenîi la yɛ̂ɛ kala kpâlai. Maa ɣêlei tí da pâi kérenîi, dí kpua tɔ̂nɔ kpîŋ fé pâi lɛɛ̂i.

Maafîu 27:51

Nya ƃe Ŋ̀âla-pɛrɛ Kɛ́tɛi mu-seɣei sú è ƃèla a ḿela feerɛ é síɣe ŋ̀uŋ-tuɛ é yéŋ gwara. Ǹɔii è kpɛ̀liŋ. Gɔni-ŋai dí ƃela.

Maafîu 28:2

Ǹɔii è kpɛ̃liŋ kpɔ́ a ŋánaa. Kpɛ́ni fêi, Kúnuu-namui ŋɔkélai dɔnɔ è kùla Ɣâla-taa é pá é gɔnii kílîŋ é gúla m̀olôŋ lá é see mɛi.

M̀ɛni-lɛɛi 20:11

Ǹaa pôlu mà, ŋá kâloŋ see-sɛŋ kole kɛ́tɛ kâa da ǹúui kɛ̀ seêni ŋái. Ǹɔii da ŋ̀elei dí tɛ̀ɛ a maa félaa dísiɣe ŋ̀ɛi-tuɛ. Kwaa mâ fé kɛ́ ni naa a gɛɛ dí li naa.

M̀ɛni-lɛɛi 6:14

Ŋ̀ele-kɔlɔŋ è tɛ̀ɛ yɛ̂ɛ da kɔlɔ kpîniŋ, ǹyée-ŋai kélee da dîŋ-ŋai kélee dí siɣe dítɔɔ̂i.

M̀ɛni-sâa Ƃó-ƃelai 5:5

Ǹyée kpaya-kpayai dí kpɛ̃liŋ Eezuɛ Ŋɔɣâlai Yâwɛɛ ŋɛ́i túɛ. Sana Yeei máŋ è kpɛ̃liŋ. Dí tàa-taa Yâwɛɛ ŋɛ́i túɛ nyíi gáa a Eezuɛ Ŋɔɣâlai.