Neeuŋ 1:3 - Ŋ̀âla Kɔlɔ Maa Waai

³ Wála-wâla-laa káa Yâwɛɛ yêei, kɛ́lɛ ǹíi ŋwana la fé nɛ̃ɛ ní. Ǹyaŋ a pâi zɔnyɔ̂ŋ-ƃelai kùla maa kɛ̂i. Ƃɛ́i Yâwɛɛ a sîa naai, fãa su kpanaŋɔɔ a tɛ̂ɛ naa, ǹyaŋ ŋ̀ele-kɔ̂lɔŋ kolei ƃa gɔ́ɔ ŋá muluŋ.

Neeuŋ 1:3 ပူးပေါင်းရင်းမြစ်များ

Samia Veerɛi 22:10

È ŋ̀ele-kɔlɔŋ ƃèla é pîlaŋ ɣele-kɔlɔŋ tɛi kɛ́ ƃò gɔ́ɔ mu.

Niɛmaya 9:17

M̀ɛni-ŋai kélee í mò dîai, dí díyee kùla mù. Zûgbɛlɛ-gbɛlɛ mɛni-ŋai da ŋ̀ɛi kɛ́-maa-ŋai í gɛ̀ díŋɛi Ize lɔii sui, dí nìa gélee ma. Dí kɛ̀ a díwôlii kpɔ́lɔɔ. Dí dílaa túɛ-nuu lɛ̀ a gɛɛ é lí a dia pôlu luɛ-laai su Ize lɔii su. Kɛ́lɛ íkaa a su-mɛni lɛ̂ɛ Ɣala. Maloŋ kâa támaa káa íyêei. Ífa ílii ŋwàna a maa félaa. Í wɛli-kɛ-maai su kɛ̂tɛi. M̀ɛnii ŋí ƃé gɛ̀, ífe íyee kula ní dímu.

Zôo 10:14

Íkɛ̀ kpɔ́ nɔ́ ḿaa kpɛɛ̂i íkɛ gàa yɛ̂ɛ sɛŋ ƃé ŋá pâi sɔnyɔ̂ŋ kɛ̂i, a gɛɛ í ńzoŋ ŋá sɔnyɔ̂ŋ mɛni ma.

Zôo 38:1

Naa kɛ́ɛ tíi, Yâwɛɛ è lòno Zôo pɔ́ vãa kɛ́tɛi su ǹyɛɛ mai,

Zôo 9:4

Ɣâla táreɛɛ̂i, ŋ́wala-wala. Núu da a pɔ̂ri tɔɔ̂i Ɣâla ma é Ɣâla yée mɛi ɣále? É folôŋ mà.

Wule-woo-ŋa 103:8

Yâwɛɛ káa a maloŋ kâa da wɛli kɛ́-maa Ɣala. Va ǹíi ŋwàna a maa félaa. Ŋɔwɛli kɛ́-maai káa a wɔ́lɔ-wɔlɔ wɛli kɛ-maa.

Wule-woo-ŋa 104:3

Ya ípɛrɛi tɔ́ɔ ŋ̀ele-kɔlɔŋ mɛi pere ǹyái ŋá. Ŋ̀ele-kɔlɔŋ ƃé gáa a ísoo sia-keleŋ, íkɛ ƃò vãai su gɛ́ lì a yá.

Wule-woo-ŋa 145:8

Ɣâla Yâwɛɛ káa a maloŋ kâa da wɛli kɛ́-maa Ɣala. Vá ǹíi ŋwàna a maa félaa, kɛ́lɛ ŋɔwɛli-kɛ-maai káa naa wɔ́lɔ-wɔlɔ.

Wule-woo-ŋa 147:5

Kúɣâlai Yâwɛɛ kɛ̂tɛi, ŋ̀wála-walaa. Núu da fa ŋɔtárei kɔ̀ɔŋ sɛŋ da ma.

Wule-woo-ŋa 50:3

Kúɣâlai fé m̀ɛi saa ní gɛ́ pà. Ŋɔŋ sôŋ kɛ́tɛ káa dúɛ gɛ́ pà. Fãa kɛ́tɛ tínaŋɔ̂ɔi m̀a.

Wule-woo-ŋa 62:11

Ŋa Ɣâla wóo mɛ̀ni a tãi kpɛ́-kpɛɛ ǹyɛɛ wála-wala-laa káa a bɔ́ɔ,

Wule-woo-ŋa 66:3

Ka m̀ó Ɣâla ma kâai, “Íkɛ mɛni-ŋai mĩli-mĩliɛɛi. Wála-wala kpanaŋ káa íyêei. Íkpɔara-ƃelai dí tòo íkɔɔ mu a yao maa-pere.

Azaya 19:1

Ŋ̀orɛ̂-wooi ká ŋí bîlaŋɔɔi Ize lɔii mai. Yâwɛɛ a pâi Ize lɔii su. Gáa ŋ̀ele-kɔlɔŋ su vãai su gɛ́ pà a maa félaa. Ize-ƃelai díkpɛtɛ ɣâla-ŋai kélee da pâi toôi gɔ́ɔ mu díkɛ kpɛ̃liŋ. Ǹyaŋ Ize-ƃelai líi a pâi toôi pôlu a ŋ̀ánaa.

Azaya 29:6

Ŋ̀wála-wala kélee Yâwɛɛi a pâi íŋuŋ ma ƃôi a ŋ̀ele-gbâna ŋɔŋ, lɔii wóloɔɔ zu, tínaŋ-fãa su kpanaŋɔɔ da ŋɔŋ lêŋ su kɛ́tɛ.

Azaya 66:15

Yâwɛɛ a pâi pâi a ŋɔŋ. A pâi kɛ̂i vãai su gɛ́ pà a gɛ́ɛ diai ńii-ŋwânai diai, é díkula maa kɛ́.

Zɛlemaya 4:13

Ka gáa, kákpɔara-ƃelai díkaa pâi yɛ̂ɛ ɣele-kɔlɔŋ kole. Díkɔ kɔ́-keleŋ káa yɛ̂ɛ tínaŋ fãa. Dísoo-ŋai maa félaai kpɔ́ yɛ̂ɛ kuɛ-ŋa. Kpalo ƃêlai kûa kpɛ́ni fêi, kú su a kara.

Danîa 7:13

Gbíni tɔnɔi tí, ŋá sɛŋ da kàa gɛ́ɛ yɛ̂ɛ núu-kpune. È kɛ̀ kulâi ŋ̀ele-kɔlɔŋ su gɛ́ yèŋ. È pà ǹúu pɔlɔ-pɔlɔi pɔ́naa é gbîŋ tɛ̀ɛ bɔ́.

Osia 8:7

À kɛ̀ da vãai sî, da pâi m̀á kulâi a fãa. Sí-sɛŋ nyii mɛi teɛɛ̂i, va ƃà. À kɛ̀ máŋ a ƃà, ŋɔ̃ya-ŋa nɔ́ ƃé pâi m̀á miî.

Zooɛ 2:13

Ka kálii su waa, kɛ́lɛ ká seɣe-ŋai fêi.” Ka tínaŋ Yâwɛɛ, Káɣâla pɔ́naa pere, kpɛ́ni fêi, zɔŋ lɛ̂lɛɛi gɛ́ núu malôŋ kàa. Va ǹíi ŋwàna a maa félaa ǹyaŋ ŋɔwɛli kɛ́-maai káa nɔ́ naa wɔ́lɔ-wɔlɔ, gɛ́ sɔnyɔ̂ŋ su mɛni lɛ̀ɛ.

Zôna 4:2

È Yâwɛɛ fɛ̀li ǹyɛɛi, “Ŋá kɛ̀ a gɔ́lɔŋɔɔ a gɛɛ íkaa a ƃɛlɛ-see da maloŋ-kâa Ɣala, ífaa ílii ŋwàna a maa félaa, wɛli-kɛ-maa kɛ̀ ƃò íyêei, ƃa ílii maa fâleŋ ífaa núu ŋɔsɔnyɔ̂ŋ su too. M̀ɛnii ŋá kɛ̀ ŋ́gili ŋá siâi ma tãi ŋá kɛ̀ niî la ŋálɔii sui nyaa ká ŋí. M̀ɛnii ŋí ƃe gɛ̀ ŋá pú ŋá lí Sipîŋ.

Zɛkɛrâya 9:14

Gɛ̀ ní Yâwɛɛ a pâi pâi dípɔ, ǹyaŋ ŋɔtɔ̃ai a pâi siâi yɛ̂ɛ ŋ̀éle-gbana-kao. Ŋ̀wála-wâla kélee Yâwɛɛ a pâi dúrui fɛ̂ɛi é lí vãa kɛ́tɛi su ǹɔii kwára-pere.

Nɔŋba 14:18

‘Ńyãai a Yâwɛɛ Ɣalai, ńii ŋwana-laa fé nɛ̃ɛ ní, wɛli-kɛ-maa támaa kɛ́ ƃò ńyêei. Ŋa sɔnyɔ̂ŋ su-mɛni lɛ̀ɛ da tɔɔ-mâ laa. Kɛ́lɛ ŋa pâi lóŋ-naŋ kélee dísɔnyɔ̂ŋ maa-tɔŋ kpɛ̀i dílônii dîa, ŋá gbɛ́ dílônii lônii dîa.’

Maafîu 26:64

Zîsɛ è mò m̀a, ǹyɛɛi, “Yâa m̀ó. Kɛ́lɛ, ŋá m̀ó yâ, é síɣe tãi ŋí mâ ka pâi núu-kpune Ǹóŋ kâai seêni Ŋ̀wála-wâla-laai láa-mii-yee mɛi, gɛ pa ŋele-kɔlɔŋ kole-ŋai su.”

Zĩi 1:19

Nyíŋi é lɛ́ɛ kákili ŋá, ŋáwɛli-kɛ-maa-ƃelai. Tɔɔ núu kélee é m̀ɛnii mɛ́ni a maa félaa, é ǹóno-woo maa kpɛ́ɛ, ǹíi fé ŋwãna a maa félaa.

M̀ɛni-lɛɛi 1:7

Gáa, gáa pâi ɣele-kɔlɔŋ kole-ŋa su, ǹyaŋ ŋɛ́i kélee a pâi gâai diai zɔ̀ɔ a kpálai, ǹyaŋ sîi kélee gáa ǹɔii sui, a pâi wɔ̂lɔi m̀aa mɛ̂ni ma. Bere ƃe a pâi kɛ̂i la. É kɛ́ tí.