Malakai 1:3 - Ŋ̀âla Kɔlɔ Maa Waai

³ ǹyaŋ ŋá Isɔɔ kpɔ̀ara da ŋɔkáayɔɔ-ŋai. Ŋá ŋɔkɔni-yee lɔii su kàra ŋá dɛɛ lɔɔ sûa-ŋa pɔ́.”

Malakai 1:3 ပူးပေါင်းရင်းမြစ်များ

Zɛnɛse 25:23

Nya ƃe Yâwɛɛ è mò ma ǹyɛɛi, “Lɔii-ŋuŋ feerɛ káa íkponôi. Núu sîi feerɛ, nyii-ŋai ƃa pâi dímaa sɔlɔ ƃôi, da pâi kɛ̂i a díŋaa kɔlɛ́ɛ. Dɔnɔ a pâi kɛ̂i a ŋ̀wála-walaa é tɛ́ɛ m̀arâŋ ma. Ǹia-nuui a pâi kɛ̂i a ǹeɣe-nuui yée mu-nuu.”

Azaya 35:7

Ƃɛ́i-ŋai ǹaa káa a ŋãya sui, póa-ŋa da pâi têei naa. Ƃɛ́i-ŋai ǹaa káa a lɔii kpâla-ŋa mai, ya-ɣɛ̂li pɛlɛ-pɛlɛɛ-ŋa da pâi lâai naa. Ƃɛ́i-ŋai lɔɔ-ɣîla-ŋa da kâa kɛ̀ naai, kala a pâi kulâi naa bârai su.

Zɛlemaya 49:10

Kɛ́lɛ, ŋá Isɔɔ ŋɔsuui su-ƃelai maa kpôloŋ kpɔ́ sɛŋ da fé lɛ̀ɛ ní dîa. Ŋa pâi díloo kwaa-ŋai kélee ma lɛ̂i banaŋ ma, a gɛɛ dífa ŋɔ́nɔ dílòo naa, ŋa Idɔŋ-ƃelai kélee kpɔ́ su kara. Ǹyaŋ, díta dɔnɔ kpîŋ fé lɛ̀ɛ.

Zɛlemaya 49:20

M̀ɛni ma, ka káwoli tɔ́ɔ m̀ɛni kpɛtɛɛi ma ŋa gɛ́ é pîlaŋ Idɔŋ-ƃelai dîa da m̀ɛnii ŋa ŋ̀wɛ̂lii ŋá gɛ́ a Temaŋ taa-leei su-ƃelai. Ŋa pâi dínîa-pɛlɛi ɣâlai, ǹûai kélee kpɔ́ dí yao, dí lá é kpála dîa.

Zɛlemaya 49:33

Azɔ a pâi kɛ̂i a pilêŋ ŋá, ƃɛ́i ǹɔɔ-ɣîla-ŋai da pâi kɛ̂i naai. Núu da kélee fé ŋɔ́nɔ pâi seêi naa. Ńyãa Yâwɛɛ ƃé mò tí.”

Zɛlemaya 49:7

M̀ɛnii ŋí ƃé Ŋ̀wála-wâla kélee Yâwɛɛ è mò é pîlaŋ Idɔŋ lɔii ma: “Idɔŋ-ƃela da díkili ŋá siâi léŋ? Dí lia-woo ƃó nuu fé ŋɔ́nɔ naa é dí lia-woo ƃó? Dítare-ŋai kélee da láŋ?

Zɛlemaya 49:8

Káai kákaa Dedaŋ, ka pú ká káloo. Ŋa pá Isɔɔ ŋɔsuui su-ƃelai su karâi, kpɛ́ni fêi, tãi a seri a gɛɛ ŋá díkula-maa kɛ́.

Zɛlemaya 51:37

Dílɔii a pâi lɛɛ̂i a pilêŋ ŋá ƃɛ́i fɛnɛ-sãa da pâi dí kɛ̀-ɣeniɛi kɛ̂i naai. Ǹaa a pâi kɛ̂i a kwaa mâ mĩli-mĩliɛɛ. Núu da fé pâi seêi naa. Ǹyaŋ, diai kélee pâi ǹaa kâai, da pâi yaôi.

Zɛlemaya 9:11

Yâwɛɛ è mò ǹyɛɛi, “Ŋa pâi Zerusâlɛŋ wôloi, ŋá ǹaa kɛ́ a taa-pîleŋ ŋá. Ǹaa a pâi kɛ̂i a fɛnɛ-sãa pɔ́-taai. Ŋa pâi Zuda taa-lee-ŋai kélee lɛɛ̂i a bûŋ. Núu da kélee fé pâi seêi naa.”

Zerusâlɛŋ Karáa Maa Wɔ̂lɔ-wooi 4:22

Óo Zãiyɔŋ-ƃela, kâa nâa kásɔnyɔ̂ŋ fela fêi kɛ́. Káfe ŋɔ́nɔ pâi kɛ̂i luɛ lâa su a zu kôyaa. Kɛ́lɛ à kɛ̀ a káa óo Idɔŋ-ƃela, Yâwɛɛ a pâi ká kula maa kɛ̂i. Ká mɛni nyɔ́mɔɔ-ŋai a too pono ŋá.

Izikiɛ 36:7

M̀ɛni ma Ńyãai a Ŋ̀wála-wâla kélee Yâwɛɛi ŋa ḿvoo ǹɔii-ŋûŋ-ŋai ká kɔlɛ mai yêei a gɛɛ ŋa pâi díkula maa kɛ̂i m̀ɔ̃lɛi ká gɛ̀ díyee mui mɛ̂ni ma.

Izikiɛ 36:9

Ŋ́gaa ká pôlu. M̀ɛni ma, ŋa pâi gɛ̂i ká kási-sãa sí ǹɔii ma.

Zooɛ 3:19

“Ize lɔii a pâi lɛɛ̂i kpɛ́ni-kpɛni. Idɔŋ lɔii é lɛ́ɛ a fɛ̃ɛ-kpâlaŋ, dí mɛni nyɔ́mɔɔi mɛni ma nyii dí gɛ̀ a Zudai. Kpɛ́ni fêi, dí kɔ́ pɛ̀lɛ Zuda-lɔii ma, dí zu-ƃelai páa nyii-ŋai dífe mɛni nyɔ́mɔɔ kɛ́ níi.

Obadaya 1:10

“Káai a Idɔŋ-ƃelai, ŋumɛ a pâi kásonîi ŋ̀wana-lɔ̂ɔ tuai mɛ̂ni ma ká gɛ̀ a kálêɣe Zeeka ŋɔnûai. Ŋa pâi kásuui kélee kpɛɛ̂i ǹɔii ma wɔ́lɔ-wɔlɔ da wɔ́lɔ-wɔlɔ.

Lûu 14:26

“À kɛ̀ núu da à pà ḿbɔ, kɛ́lɛ, ve gbɔɔ̂i-naŋ kpɔara ni, da ǹee, da ŋɔnɛnîi, da ǹônii, da ŋɔlee-kaa surɔŋ, bɛlɛɛ la ŋɔsaa-ƃɔlɔ-ŋai dîa, ooei, ve máŋ gbɔɔ̂i-fulu-laai kpɔara ni, va pɔ̂ri kɛ̂i a ḿbôlu-nuu.