Mâki 6:3 - Ŋ̀âla Kɔlɔ Maa Waai

³ Kɛrɛ̂e, ŋ̀úru saa-nuui ƃé ŋí, Mere ǹóŋ? Zĩi, Zosɛ, Zudasi, da Samaŋ dílîai? Ǹêɣe-nɛyaa-nɛyaai dífe kúkɔlɛ ma ƃɛ́ máŋ?” Dífe díyee seêni ŋɔsɛŋ lɛ́ɛi mu.

Mâki 6:3 ပူးပေါင်းရင်းမြစ်များ

Maafîu 12:46

Tãi è kɛ̀ niî lônoi la gbɔŋ pɔi, ǹee da ǹêɣe-ni dí pá dí kɛ̀ ƃò tɔɔ̂ni ŋínii ŋá díkɛ ŋ̀wɛli dí lóno bɔ.

Zɔ̂ŋ 6:42

Dí mò, dîyɛɛi, “Kɛrɛ̂e? Zîsɛ ƃe ŋi Zosɛ ǹóŋ, nyii ǹâŋ da ǹee ku gɔ́lɔŋ? A pɔ̂ri m̀ôi leŋ nâa, ‘Ŋá kùla Ɣâla-taa’?”

Zûu 1:1

Ńyãa Zûu, ŋ́gaa a Zîsɛ Kôrai yée-mu-nuu, ŋ́gɛ ƃo a Zĩi ǹêɣe, Diai Ɣâla è dítòli, nyíi-ŋai Ɣâla Nàŋ-nuui è díwɛli, nyíi-ŋai Ɣâla è díkɛ̀ naa Zîsɛ Kôrai mɛni mai.

Galesiɛŋ 1:19

Kɛ́lɛ, fé zia-ƃelai da kaa ni naa, fɛ̂ɛ nɔ́ Zĩi, nyíi kɛ̀ a Kúnuu-namui ǹêɣei.

Maafîu 11:6

Lûwa káa ǹúui ma ve pâi toôi pôlu ḿaa-mɛni mai.”

Zia-ƃelai Kɛ́-mɛni-ŋai 1:13

Dítɛɛ daai sui, bɛ́rɛi dí lɔ̀ mui, dí tɛ̀ ŋ̀elei-pere loŋpoi su. Nàa ƃe dí kɛ̀ naa. Diai kɛ̀ naai dia ƃa, Pitɛ, Zɔ̂ŋ, Zĩi, Aŋdulu, Fele, Tama, Batâlomio, Maafîu, Afîa ǹóŋ Zĩi, Zɛɛla-nuui Samaŋ da Zĩi ǹóŋ Zudasi.

Mâki 15:40

Nɛyâa da-ŋa dí kɛ̀ tɔɔ̂ni kwaa kôyaa ma díkɛ naa kàa. Mere Madalini è kɛ̀ dísama, da Mere nyii kɛ̀ a Zĩi-loŋ da Zosɛ díleei. Nɛnî da kpɛ́ni è kɛ̀ dísama máŋ. Ǹáa ƃé kɛ̀ a Salômi.

Kɔleŋtiɛŋ Maa-ŋuŋ 1:23

Kɛ́lɛ, kwa Kôrai kpamo mɛnii ƃo nyíi gáa a Zûu-ŋai perêi-kpáaŋ-sɛŋ, e ƃò a ƃoo-mɛni Zɛ̃tai-ŋai ŋɛi.

Zɔ̂ŋ 14:22

Zudasi (Sekaria fei) e mò ma, ǹyɛɛi, “Kúnuu-namui, gɛ-pere káa leŋ ya pâi íkpîŋ lɛ̂i la kûai, ífa nɛ̀ ǹɔii mai?”

Lûu 7:23

Lûwa káa ǹúui ma ve pâi toôi pôlu ḿaa-mɛni mai!”

Lûu 2:34

Simiɔŋ e lûwa tòo dîa, ǹyɛɛ ǹee Mere ma, “Gáa, ǹôloŋ ŋi seɛɛ̂i Eezuɛ-ŋai dámaa-ɣele too-mɛni da dímu siɣe-mɛni ma, gɛ ƃo ŋɔnɔ a ŋɛi-kɛ-maa nyii da pâi wóo nyɔ́mɔɔ ƃôi e pîlaŋ mai

Azaya 49:7

M̀ɛnii ŋí Yâwɛɛ, Eezuɛ ŋuŋ ma ƃó Ɣala Maa Waai, è mò ŋɔtíi kɛ́-nuui ma. Lɔii-ŋuŋ-ŋa su-ƃela dí díyee kùla ǹúui ŋí mu, dí tɔ́ɔ m̀a, gɛ́ ƃò a ǹúu láa túɛ-ƃelai yée mu nuu. È mò m̀a ǹyɛɛi, “Kâloŋ-ŋa da pâi íkâai íŋuŋ ma ƃóɔɔ, dí ŋumɛ mâa tɛɛ ípɔ. Ǹúu láa túɛ-ƃelai da pâi íkâai dí tóo íkɔɔ mu, dí ƃaa kɛ́ maa tɛ́ɛ ípɔ.” A pâi kɛ̂i tí, kpɛ́ni fêi, Eezuɛ Ŋɔɣâla Maa Waa tɔnɔi, a ziɣe zu a gɛ́ɛ é kɛ́ a ŋɔtíi kɛ́-nuu.

Pitɛ Maa-ŋuŋ 2:4

Ka pá ǹúui pɔ gáa a vúlu-laa kɔnii nyíi núu-kpune è ǹyée kùla mu, kɛ́lɛ, ǹɛ́lɛɛi Ɣâla ŋɛ́i, maa-mɛni kpanaŋɔɔi.

Kɔleŋtiɛŋ Maa-ŋuŋ 9:4

Ve a sɛŋ a gɛ́ɛ ku mii-sɛŋ sɔlɔ ƃó da kpele-sɛŋ?

Mâki 3:18

Aŋdulu, Fele, Batâlomio, Maafîu, Tama, Afîa ǹóŋ Zĩi, Tâadia, Samaŋ nyii kɛ̀ a ŋɔlɔii wɛ́liɛɛi da

Zia-ƃelai Kɛ́-mɛni-ŋai 12:17

Kɛ́lɛ, è ǹyée lɛ̀ dîa a gɛ́ɛ dí dímɛi sáa. È mò dîa berei Kúnuu-namui è gùla la gbini-pɛrɛi mui. Ǹyɛɛ dîai, “Ka lí ka mɛni-ŋai ŋí lɛ́ Zĩi ma da kúƃarâai.” Gɛ́ɛ tí è kùla naa é lí kwaa da kpɛ́ni ma.

Lûu 8:20

Nya ƃe dí mò ma, dîyɛɛi, “Ílee da ílêɣe-ni díkaa tɔɔ̂ni ŋini ŋá, da ŋ̀wɛ̂lii a gɛɛ dí íkaa.”