Kɛ́lɛ, dí ɣɛlɛ-maa kula Ɣâla ŋɔlóno-kɛ-ƃelai kponoi. Dífe díyee see ní ŋ́oo mu. Díkɛ ɣɛlɛ-maa kulâi ŋɔlóno-kɛ ƃelai kponôi é lɛɛ la zu Yâwɛɛ é ǹíi ŋwana dîa nyíi gula-maa fé kɛ ni ma.
Asa kɛ́ɛ a mɛnii ŋí mɛ́nii, è ǹíi ŋwàna kpɔ́ Ɣâla ŋɔlóno kɛ́-nuui ma a ŋ̀ánaa é bili kpini-pɛrɛ mu. Maa tãi tɔnɔi tí yée mu, Asa è ŋwana-lɔɔ tua kɛ̀ a ǹûai dámaa.
Ka mò dîa kâai, m̀ɛnii ká ŋí gâloŋ a m̀ôi, ‘Nyáŋkpai ŋí lɔ́ kpini-pɛrɛ mu. Ífe mii-sɛŋ da kpɛ́ni tɛ̀ɛ bɔ́ fɛ̂ɛ nɔ́ kpólo da yá é lɛ́ɛ la zu ŋá pene pôlu fúlu-laa lɛ́lɛɛ su.’ ”
È zu tòo ǹyɛɛi, “Ŋá Yâwɛɛ ŋ̀wála-wala kélee ɣalai maa mɛni sòŋ a gbanaŋɔɔ. Eezuɛ-ŋai da díyee kúla í kpanaŋ-wooi mu, da ŋâla-teƃele-ŋai wólo, ǹyaŋ da ílono kɛ́-ƃelai páa a ƃóa-sɔ̂kpɔ. Ńyãa tɔnɔ nɔ́ ƃé lɛ̀ɛ ǹyaŋ díkaa nâa kɔ̂i a gɛ́ɛ dí ḿbaa máŋ.”
È zu tòo, “Ŋá Yâwɛɛ, ŋ̀wála-wala kélee Ɣalai maa mɛni sòŋ a gbanaŋɔɔ. Eezuɛ-ŋai da díyee kúla í kpanaŋ-wooi mu, da íɣâla-teƃele-ŋai wólo da ílono kɛ́-ƃelai páa a ƃóa-sɔ̂kpɔ. Ńyãa tɔnɔ ƃé lɛ̀ɛ ǹyaŋ da kɔ̂i a gɛ́ɛ dí ḿbaa máŋ.”
Keena-nɛni tɔnɔ è kùla gbiniŋ tɔnɔi tí su é pá bɔ é wɔ́lɔ ma, ǹyɛɛi, “Malôŋ káa, Óo Kúnuu-namui, yái íkaa a Deeƃé Ǹóŋ. Nyînaŋ nyɔ́mɔɔ káa ńoŋ-nɛnîi pôlu a gbanaŋɔɔ.”
