Mâki 1:4 - Ŋ̀âla Kɔlɔ Maa Waai

⁴ Batâi Kɛ́-nuui Zɔ̂ŋ è pà vɛ̃ɛ-kpâlaŋ su é ɣâla-woo ƃó naa ǹûai dîa. È m̀o dîa ǹyɛɛi, “Ka kálii-pene ŋá kábatâi kɛ́ a gɛ́ɛ Ɣâla é kásu mɛni lɛɛ zɔnyɔ̂ŋ-ŋai ka gɛ̀i mɛni ma.”

Mâki 1:4 ပူးပေါင်းရင်းမြစ်များ

Maafîu 3:11

“Ŋa kábatâi kɛ̂i a yá lii-pene mɛni ma. Kɛ́lɛ, ǹúui nyíi gáa pâi ḿbôlui ŋɔwala-wala-laai tɛɛ̂i ŋ́ɔ̂i ma. Ḿaa fé nɛ̃ɛ ní a gɛ́ɛ ŋá ŋɔkpâŋ-kpalii siɣei. A pâi kábatâi kɛ̂i a M̀ɔlêŋ Maa Waai da ŋɔŋ.

Maafîu 3:6

Dí dísɔnyɔ̂ŋ-ŋai ƃò é díbatâi kɛ́ Zɔdiŋ Ya-Leei su.

Mâki 1:5

Nya ƃe Zuda-ƃelai da Zerusâlɛŋ-ƃelai kélee dí pà bɔ́. Dí dísɔnyɔ̂ŋ-ŋai ƃò m̀a, é díbatâi kɛ́ Zɔdiŋ Yai su.

Lûu 1:77

a gɛɛ í ƃálo-laa maa-tare tɛɛ ŋɔnûai pɔ dísɔnyɔ̂ŋ su-mɛni-lɛɛ sârai,

Zɔ̂ŋ 3:23

Zɔ̂ŋ ǹyaŋ e kɛ̀ batâi kɛ̂i Eenɔŋ, Saliŋ kɔlɛ ma. Kpɛ́ni fêi, yá támaa e kɛ̀ naa, ǹyaŋ ǹûai dí pà e díbatâi kɛ́.

Zia-ƃelai Kɛ́-mɛni-ŋai 10:37

Ká ŋ̀orɛ̂-wooi kɔ́lɔŋ nûa dí mò Zuda gwaa kéleei. Gɔ́ɔ è pìlaŋ Galalii Zɔ̂ŋ ŋɔɣâla-woo ƃóɔɔi é pîlaŋ batâi mɛni ma pôlu ma.

Zia-ƃelai Kɛ́-mɛni-ŋai 22:16

Lé ƃé ya maa kpɛnîi? Ímu siɣe dí íbatâi kɛ́ ísɔnyɔ̂ŋ é wáa yâ, í Kúnuu-namui láa tóli.’