Maka 4:4 - Ŋ̀âla Kɔlɔ Maa Waai

⁴ Da pâi liî díkpɔmɔ kpâlaŋ-ŋai ŋá tɛi-tɛi dí sée dífîi wuru-ŋai mu, ǹyaŋ yao fé pâi kɛ̂i díkɔlɔi. Ŋ̀wála-wâla kélee Yâwɛɛ ƃé mò tí.

Maka 4:4 ပူးပေါင်းရင်းမြစ်များ

Zɛkɛrâya 3:10

Maa ɣelei tí à sèri, núu tɛi-tɛi a pâi gɔlɛ-ma-ƃelai tôlii a gɛɛ dí lii nɛ̃̂ɛ kula ŋɔkpɔmɔ-kpâlaŋ ŋá da ŋɔfîi-wuruii mu.”

Kâloŋ Maa-ŋuŋ 4:25

Saloma kɛ́ɛ ɣele mai, Zuda da Eezuɛ lɔii dí kɛ̀ lii-see su, é síɣe kpîŋ Daŋ é tóo máŋ Bɛɛsiba. Ǹaa-ƃelai kélee dí kɛ̀ díkpɔɔi díkpɔmɔ kpâlaŋ-ŋai da dífîi kpalaŋ-ŋai ŋá lii-see su.

Izikiɛ 39:26

Tãi da pâi kɛ̂i la dílɔii sui núu da fa ŋɔ́nɔ dímaa yâo. Berei dí ƃâa kùla la dîa kpɛ́ni fêi dí ḿbɛlɛ̂i, m̀aa kîli fé ŋɔ́nɔ pâi toôi díkili-ŋá.

Azaya 1:20

Kɛ́lɛ kà wàla fáa ma, kà tɔɔ ḿâ, ka pâi saa tí-ti ƃôi. Ńyãa Yâwɛɛ ƃé mò tí.”

Azaya 54:14

Teniŋ-ƃô da tɔ̃yâ-laa da pâi gɛ̂i ká tɔɔ̂i é kpanaŋ. Núu da fé pâi ká lúanîi, kpaa máŋ é ká maa-yao. Mɛni mĩli-mĩliɛɛ da fé pâi kulâi káŋɛi é gɛ́ ká yao.

Izikiɛ 34:28

Lɔii-ŋuŋ da kélee fé ŋɔ́nɔ pâi pɛlɛ̂i dîa, kpaa máŋ fɛnɛ-sɛŋ da é ŋɔ́nɔ dí tá paa. Da pâi kɛ̂i a díŋuŋ ma ƃóɔɔ núu da fa ŋɔ́nɔ dí maa yâo.

Azaya 58:14

gɛ̀ ní, ka pâi lii-nɛ̃̂ɛ kulâi ńyãa Yâwɛɛ ńzarâi. Ŋa pâi gɛ̂i ŋ̀éniɛi gwaa kélee su-ƃelai díkɛ ƃaa kɛ́-maa tɛ̂ɛ kápɔ. Ǹɔii ŋá dɛ̀ɛ kánâŋ pɔlɔ-ŋai pɔ́i, ka pâi ŋ̀úlɔ kpelêi. Ńyãa Zeeka Ŋɔɣâlai ƃé m̀o tí.”

Azaya 40:5

À kɛ̀ tí, Yâwɛɛ ŋɔfólo-laai a pâi lɛ̂i, ǹyaŋ núu kélee a pâi gâai. Yâwɛɛ ǹyaa kpîŋ ƃé m̀o tí.”

Izikiɛ 38:11

Ya pâi gbɛtɛ̂i a gɛɛ íli íkɔ pɛ́lɛ ǹûai dîa nyii-ŋai díkaa lii sêe su dí taa-ŋai su nyii siɣãŋ fé tínaŋ ni dîa kpaa máŋ núu da fé naa é dí maa kɔ̃ɔi.

Izikiɛ 34:25

Ŋa pâi lii sêe kpanaŋ-woo kɛ̂i díyêei é dímɛi káa. Ŋa pâi díkulâi ǹɔɔ-fɛnɛ-sãa ŋwana-lɔ̂ɔ-ŋai yêei. Da pâi kɛ̂i ǹɔii su a lii-see. Da pâi kɛ̂i nyîi ǹɔɔi su sɛŋ da fa dí kɛ.

Azaya 26:16

Yâwɛɛ, ya ínûai kula maa kɛ̀. Da kɛ̀ kpîŋ maa mɛ̂ni kpɔ̂lui su, yá nɔ́ ƃé da kɛ̂ ífɛlîi.

Levetekɔ 26:6

“Ŋa pâi gɛ̂i lii-see kɛ́ ƃò káyêei ǹɔii su. Ŋa pâi vɛnɛ-sãa nyɔ́mɔɔ-ŋai kélee kpɛ̂i kákɛ̂i. Kɔ́ mɛni fé ŋɔ́nɔ pâi kɛ̂i ǹɔii su.

Zôo 11:19

Sɛŋ-da fé pâi ímaa yaôi. Núu támaa a pâi é ǹyée sée íŋɛi.

Wule-woo-ŋa 72:3

Tɔɔ ǹɔii é sí-sãa kpɛtɛ. É zí-sãai kpɛtɛ ǹûai díteniŋ ƃo-laai sârai.

Azaya 17:2

Fé pâi ǹɛɛ̂i naa Aroɛ taa-lee-ŋai da é lɛ́ɛ zu. Ŋa pâi naa kélee su-karâi. Naa a pâi lɛɛ̂i nɔ́ a taa-tulɛ-ŋa kɛ̂i. Núu da fé pâi wɔ́lɔ pɔrîi dímaa yaôi dí kúla naa.

Azaya 22:25

Nyíŋi à kɛ̀, m̀aa wûrui a pâi ɣâlei é tóo. Ǹyaŋ nyíŋi ƃé pâi kɛ̂i a mɛni kélee kpɛɛ ŋá. Ńyãa Yâwɛɛ ƃé mò tí.”

Azaya 36:16

Káfe káwoli tɔ̀ɔ Ɛsekaya ma. Asiria kaloŋ a m̀ôi kâa a gɛ́ɛ ká kúla daa-lêei su ká pá ká kákpîŋ tɛɛ bɔ́. Ka gɛ̀ tí, a pâi kákpɔɔi kwaa ma-ŋa tɛɛ̂i kápɔ kákɛ sí-sãa sì naa, kákɛ ŋ̀aa-nɛ̃ɛ kùla, kpele-ya lɛ́lɛɛ-ŋa kɛ́ ƃò káyêei gbèle mɛ̂ni ma.

Zɛlemaya 30:10

M̀ɛni ma, ŋánûa, káfe yào. Káai a Eezuɛ-ƃelai kálii fé kpɛ̃̀liŋ kákoi. Ŋa pâi káŋuŋ-maa ƃôi ká kúla ǹɔii kôyaai tí su, ǹɔii nyíi kákaa zu a kɔ-sôŋ-ŋai. Ka pâi lenêi pôlu kálɔii su kásee naa lii-see su. Ka pâi kɛ̂i a káŋuŋ maa ƃóɔɔ, núu da fé pâi ká maa yaôi.

Kâloŋ Maa-ŋuŋ 5:5

Yâwɛɛ è góno tèe ńâŋ Deeƃé yêei ǹyɛɛ m̀ai, ‘Íloŋ-surɔŋ nyíi ŋa pâi gɛ̂i a kâloŋ ípɔɔ ŋái, a pâi Ɣâla-pɛrɛ kɛ́tɛ tɔɔ̂i ḿî.’ M̀ɛni ma, ŋa nâa gbɛ̀tɛ ŋ́gili ŋá a gɛ́ɛ ŋá Ŋ̀âla-pɛrɛ Kɛ́tɛi tí tɔ́ɔ Yâwɛɛ Ŋáɣâlai fɛli mɛni ma.

Táre-woo-ŋa 3:25

Ífe yào a gɛɛ mɛni kpɔ̂lu a pâi kulâi yâ ítɛ̂i-pere, kpaa máŋ í yao m̀ɛni kpɔ̂lui mâ a lâa ŋ̀wana-lɔ̂ɔ-ƃelai dîai.

Azaya 32:17

Mɛi-kâa laa lɛ́lɛɛ mɛni da lii-sêe da pâi kɛ̂i ǹɔii su. A pâi kɛ̂i tí, kpɛ́ni fêi, nûa da pâi kɛ̂i tɔ̃yâ da teniŋ-ƃô mɛni-ŋa kɛ̂i a díkîe-ni.

Zɛlemaya 23:4

Ŋa pâi dímɛi-ƃela seêi a gɛɛ dí dímɛi káa. Ŋánûai dífe ŋɔ́nɔ pâi yaôi, kpaa máŋ núu-da é dímaa yáo. Dí tɔnɔ kpîŋ da vé pâi lánîi. Ńyãa Yâwɛɛ ƃé mò tí.”

Maka 5:3

Yâwɛɛ a pâi Eezuɛ-ŋai lɛɛ̂i luɛ-laa su é lɛ́ɛ la zu ǹɛnîi é ǹóŋ-surɔŋ maa sɔlɔ ƃó. Gɛ̀ ní ǹîa-ni nyii ŋai luɛ-laa sui, da pâi lenêi pôlu dí sée Eezuɛ lɔii su.

Zɛfɛnâya 3:13

Diai lɛ̀ɛ pôlu Eezuɛi, dífe pâi mɛni nyɔ́mɔɔ kɛ̂i, dífe pâi lɛ́ɛ kɛ̂i, dífe pâi lɛ́ɛ kɛ̂i kpaa máŋ núu-pɛlɛ-wôo é kúla díla. Da pâi dílaa miî dí nyíi, sɛŋ da fé pâi dímaa yaôi.”