Maka 2:3 - Ŋ̀âla Kɔlɔ Maa Waai

³ M̀ɛni ma, Yâwɛɛ è mò ǹyɛɛi, “Ka gáa, ńdɔɔ̂i kâa. Ŋa mɛni nyɔ́mɔɔ kpɛtɛ̂i kámɛni ma nyii káŋuŋ fé pâi kulâi zui. Káfe pâi ŋɔ́nɔ siâi a yoŋka-pere kpɛ́ni fêi, a pâi kɛ̂i a mɛni kpɔ̂lu ɣele.

Maka 2:3 ပူးပေါင်းရင်းမြစ်များ

Azaya 29:20

Diai da nûa maa yâo díkɛ sãa kùla díyêei, da pâi lânii. Diai da ɣɛ́lɛ maa kûla Ɣâla kponôi, díŋuŋ lá a pâi pilîi. M̀ɛni nyɔ́mɔɔ kɛ́-ƃelai kélee su a pâi karâai.

Azaya 3:16

Yâwɛɛ è m̀o ǹyɛɛi, “Zerusâlɛŋ nɛyãai yoŋkai. Da kɛ̀ siâi, da dí díkoôŋ tɔ̀ɔ dîa, díŋɛi piliɛɛ ɣelêi. Da kɛ̀ siâi, dígôo yɔlɛ-ŋai da kɛ̂ díkɔɔ kɔŋna, díyee kaƃaa dípôlu pere, dí kɛ́ ŋɛ́i gbana pìli.

Azaya 5:19

Da kɛ̂ môi dîyɛɛ, “Tɔɔ Eezuɛ Ŋɔɣâlai é m̀ɛnii kɛ́ wɛ̂ a maa félaa. Tɔɔ é ŋɔkono-teei ŋàa-see kɛ́ wɛ̂ a maa félaa a gɛɛ kú nàa káa kúa kpîŋ. Tɔɔ Eezuɛ Ŋɔɣâla Maa Waai é ŋɔmɛni kpɛtɛɛi ŋàa sèe kɛ́. Tɔɔ kú m̀ɛni káa gáa gíli-ŋai.”

Zɛlemaya 18:11

Mó Zuda da Zerusâlɛŋ-ƃelai dîa a gɛɛ ŋ́gaa mɛni kpɛtɛ̂i a gɛɛ ŋá dí kula maa kɛ́, ŋá mɛni kpɔ̂lu láa dîa. M̀ó dîa a gɛɛ dí kpéra zɔnyɔ̂ŋ tùa-ŋai kɛ̂i dí dítua-pere-ŋai pɛ́ŋ-pɛlɛ.

Zɛlemaya 27:12

Ŋá m̀ɛni tɔ̂nɔi ŋí ƃò Zuda kaloŋ Zɛdikaya ma ńyɛɛ mai, “Íkpîŋ kɛ́ a Babelɔŋ kaloŋ yée-mu nuu, íkɛ tíi kɛ̀ mì, gɛ̀ ní ya pâi lɛɛ̂i ɣele ma.

Zɛlemaya 34:17

M̀ɛni ma, ńyãa Yâwɛɛ ŋá mò a gɛɛ ká ŋ́oo pìli. Káfe káƃarâa Eezuɛ-ŋai ŋuŋ-ma ƃó ní. Mɛni lɛ́lɛɛ ká tí. Gɛ̀ ní ŋa pâi ŋuŋ-ma ƃo tɛɛ̂i kápɔ. A pâi kɛ̂i a ŋuŋ-ma ƃô nyíi pâi gɛ̂i kálɛɛ kɔ́ su, kɔlɔ-fela é káta-ŋa paa kpaa puru. Ŋa pâi gɛ̂i ǹɔii ŋuŋ-ŋai díkaa ŋ̀éniɛi sui díla é kpála dîa m̀ɛni-ŋai ŋa pâi gɛ̂i a káai mɛni ma.

Zɛlemaya 36:23

Zeudi a kâa gɔlɔi gbua da lòno nɔ́, gâloŋ é ǹaa tée mà a ŋɔƃóa-loŋ é bili ŋɔŋ ŋá. È lɛ̀ɛ kpɔ́ gɛ̂i tí é lɛ́ɛ la zu é gɔlɔi kélee kpɔ́ kéreŋ kpái.

Zɛlemaya 43:2

Ǹaa kɛ́ɛ tíi, Osaya ǹóŋ Azaria, Zoanaŋ nyíi kɛ̀ a Karia ǹóŋ da ŋ̀ɛi tɛ̂-sinaai dí mò ḿâ dîyɛɛi, “Íkaa lɛ́ɛ kɛ̂i. Kúɣâlai Yâwɛɛ fé ítɛɛ ní a gɛɛ í m̀ó kûa a gɛɛ kúfe lì Ize lɔii su.

Zɛlemaya 8:3

Ǹúu kpului nyíi pâi lɛɛ̂i ŋ̀wana lɔ̂ɔ nuu-suui nyíi-ŋai ŋá díkùla ƃɛ́i pɔ́ɔ ŋái, a pâi kɛ̂i ŋ̀wɛ̂lii é sáa é tɛ́ɛ la gɛɛ ɣele ma m̀a. Ńyãai ŋ́gaa a Ŋ̀wála-wâla kélee Yâwɛɛi, ńyãa ƃé mò tí.”

Zerusâlɛŋ Karáa Maa Wɔ̂lɔ-wooi 1:14

“A ŋásɔnyɔ̂ŋ kélee kpɛtɛ yɛ̂ɛ yɔlɛ a gbíniŋ a ŋ́gɔŋ. Ǹyɔlɛi ŋí ŋɔwuyɛ a kɔlɔ kpɛɛ̂i ḿâ. Ǹuu-namui a ńdɛɛ diai pɔ́ díyee tɛɛ̂i ḿâi.

Zerusâlɛŋ Karáa Maa Wɔ̂lɔ-wooi 2:17

M̀ɛnii Yâwɛɛ è gbɛ̀tɛi, aâ gɛ́. Aâ ŋ̀óoi ŋ̀aa-see kɛ́ nyii è m̀aa kôno-tee kɛ̀ kóraŋ támaa tɛɛ pôlu mai. È ísu kàra, vé íŋɛi malôŋ káa ní. È gɛ̀ íkpɔara-ƃelai dí íyee mɛi ɣále, dí sée ímɛi.

Zerusâlɛŋ Karáa Maa Wɔ̂lɔ-wooi 5:5

Kúkpɔara-ƃelai dí káa kúkpɛ̂i a gbanaŋɔɔ. Kɔlɔ a kpɛɛ kûa kɛ́lɛ dífa ǹɛɛ naa kú kúfii tɔ́ɔ.

Danîa 4:37

“Mɛni ma, ńyãa Nɛbukinaza, ŋa ŋ̀elei su Kaloŋ láa ma tɛ̂i a ŋ̀ánaa, ŋ́gɛ ŋɔkɛ́tɛ-laai mɛ̂ni ƃò a gbanaŋɔɔ. Ŋa gɛ̂i tí, kpɛ́ni fɛ̂i, dûa-pere kélee lɛ̂lɛɛi gɛ́ mɛni kélee kɛ̀ a tɔ̃yâ-pere. Ǹyaŋ ǹúui kélee a gbîŋ su-mɛni kɛ̀tɛi, a maa-nuui ŋáa yèŋ.”

Emɔ 2:14

Pere fé pâi kɛ̂i kɔɔ-maa fêla-nuu yêei é pú, ŋ̀wála-wâla-nuui ŋɔwála-wâlai a pâi kɛ̂i kpɛ́ni-kpɛni, ŋ̀wála-wâla-nuui fé pâi gbîŋ ŋuŋ ma ƃôi.

Emɔ 3:1

Eezuɛ-lonii, ka káwoli tɔ́ɔ ŋ̀óoi ma ŋa môi a kaláai, nyii ŋa môi a kásuu kélee láa, nyii ŋá gùla Ize lɔii sui:

Emɔ 3:2

“Káa nɔ ƃe ŋá kálɛ ǹɔii-ŋûŋ-ŋai kélee sama. M̀ɛni ma ŋa pâi tɔ̂ŋ kpɛ́i kâa kásɔnyɔ̂ŋ-ŋai kélee mɛni ma.

Emɔ 5:13

M̀ɛni ma, ǹúui dáreɛɛ̂i a mɛi sâa a tãi tarei tí, kpɛ́ni fêi, gáa a tãi nyɔ́mɔɔ.

Maka 2:1

Mɛni kpɔ̂lu a pâi lâai kâa káai ka lâa kágbìŋ-ŋai ŋá a kpíni ká mɛni nyɔ́mɔ kpɛ̀tɛ é pîlaŋ káƃarâai dîa, ɣele a ƃɔ̀ ká gɛ́ a dia, kpɛ́ni fêi maa wala-wala-laa káa káyêei.

Lomaŋ 16:4

nyíi-ŋai dílɛ̂wo sèe a sɛɣɛ ŋáfulu-laai mɛni mai. Ńyãa tɔnɔ nɔ́ fa sɛɣɛi-fei tɛ̀ɛ dípɔ, kɛ́lɛ, Zɛ̃tai-ŋai Díkôrai-toli-kpɔŋ-ŋai kélee máŋ da sɛɣɛi-fei tɛ̀ɛ dípɔ.

Ifisiɛŋ 5:16

Tãi gáa káyêeii ka tíi kɛ́ la a gbanaŋɔɔ. Kpɛ́ni fêi, ŋele-ŋai díkaa a sɔnyɔ̂ŋ-ɣele-ŋa.

Dutɛrɔnome 28:48

Mɛni ma, puru, kpele wɛ̂li, seɣe saa maa da kolo-laa su kɛ́tɛ da pâi kɛ̂i nɔ́ kâa. Ka pâi tíi kɛ̂i kákpɔara-ƃelai yée mu. Da pâi yɔlɔ toôi kákɔŋ ma é lɛ́ɛ la zu ká sáa kpɔ́ kúŋ.

Zĩi 2:13

Kpɛ́ni fêi, maloŋ-kaa fé mɛni-ŋa-teɛɛ su diai mɛni ma dífa maloŋ-kaa kɛ̀i. Kɛ́lɛ, maloŋ-kaa a mɛni-ŋa-teɛɛ yée mɛi ɣàle.