Maafîu 7:7 - Ŋ̀âla Kɔlɔ Maa Waai

⁷ “Ka sãa maa mare-kɛɛ kɛ́, da pâi dɛɛ̂i kápɔ. Ka sãa kɔ́ri, ka pâi zɔlɔ ƃôi. Ka gbôŋ túa, da pâi ǹá ƃôi kâa.

Maafîu 7:7 ပူးပေါင်းရင်းမြစ်များ

Maafîu 21:22

Ǹyaŋ sɛŋ kélee ka mare-kɛɛ kɛ̀ Ɣâla-fɛliɛɛ sui, à kɛ̀ laa-la káa káyêei, ka pâi zɔlɔ ƃôi.”

Zɔ̂ŋ Maa-ŋuŋ 3:22

Ǹyaŋ zɛŋ kélee kwa vɛli mài, kwa zɔlɔ ƃô ǹyêei, kpɛ́ni fêi, kwa ŋɔtɔ̂ŋ-ŋai mɛi kâa, kúkɛ ǹíi-láa-mɛni kɛ̀.

Zɔ̂ŋ 15:7

Kà kɛ̀ ŋ́gbonôi, ŋ́oo-ŋai kɛ́ ƃò kákponôi, sɛŋ kélee kamare-kɛ̂ɛ kɛ̀ nyii gáa kákili ŋái, a pâi kɛ̂i kámɛni ma.

Mâki 11:24

M̀ɛni ma, ŋá m̀ó kâa, nyii kélee ka Ɣâla fɛ̀li m̀ɛni ma, kà zìɣe a tɔ̃yâ a gɛ́ɛ ka pâi zɔlɔ ƃôi, a pâi kɛ̂i káyêei.

Zɛlemaya 33:3

“Ńdoli a tãi kélee, ǹyaŋ à kɛ̀ tí, ŋa pâi íwoo su toôi. Ŋa pâi loo mɛni kpaya-kpaya-ŋa ƃôi yâ nyíi-ŋai ífe mɛni da kɔ́lɔŋ é pîlaŋ dîai.

Maafîu 6:33

Kɛ́lɛ, ka ŋɔkâloŋ-laai kɔ́ri da ŋɔtɔ̃yâ-laai fulɔi. À kɛ̀ ti, gɛ̀ ní, zãâi ŋí kélee a pâi kɛ̂i a kápɔɔ.

Maafîu 7:8

Kpɛ́ni fêi, ǹúui kélee a sɛŋ fɛ̂lii, a pâi zɔlɔ ƃôi. Ǹúui a sɛŋ kɔ̂rii, a pâi gáâi. Ǹúui a gbôŋ tuai, da pâi ǹá ƃôi mì.

Zɔ̂ŋ 15:16

Káfe ńziɣe ni. Kɛ́lɛ, ŋá kásìɣe ŋá kálɛ a gɛɛ ká lí ká ƃa a gɛɛ ǹyaŋ káƃa é lɛ́ɛ. A gɛɛ sɛŋ kélee ka m̀are-kɛ̂ɛ kɛ̀ Nàŋ-nuui ma ńaai sui é dɛɛ kápɔ.

Ibulu 11:6

Núu fa pɔ̂ri Ɣâla líi lâai laa-la ŋ́ɛi pôlu. Kpɛ́ni fêi, ǹúui ŋ̀wɛ̂lii é lɛ́ɣɛ Ɣâla kɔlɛi, fɛ̂ɛ é láa la a gɛɛ Ɣâla káa ɣele ma a gɛɛ é diai líi laa da gɔ̀rii.

Táre-woo-ŋa 8:17

Diai ŋ́wɛlinii, ŋá díwɛli-ni, diai da ŋ́gɔ̂rii, da ŋ́gâa.

Wule-woo-ŋa 10:17

Óo Yâwɛɛ, ya pâi íwoli tɔɔ̂i diai sɛŋ da fé díyêei díɣâla fɛli wooi ma. Ya pâi kili kɛ-zu tɛɛ̂i dípɔ.

Zɔ̂ŋ 4:10

Zîsɛ è ŋ̀óo su tòo, ǹyɛɛi, “Iî kɛ̀ a Ɣâla ŋɔsama-sɛŋ kɔlɔŋɔɔ, da ǹúui gáa môi yâi, ‘Yá tɛ́ɛ ḿbɔ ŋá gbélei,’ iî pɔ̂ri m̀are kɛ̂i, ǹyaŋ eêi pɔ̂ri fulu-laa ya tɛɛ̂i ípɔ.”

Maafîu 18:19

“Ŋa ŋɔnɔ mò kâa, à kɛ̀ núu feerɛ da fàa ma kásama ŋ̀éniɛi ŋí su é pîlaŋ la sɛŋ nyii kélee ma da ŋ̀wɛ̂lii dí Ɣâla fɛli mɛni mai, Ŋáɣâla-taa Naŋ a pâi dɛɛ̂i dípɔ.

Emɔ 5:4

Ɣâla Yâwɛɛ è mò Eezuɛ-ƃelai dîa ǹyɛɛi, “Ka ŋ́gɔri ká kɛ́ ɣele ma.

Zĩi 5:15

Laa-la Ɣala-fɛliɛ a pâi gɔlɔ-fela-nuui ƃálôi, Kúnuu-namui é m̀u siɣe. Ǹyaŋ à kɛ̀ sɔnyɔ̂ŋ káa ma, ŋɔsɔnyɔ̂ŋ su-mɛni a pâi lɛɛ̂i.

Wule-woo-ŋa 27:8

Tãi í m̀o la ńyɛ̂ɛi, “Pá í ḿvɛlîi,” ŋá íwoo su tòo ńyɛ̂ɛi, “Yâwɛɛ ŋa pâi pâi.

Lûu 18:1

Nya ƃe e sáŋ sɔ̀ɔ dîa, e ǹɛ dîa a gɛɛ fɛ̂ɛ nûa dí kɛ̀ Ɣâla fɛlîi a tãi kélee, dífii fé kpɛɛ.

Maafîu 7:11

À kɛ̀ káai kákaa a sɔnyɔ̂ŋ-ƃelai ka sama-sãa lɛ́lɛɛ-ŋa tɛɛ-pere kɔ́lɔŋ kálônii pɔ́, Káɣâla-taa Naŋ fa pɔ̂ri sama-sãa lɛ́lɛɛ-ŋa tɛɛ̂i diai vɛ̀lii dípɔ é tɛ́ɛ nyíti ma?

Wule-woo-ŋa 50:15

Tãi kélee ka kɛ̂ la mɛni kpɔ̂lu sui, ka ńdoli. Ŋa pâi ká ŋuŋ maa ƃôi. À kɛ̀ tí, ka pâi ńaa maa tɛ̂i.”

Wule-ŋa Kélee Mɛi Wûle 3:2

Ŋá ḿù sìɣe a maa félaa ŋá lí daa-lêei su, bere-lêe-ŋai ma da bere tãɣaŋ-ŋai lá ŋ́gɛ ŋá wɛli kɛ́-maa nûui kɔ̂ri. Ŋa gɔ̀ri, kɛ́lɛ fa gàa.

Lomaŋ 2:7

Diai da mɛni lɛ́lɛɛ kɛ̀ a lii-kpele díkɛ folo-laa kɔ̀ri, ƃaa kɛ́-maa, da wɔ́lɔ-wɔlɔ fulu-laai, Ɣâla a pâi wɔ́lɔ-wɔlɔ fulu-laa tɛɛ̂i dípɔ.

Wule-woo-ŋa 119:12

Ŋà ílaa maa tɛ́, óo Yâwɛɛ, ítɔ̂ŋ-ŋai lɛ́ ḿâ.

Wule-woo-ŋa 86:5

Í sɔŋ lɛ̂lɛɛi, íkɛ kúsɔnyɔ̂ŋ su mɛni lɛ̀ɛ. Íwɛ̂li-kɛ-maai káa naa diai da ífɛ̀lii, dí mɛni ma.

Wule-woo-ŋa 70:4

Tɔɔ diai da pâ ípɔi, í lii-see tɛɛ dípɔ díkɛ koi-nɛ̃ɛ kùla. Tɔɔ diai kélee yâ díƃalôi, díkɛ sɛɣɛ fêi tɛɛ̂i ípɔ m̀ɛni ma, díkɛ m̀o dîyɛɛi, “Yâwɛɛ kɛ̂tɛi.”

Wule-woo-ŋa 69:32

Tɔɔ diai mɔ̃lɛi, da naa kàa dílii é nɛ̃ɛ, diai tíi kɛ̂i Ɣâla mii dílii é kúla.

Kâloŋ Maa-ŋuŋ 3:5

Kpíni tɔnɔ da Yâwɛɛ Ɣâla è pà Saloma pɔ́ Gibiyɔŋ seêi-pere. Ɣâla è mò mà ǹyɛɛi, “Sɛŋ nyíi kélee ya ŋ̀wɛ̂lii, maa mare-kɛɛ kɛ́ mâ, ŋa pâi gɛ̂i yɛ̂.”

Wule-woo-ŋa 10:4

Dísu-mɛni kɛ̂tɛi. Dífe kpáaŋ ní Yâwɛɛ mɛni ma. Da kɛ̀ m̀ôi dîyɛɛi, “Ɣâla fé ɣele ma.”

Lomaŋ 3:11

Núu da fé ŋɔ́nɔ mɛni ŋá kâai kpaa máŋ é Ɣâla kɔ́ri.

Lûu 13:25

Tãi bɛ́rɛi ǹâmu a mu siɣe la e gbôŋ lá tɛi, ka pâi kɛ̂i tɔɔ ni ŋinii ŋá, kakɛ gbôŋ tua, kakɛ mo kâai, ‘Kúnuu-namui, bɛ́rɛi lá ƃó kûɛ.’ Kɛ́lɛ, a pâi m̀ôi, ǹyɛɛi, ‘Fe ƃɛi kɔ́lɔŋ ka kulâi naai.’

Wule-woo-ŋa 34:4

Ŋá Yâwɛɛ fɛ̀li, ǹyaŋ è ŋ́oo su tòo. È gɛ̀ ǹyaoi kélee é kúla ŋ́gbonôi.

Wule-woo-ŋa 37:4

Yâwɛɛ wɛ́li. Zãai ǹɛ̂lɛɛi ímɛni mai, a pâi dɛɛ̂i ípɔ.

Azaya 30:19

Káai a Zerusâlɛŋ-ƃelai, káfe pâi wɔ́lɔ ŋɔ́nɔ wɔ̂lɔi. Yâwɛɛ káa a maloŋ-kâa Ɣâla. Kà wɔ̀lɔ m̀a, a pâi káŋa nɛnɛ̂i.

Zɛnɛse 26:32

Maa ɣele tɔnɔi tí Aise yée mu-ƃelai dí pà dí ǹya-loai mɛni ƃó mà nyii dí dèei. Dí mò ma dîyɛɛi, “Kwaâ yá káa.”