Maafîu 7:3 - Ŋ̀âla Kɔlɔ Maa Waai

³ Le ƃe kɛ̀ ya ŋ̀úru-kalaŋ pɛlɛ-pɛlɛɛi kɔ̀ri la íƃarâŋ-nuui ŋ́ɛi-gao ma, kɛ́lɛ, ífa ŋ̀úru-kponoi kàa yá kpîŋ íŋɛi-gao mai?

Maafîu 7:3 ပူးပေါင်းရင်းမြစ်များ

Maafîu 7:4

Kpaa máŋ ya pɔ̂ri m̀ôi leŋ íƃarâŋ-nuui ma, ‘Tɔɔ ŋá ŋ̀úru-kalaŋ pɛlɛ-pɛlɛɛi kúla íŋɛi-gao ma,’ à kɛ̀ ífa ŋ̀úru-kponoi kâa íwɔ̂ ŋɛi-gao mai?

Maafîu 7:5

Kíri-nuu, ŋ̀úru-kponoi kúla íŋɛi fulɔi, gɛ̀ ní, ya pâi kwaa kâai a zu ponoɔɔ a gɛɛ í ŋ̀úru-kalaŋ pɛlɛ-pɛlɛɛi kula íƃarâŋ-nuui ŋ́ɛi.

Lûu 18:11

Faresii-nuui e tɔ̀ɔ e Ɣâla fɛli nɔ ŋi ǹyaa tɔnɔ, ‘Ɣâla, ŋa ísɛɣɛ̂i fé a gɛɛ fé yɛ̂ɛ ḿarâai kélee nyii-ŋai díkaa a gɔ̃liŋ-tɔɔ-ƃelai, ŋôya-ƃelai, wulu-wulu-kɛ-ƃelai, fulɔi máŋ yɛ̂ɛ ŋuŋ-fela-féi kula-nuui ŋi.

Lomaŋ 2:1

M̀ɛni ma, yái íkaa a núu-kpunei, káfalo da kélee fé íyeêi núu da kpɛ́ni ŋɔmɛni ŋá tée mɛni ma, a nɛ̃ɛ ma kpîŋ íkɛ a gbɛ̂ɛ. Yà kɛ̀ núu da kpɛni ŋɔmɛnii ŋa teêi íkaa mɛni lɛɛ̂i íkpîŋ yâ, kpɛ́ni fêi, yái íkaa a mɛni ŋá-tee-nuui íkaa mɛni tɔnɔi tí kɛ̂i.

Galesiɛŋ 6:1

Ŋánûa, à kɛ̀ máŋ kà núu da kàa gɛ mɛni nyɔ́mɔɔ kɛ̀, káai M̀ɔlêŋ káa kákponôi ka pá a maa-nuui tí pôlu a pere lɛ́lɛɛ. Ka gɔ́lɔŋ a gɛ́ɛ ɣele da ka pâi pilîi yee-laa-maa su káa máŋ.