Maafîu 5:4 - Ŋ̀âla Kɔlɔ Maa Waai

⁴ Lûwa káa diai dîa da wɔ́lɔ̂i, kpɛ́ni fêi, da pâi díŋa nɛnɛ̂i.

Maafîu 5:4 ပူးပေါင်းရင်းမြစ်များ

Azaya 12:1

Ya pâi wule toôi Yâwɛɛ ma a ɣele da yɛ̂ɛ m̀ai, “Yâwɛɛ, ŋa sɛɣɛ-fêi tɛɛ̂i ípɔ, kpɛ́ni fêi ílii fé ŋɔ́nɔ ŋwána ní ḿâ, ya ŋ́aa nɛnɛ.

Azaya 25:8

Ǹuu-namui Yâwɛɛ a pâi saa su-karâi. A pâi gɛ̂i núu da fa ŋɔ́nɔ wɔ̀lɔ. A pâi mɛni-sôli mɛni kélee kperâi ŋ̀éniɛi su. Yâwɛɛ ǹyaa kpîŋ ƃé m̀ɛnii ŋí ƃò a gɛɛ a pâi kɛ̂i.

Azaya 30:19

Káai a Zerusâlɛŋ-ƃelai, káfe pâi wɔ́lɔ ŋɔ́nɔ wɔ̂lɔi. Yâwɛɛ káa a maloŋ-kâa Ɣâla. Kà wɔ̀lɔ m̀a, a pâi káŋa nɛnɛ̂i.

Azaya 35:10

Da pâi tɛ̂i Zerusâlɛŋ a lii-nɛ̃ɛ su-kɛ́tɛ. Da pâi kɛ̂i wule-ŋa toôi, díkɛ lâɣi a lii-nɛ̃ɛ pere. Da pâi kɛ̂i lii-nɛ̃ɛ kulâi wɔ́lɔ-wɔlɔ da wɔlɔ-wɔlɔ. Maloŋ tôo-maa da lii-too pôlu fé ŋɔ́nɔ pâi wɔ́lɔ kɛ̂i dîa.

Azaya 57:18

“Ŋá dítûa-pere-ŋai maa kpɛ̂ɛ, kɛ́lɛ ŋa pâi díƃalôi. Ŋa pâi díteniŋ tɔɔ̂i, ŋá kpɔ́ŋ dîa. Diai malôŋ see ƃôi díkɛ wɔ̂lɔi, ŋa pâi díŋa-nɛnɛ̂i.

Azaya 66:10

Ka Zerusâlɛŋ ka lii-nɛ̃ɛ kula káai daa-lêei ŋí wɛ́linii, ka lii-nɛ̃ɛ kula m̀ɛni ma! Ka lii-nɛ̃ɛ kula ka dîa-ni loníi ma, káai kélee kɛ̀ m̀aa malôŋ see-ƃôi!

Azaya 66:2

Ńyãa ƃé ŋ̀éniɛi ŋí kélee kpɛ̀tɛ. Gélee káa a ḿbɔɔ. Diai ŋa pâi dímɛi kâai, dia ƃa diai dímaa yeŋɔ̂ɔi, da dípôlu tɔ̀ɔ dísɔnyɔ̂ŋ mai, díkɛ yào ḿâi, da diai da ŋ́oo mɛnii.”

Izikiɛ 7:16

À kɛ̀ tí, diai pâi pui dí liî, da pâi kɛ̂i ǹyée-ŋai mâ díkɛ wɔ́lɔ dísɔnyɔ̂ŋ-ŋai mɛ̂ni ma yɛ̂ɛ toloŋ-ŋa ƃe fâai ǹyée-ŋai tôŋ su.

Izikiɛ 9:4

Yâwɛɛ è mò m̀a ǹyɛɛi, “Lí Zerusâlɛŋ taa-leei su gwaa kélee í pɔɔ kɛ́ ǹûai tôŋ-la nyii-ŋai dílii toɔ̂ɔi pôlu díkɛ wɔ́lɔ kpɛ́ni fêi da m̀ɛni nyɔmɔɔ sãŋ ŋí kɛ́ daa-leei sui.”

Zɛkɛrâya 12:10

“Ǹyaŋ ŋa pâi Deeƃé ŋɔpɛ́rɛi mu-ƃelai da Zerusâlɛŋ-ƃelai láa fɛ̂ɛi a maloŋ-kâa-mɔleŋ da Ɣâla fɛliɛ, a gɛɛ da núu kàa nyii da bàai, dí wɔ́lɔ mɛni ma yɛ̂ɛ berei núu a wɔ̂lɔ la ŋɔlóŋ tɔnɔ kpéŋ saa mɛni ma, dí gbêɣei tóo mɛni ma yɛ̂ɛ berei núu a wɔ̂lɔ la ǹóŋ-surɔŋ maa-ŋuŋ saa mɛ̂ni mai.

Lûu 16:25

Kɛ́lɛ, Eberaɣɛ̃ɛ e mò ma, ǹyɛɛi, ‘Ńôŋ, nàa é lɛ́ɛ íkili ŋá tãi í kɛ̀ la a ífului, íkɛ ísɛŋ lɛ́lɛɛ sɔlɔ ƃôi, bere tɔnɔi tí nɔ́ ƃe Lâzara è kɛ̀ sɛŋ nyɔ́mɔɔ sɔlɔ ƃôi la. Kɛ́lɛ, loníi ma gáa ŋá-nɛnɛ sɔlɔ ƃôi ƃɛ, yáŋ íkaa mɛni-kpɔ̂lu su.

Lûu 6:21

Lûwa káa kâa, káai puru a kákɛ̂i loníi mai, kpɛ́ni fêi, ka pâi pelâi. Lûwa káa kâa, káai wɔ́lɔ̂i loníi mai, kpɛ́ni fêi, ka pâi ɣɛ́lɛ̂i.

Lûu 6:25

Kpalo ƃélaâi kâa, káai kápelaâi loníi mai, kpɛ́ni fêi, puru a pâi kákɛ̂i. Kpalo ƃélaâi kâa, káai ɣɛ́lɛ̂i loníi mai, kpɛ́ni fêi, ka pâi gbêɣei toôi, ka wɔlɔ.

Lûu 7:38

Gɛɛ kɛ̀ tɔɔ̂ni gɔ́ɔ pôlu-pere, gɛ wɔlɔi, è pɛ̀lɛ gɔ́ɔ ma yɔɔ̂i a ŋ̀ɛi-ya, gɛ dímaa kɔ̂ɔ a ŋ̀uŋ-leɣa. È ǹá-gbɔ sèe gɔ́ɔ ma, é ŋ̀úru-ya kúŋ nɛ̃ɛi pú gɔ́ɔ ma.

Lûu 7:50

Kɛ́lɛ, e mò nɛnîi ma, ǹyɛɛi, “Ílaa-lai a íƃalo. Lí yɛ̂ lii-sêe su.”

Zĩi 1:12

Lûwa káa ǹúui ma a ǹíi kpèle su-kɔɔ̂ŋ yêei, kpɛ́ni fêi, à tɔ̀ɔ zu-kɔɔ̂ŋ tí su, gɛ̀ ní a pâi fulu-laa ŋɔkâloŋ-ƃɔrɔi sɔlɔ ƃôi, nyíi Ɣâla a góno tée la diai yêei dí ŋ̀wɛli nii.

M̀ɛni-lɛɛi 21:4

A pâi díŋɛi-ya kélee kɔ́ɔ̂i díŋɛi. Saa-mɛni fé ŋɔ́nɔ pâi kɛ̂i naa. Maloŋ-see-ƃoɔɔ fé ŋɔ́nɔ pâi kɛ̂i naa. Kpaa máŋ wɔ́lɔ, kpaa máŋ mɛni-soli. Kpɛ́ni fêi, m̀ɛni pɔlɔ-ŋai da nâa tɛ̀ɛ.”