Maafîu 10:2 - Ŋ̀âla Kɔlɔ Maa Waai

² Ǹyaŋ ŋɔpôlu-ƃela puu kao feerɛi láa ka ŋí: Maa-ŋuŋ ƃa Samaŋ, nyii da kɛ̂ ma Pitɛi, ǹêɣe Aŋdulu, Zɛƃɛdi ǹóŋ Zĩi da ǹêɣe Zɔ̂ŋ,

Maafîu 10:2 ပူးပေါင်းရင်းမြစ်များ

Zia-ƃelai Kɛ́-mɛni-ŋai 1:13

Dítɛɛ daai sui, bɛ́rɛi dí lɔ̀ mui, dí tɛ̀ ŋ̀elei-pere loŋpoi su. Nàa ƃe dí kɛ̀ naa. Diai kɛ̀ naai dia ƃa, Pitɛ, Zɔ̂ŋ, Zĩi, Aŋdulu, Fele, Tama, Batâlomio, Maafîu, Afîa ǹóŋ Zĩi, Zɛɛla-nuui Samaŋ da Zĩi ǹóŋ Zudasi.

Maafîu 4:21

Tãi è tɛ̀ɛ la naai, è Zɛƃɛdi ǹóŋ Zĩi kàa da ǹêɣe Zɔ̂ŋ, da dínâŋ Zɛƃɛdi-ni dí kɛ̀ dí-deɣaŋ sɔ̀lɔ géleŋ su. Nya ƃe è dítòli.

Zɔ̂ŋ 12:22

Fele è lì é m̀o Aŋdulu ma. Aŋdulu da Fele dí lì dí m̀ó Zîsɛ ma.

Zɔ̂ŋ 6:8

Ŋɔpôlu-ƃelai dɔnɔ Aŋdulu, Samaŋ Pitɛ ǹeɣe, e mò ma, ǹyɛɛi,

Lûu 5:10

bere nɔ ƃe e kɛ̀ la a Zĩi da Zɔ̂ŋ, Zɛƃɛdi ǹônii, nyii kɛ̀ a Samaŋ m̀arâai. Kɛ́lɛ, Zîsɛ e mò Samaŋ ma, ǹyɛɛi, “Ífe yào, é kúla tãi ŋi ma, ya pâi kɛ̂i núu sonîi.”

Maafîu 4:18

Zîsɛ kɛ́ɛ siâi Galalii Poai kɔlɛi, è Samaŋ kàa, nyii ǹáa è kɛ̀ a Pitɛi, da ǹêɣe Aŋdulu, díkɛ deɣaŋ píli ǹyái su, kpɛ́ni fêi, dí kɛ̀ a nyɛ̃ɛ-kpɛ́-ƃela.

Lûu 11:49

Maa-mɛni ma Ɣâla Ŋɔtárei ǹyɛɛi, ‘Ŋa pâi lóno-kɛ-ƃela da sia-ƃela tɛɛ̂i dípɔ. Da pâi da-ni paâi, dí da-ni ŋɛi maa nɔ̃̂ɔ,’

M̀ɛni-lɛɛi 1:9

Ńyãa Zɔ̂ŋ, ńyãai ŋ́gaa a káƃarâŋ, ńyãai kwa kâa-ni kwa mɛni-kpɔlu kàa Zîsɛ kponôi, kwa kâa-ni kú Ŋ̀âla-taa kâloŋ laai sɔlɔ ƃo gîe-ma da nii-kpelei gáa kúyêei, dí ńdɛ̀ɛ tîŋ tɔnɔ su da dòli a Pamɔɔi, kpɛ́ni fêi, ŋá Ɣâla wóo ƃò ŋá Zîsɛ maa-sere-faa kɛ́.

Zɔ̂ŋ Veerɛi 1:1

Ńyãai ŋ́gaa a núu-pɔlɔi, ŋa kɔlɔ pɔ̃yɛ̂i ǹɛnîi pɔ́naa nyíi Ɣâla è nɛ̀i da ǹônii, nyíi-ŋai ŋá díwɛli ní dɔ̃yâi sui. Ńyãa tɔnɔ nɔ́ fêi, kɛ́lɛ ǹûai kélee dí dɔ̃yâi kɔ́lɔŋ, kwa dîa-ni ƃe,

Pitɛ Veerɛi 1:1

Ńyãa Samaŋ Pitɛ, ŋ́gaa a Zîsɛ Kôrai yée-mu-nuu da ŋɔsia-nûu, Diai ǹaa-laa maa-mɛni kpanaŋɔɔi sɔlɔ ƃo nyíi da kúwɔ̂i dí pɔ̂riɛɛi dɔ̃yâ-laai sârai nyíi kùla Kúɣâlai da Kúƃalo-nuui Zîsɛ Kôrai yêei.

Pitɛ Maa-ŋuŋ 1:1

Ńyãa Pitɛ, ŋ́gaa a Zîsɛ Kôrai ŋɔsia-nûu, Diai dítaa-taai Pɔŋtɔ, Galesia, Kapadôsia, Eesia, da Bɛtinia, yɛ̂ɛ ŋɔ̃yâ-ŋai,

Ibulu 3:1

Mɛni ma, m̀arâa maa waa-ŋai, káai kwa kâa-ni kú ŋ̀âla-taa toli-wooi mɛnii, ka kákili ŋá sía é pîlaŋ Zîsɛ ma, nyíi gáa a zia-nuui da zâla láa soŋ-nuu kɛ́tɛi yɛ̂ɛ berei kúlaa-lai káa lai.

Ifisiɛŋ 4:11

È núu da-ni tɛ̀ɛ kúpɔ a gɛ́ɛ dí kɛ́ a sia-ƃela, da-ni a Ɣâla ŋɔlóno kɛ́-ƃela, da-ni a Ɣâla-woo taa-taa-ƃela, da-ni a pasɛ-ŋa, da-ni dí ƃo a sɛŋ-lɛ-ƃela,

Kɔleŋtiɛŋ Maa-ŋuŋ 15:7

Nàa pôlu ma, è kùla Zĩi ŋɛ́i, nâa pôlu ma é kúla zia-ƃelai kélee ŋɛ́i.

Zia-ƃelai Kɛ́-mɛni-ŋai 12:2

È gɛ̀ dí Zɔ̂ŋ ǹîa Zĩi pàa a ƃóa-sɔkpɔ.

Zia-ƃelai Kɛ́-mɛni-ŋai 3:1

Pitɛ da Zɔ̂ŋ dí kɛ̀ liî Ŋ̀âla-pɛrɛ kɛ́tɛi mu a Ɣâla-fɛli tãi a vólo maa-laai.

Zia-ƃelai Kɛ́-mɛni-ŋai 1:26

Nya ƃe dí kpɛɛŋ tòo ǹúu feerɛi ŋí loai, gbɛɣɛŋ é ǹɛ̃ɛ a Matâya láa. Dí nâa bɛ̀lɛ zia-ƃela puu kao tɔnɔi dîa.

Zɔ̂ŋ 21:24

Ŋɔpôlu-nuui ŋi ƃe gáa mɛni-ŋai ŋí maa-sere-faa kɛ̂i. Ǹyaa ƃe ŋɔ́nɔ mɛni-ŋai ŋí pɔ̃yɛɛ̂i. Ǹyaŋ ku gɔ́lɔŋ a gɛɛ ŋɔsêre-wooi káa a tɔ̃yâ.

Zɔ̂ŋ 21:20

Pitɛ è tìnaŋ é bôlu-nuui, nyii Zîsɛ è ŋ̀wɛ́li níi, káa gɛ́ lɛ̀ɛ dípôlu, nyii kɛ̀ tíɣîŋ ni mà teƃelei mai, nyii mò, ǹyɛɛi, “Kúnuu-namui, gbɛ̂ɛ ƃa ǹúui pâi kulâi ípôlui?”

Zɔ̂ŋ 21:2

Samaŋ Pitɛ, Tama nyii da dòli a Ǹyuâi, Natɛnia Kena-nuui Galalii-lɔii su, Zɛƃɛdi ǹônii, da ŋɔpôlu-ƃelai gbeli feerɛ, dí kɛ̀ díkîe-ni ma.

Zɔ̂ŋ 20:2

Nya ƃe è lì a kîrɛ Samaŋ Pitɛ pɔ́ da ŋɔpôlu-nuui gbéli nyii Zîsɛ è ŋ̀wɛ́li níi, é mó dîa, ǹyɛɛi, “Daâ Kúnuu-namui kúla m̀olôŋ su, ǹyaŋ kúfe ƃɛ́i kɔ́lɔŋ dí ǹaa naai.”

Zɔ̂ŋ 13:23

Ŋɔpôlu-ƃelai dɔnɔ nyii Zîsɛ è ŋ̀wɛ́li ni, è kɛ̀ tíɣîŋ ni Zîsɛ kɔlɛ ḿâ.

Lûu 22:14

Nya ƃe tãi aƃai è sèri lai, è sèe teƃelei ma da ŋɔpôlu-ƃelai.

Lûu 22:8

Zîsɛ e Pitɛ da Zɔ̂ŋ tɛ̀ɛ, ǹyɛɛi, “Ka lí, ka dɛɛ-mɛi-kuui ŋɔmii-sɛŋ kpɛtɛ kúmɛni ma a gɛɛ ku m̀ii.”

Lûu 9:10

Tãi Zîsɛ ŋɔsia-ƃelai dí pà la pôlui, dí mɛnii kélee ƃò ma dí gɛ̀i. Nya ƃe e lì a dîa dítee-tee kwaa ma Bɛsaida kɔlɛ ma.

Mâki 13:3

Zîsɛ è kɛ̀ seêni Ŋulɔ-wuru Yeei ma, Ŋ̀âla-pɛrɛ Kɛ́tɛi téniŋ ma. Pitɛ, Zĩi, Zɔ̂ŋ, da Aŋdulu dí pà bɔ́ naa loo pere su dîyɛɛ m̀ai,

Mâki 1:29

Zîsɛ da ŋɔpôlu díkulaa Zûu-ŋai díkɔyâŋ too kwaai mai dí lì Samaŋ da Aŋdulu ní dípɛrɛi lá. Ŋɔpôlu-ƃelai feerɛi Zĩi da Zɔ̂ŋ dí kɛ̀ díƃarâai sáma.

Maafîu 26:37

È lì a Pitɛ è pɛlɛ Zɛƃɛdi ǹóŋ-surɔŋ feerɛi ma. Nya ƃe malôŋ è pɛ̀lɛ toôi ma, ǹíi kɛ́ kɔ́-kɔ.

Maafîu 20:20

Nya ƃe Zɛƃɛdi ŋɔnɛnii da ǹônii sinaa feerɛi dí pà Zîsɛ pɔ. È Zîsɛ marê kɛ̀ ǹônii mɛni ma.

Maafîu 17:1

Ɣele-kuu lɔ́ɔlu mɛi da tɛ́ɛ pôlu ma, Zîsɛ è Pitɛ sìɣe da Zĩi é pɛ́lɛ ǹêɣe Zɔ̂ŋ ma é lí a dia yée tɔ́ɔ tɔnɔ ma dítee-tee kwaa ma.

M̀ɛni-lɛɛi 22:8

Ńyãa Zɔ̂ŋ, ńyãa ƃe mɛni-ŋai ŋí mɛ̀ni ŋá díkaa. Ǹyaŋ tãi ŋá dímɛni lai ŋá díkâai, Ŋ̀âla-taa kelai nyíi dí lɛ̀ ḿâi, ŋá tòo gɔ́ɔ mu ŋá vɛ̀li.

M̀ɛni-lɛɛi 1:1

Zîsɛ Kôrai ŋɔmɛni-lɛ́ɛi nyíi Ɣâla è dɛ̀ɛ bɔ́ a gɛɛ m̀ɛnii pâi kɛ̂i a maa félaai é lɛ́ ǹyee-mu-ƃelai dîa. Ǹyaŋ è nyíŋi lɛ̀ a ŋɔkélai tɛ́ɛ ǹyée-mu-nuui Zɔ̂ŋ pɔ́naa.

Zɔ̂ŋ Zaaƃai 1:1

Ńyãai ŋ́gaa a ǹúu-pɔlɔi, ŋa kɔlɔ pɔ̃yɛɛ̂i ŋáwɛli-kɛ-maa-nuui Geeyɔ pɔ́naa nyíi ŋá ŋ̀wɛ̂li ni dɔ̃yâi sui.

M̀ɛni-lɛɛi 18:20

Óo Ɣâla-taa, ka m̀aa-lii-nɛ̃ɛ kula. Óo ŋ̀âla-ƃelai, da zia-ƃelai, é pɛ́lɛ Ɣâla ŋɔlóno-kɛ-ƃelai dîa, kpɛ́ni fêi, Ɣâla a tɔŋ-kpɛ́-maa tɛ́ɛ bɔ̂ kámɛni ma!

Mâki 6:30

Zîsɛ ŋɔsia-ƃelai dí pà pôlu bɔ́ naa, dí m̀o ma nyii kélee dí gɛ̀ dí ǹɛ́.

Zɔ̂ŋ 6:67

Zîsɛ e núu puu kao feerɛi marê kɛ̀, ǹyɛɛi, “Káa máŋ ka pâi liî?”

Zɔ̂ŋ 6:70

Zîsɛ e mò dîa, ǹyɛɛi, “Fe kásiɣe ni káa puu kao feerɛi, kátɔnɔ da ǹyaŋ kɛ́ ƃo a Dɛ̂ƃele?”

Zɔ̂ŋ 6:71

E kɛ̀ lônoi gɛ pîlaŋ Zudasi ma, Samaŋ Sekaria ǹóŋ. Kpɛ́ni fêi, ǹyaa ƃa ǹúu puu kao feerɛi dɔnɔi nyii pâi kulâi bôlui.