Lûu 8:3 - Ŋ̀âla Kɔlɔ Maa Waai

³ bɛlɛɛ Zoana ma nyii kɛ̀ a Ɛɛlɔ ŋɔpɛ́rɛi mɛi káa-nuu kɛ́tɛi Sûza ŋɔnɛnîi, da Suzana, bɛlɛɛ gbeli-ŋai dîa kɛ̀ kpɔnîi dîa a díyee-sãa.

Lûu 8:3 ပူးပေါင်းရင်းမြစ်များ

Kɔlɔnikɔ Maa-ŋuŋ 29:14

“Kɛ́lɛ gbɛ̂ɛ ƃa ńyãa a gɛ́ɛ kwa ŋánûai kú sama-sãa kɛ́ɛ ŋí tɛɛ ípɔi? Yá ƃé sɛŋ kélee è kùla íyêei. Íkpɔɔi sãai tá nɔ́ ká ŋí kwa dɛ̀ɛ ípɔi.

Azaya 23:18

Ŋ̀uŋ fela-fei kélee bɔni tɔɔ-ƃelai da pâi kɛ̂i gbɛɛ̂i ǹɔii ŋí sui, da pâi ǹâai kɛ̂i Yâwɛɛ ŋɔtíi mɛni ma. Zu ƃé diai da Yâwɛɛ fɛlii, díkɔnɔ̃ŋ da dímaa ɣiri-sãai da pâi kɛ̂i kulâi naa.

Maafîu 14:1

Ǹaa kɛ́ɛ tí, gâloŋ kɛ́tɛi Ɛɛlɔ è Zîsɛ maa-tuŋ mɛni.

Maafîu 14:3

Kpɛ́ni fêi, Ɛɛlɔ è Zɔ̂ŋ sòŋ é ŋìri é bili kpini-pɛrɛ mu, ǹêɣe Fele ŋɔnɛnîi Ɛɛlôdia mɛni ma. Kpɛ́ni fêi, Zɔ̂ŋ è mò ma, ǹyɛɛi,

Maafîu 14:6

Kɛ́lɛ, tãi dí kɛ̀ Ɛɛlɔ maa sɔlɔ ƃó-kuui bêle kɛ̂i lai, Ɛɛlôdia ǹóŋ-nɛnîi è mãla kpɔ́ gbɔŋ su é Ɛɛlɔ líi laa.

Maafîu 2:11

Tãi dí lɔ̀ la bɛ́rɛi mui, dí ǹôloŋ kàa ǹee Mere yêei. Dí tòo gɔ́ɔ mu dí vɛli. Dí díbɛbɛ-ŋai láa ƃò, dí sama-sã̂a tɛ̀ɛ bɔ́ yɛ̂ɛ gôo, wúru-malaŋ kúŋ nɛ̀ɛ, bɛlɛɛ wúlɔ kúŋ nɛ̃ɛ ma.

Maafîu 20:8

Tãi ɣele-wulii è kɛ̀ lai, gbâlaŋ-namui è mò gbâlaŋ mɛi-kaa-nuui ma ǹyɛɛ, ‘Díi-kɛ-ƃelai tóli í dífela fé é siɣe ǹúui gbɛɛ ŋái ma é tóo duɛ-tuɛi ma.’

Maafîu 25:40

Ǹyaŋ gâloŋ a pâi díwoo su toôi, ǹyɛɛ diai, ‘Ŋa tɔ̃yâ ƃoi kâa, yɛ̂ɛ berei máŋ ká gɛ̀ la ŋáwɛli-kɛ-maa-ƃelai ŋí guro-têi mìi, ká gɛ̀ mî.’

Maafîu 26:11

Kpɛ́ni fêi, gôlo-ƃelai díkaa kákɔlɛ a tãi kélee, kɛ́lɛ, ḿve pâi kɛ̂i kákɔlɛ a tãi kélee.

Maafîu 27:55

Ǹyaŋ nɛyâa támaa dí kɛ̀ naa, nyii-ŋai kùla Galalii, dí lɛ́ɛ Zîsɛ pôlu díkɛ tíi kɛ̀ mìi. Dí kɛ̀ kwaa kôyaa ma, dí mɛni-ŋai naa kàa.

Lûu 24:10

Dia ƃe kɛ̀ a Mere Madalini, da Zoana, bɛlɛɛ Zĩi ǹee Mere ma. Nɛyâai nyii-ŋai da dîa-ni dí kɛ̀ naai dí mɛni-ŋai ŋi ƃo ŋɔsia-ƃelai dîa;

Zɔ̂ŋ 12:6

Vé nyíŋi ƃó ní a gɛɛ è kɛ̀ a gbáaŋɔɔ gôlo-ƃelai mɛni ma. Kɛ́lɛ a gɛɛ ǹyaa kpîŋ è kɛ̀ a ŋúma-nuu, ǹyaŋ berei zɛŋ-kao gãlai è kɛ̀ la ǹyêei a kâa zɛŋ kûla naa da bù zui.

Zia-ƃelai Kɛ́-mɛni-ŋai 13:1

Ɣâla ŋɔlóno kɛ́-ƃela da zɛŋ lɛ́-ƃela dí kɛ̀ Kôrai-toli-kpɔŋ su Ɛŋtiɔ. Dia ƃé kɛ̀ a Banaba, Simiɔŋ nyíi da kâa dòli a Naigɛi, Lusiɔ, nyíi kɛ̀ a Sailini-nuui, da Manaɛŋ, nyíi dí díŋa kɔ̀ŋ gîe ma da gâloŋ kɛ́tɛi Ɛɛlɔ, é pɛ́lɛ Sɔ̂ɔ ma.

Kɔleŋtiɛŋ Veerɛi 8:9

Kpɛ́ni fêi, ka Kúnuu-namui Kôrai ŋɔƃɛlɛ-sêei kɔ́lɔŋ a gɛ́ɛ berei máŋ è kɛ̀ a dɔɔ lai, é máŋ kɛ́ ti è kɛ̀ a kôlo-nuu kámɛni ma a gɛ́ɛ ŋɔkôlo-laai sârai ká kɛ́ a tɔɔ-ƃela.

Felepiɛŋ 4:22

Ŋ̀âla-ƃelai kélee dí fàa kâa. Gâloŋ Siizɛ ŋɔpɛ́rɛi mu-ƃelai kpîŋ díwɔ̂i tɛɛ̂i.

Temete Maa-ŋuŋ 5:10

Bɔɔ-nɛnii nyíi da ǹáa pɔ̃yɛ kɔlɔ ma a pɔɔ-nɛnii, fɛ̂ɛ nûa dí ŋɔtíi lɛ́lɛɛi m̀aa sêre-faa kɛ́. Fɛ̂ɛ é kɛ́ a ǹúui a nîa-pɛlɛɛ kula zu, gɛ nûa soŋ a ǹɛ́lɛɛ, gɛ Ŋâla-ƃelai kɔ́ɔ maa waa, gɛ mɛni-kpɔ̂lu káa ƃelai kùla mɛni-kpɔ̂lu su, gɛ gbîŋ pu tíi lɛ́lɛɛ kɛ́ɛ su pere sii kélee sui.