Lûu 4:8 - Ŋ̀âla Kɔlɔ Maa Waai

⁸ Zîsɛ e ŋ̀óo su tòo, ǹyɛɛi, “Bɔ̃yɛɛ̂i, ‘Ínuu-namui Ɣâla fɛli í tíi kɛ́ nɔ mì ǹyaa tɔnɔ.’ ”

Lûu 4:8 ပူးပေါင်းရင်းမြစ်များ

Kâloŋ Veerɛi 19:15

È Yâwɛɛ fɛ̀li, “Óo Yâwɛɛ, Eezuɛ Ŋɔɣâlai, íkâloŋ see-sɛŋ káa gôoŋ-sãai mɛi-pere. Ƃía tɔnɔ nɔ́ ƃé íkaa a Ɣâla, ǹyaŋ ƃía tɔnɔ ƃé íkaa ǹɔii-ŋûŋ-ŋai mɛi ŋ̀éniɛi kélee su. Í ǹɔii kpɛ̂tɛ da ŋ̀elei.

Wule-woo-ŋa 83:18

Gɛ́ dí gɔ́lɔŋ a gɛɛ yá nɔ́ ƃa Yâwɛɛ, ǹyaŋ íwala-wala-laai káa ŋ̀éniɛi gwaa kélee mɛi.

Azaya 2:11

Ɣele a pâi tãi Yâwɛɛ a pâi núu-kpune ŋɔsu-mɛni kɛ̂tɛi da ŋɔyoŋka mɛni-ŋai kélee kperâi. Yâwɛɛ ǹyaa tɔ̂nɔ kpéŋ nɔ́ ƃé núu-kpune a pâi kɛ̂i ǹáa maa tɛ̂i, gɛ́ ƃaa kɛ́ maa tɛ̂ɛ bɔ́.

Maafîu 16:23

Nya ƃe è tìnaŋ Pitɛ pɔ-pere, ǹyɛɛ mai, “Sêtɔŋ, síɣe ŋ́gɔlɛ! Íkaa ḿbilîi ƃáre ŋá. Kpɛ́ni fêi, Ɣâla ŋɔmɛni fé íkili ŋá, fɛ̂ɛ núu ŋɔmɛni.”

Maafîu 4:10

Nya ƃe Zîsɛ è mò Dɛ̂ƃele ma, ǹyɛɛi, “Siɣe ŋ́gɔlɛ, Sêtɔŋ! Kpɛ́ni fêi, bɔ̃yɛɛ̂i, ‘Ínuu-namui Ɣâla fɛli, í tíi kɛ́ nɔ́ mì ǹyaa tɔnɔ.’ ”

Lûu 4:4

Zîsɛ e ŋ̀óo su tòo, ǹyɛɛi, “Bɔ̃yɛɛ̂i, ‘Núu fa ŋɔfúlu-laai kɛ̀ nɔ kpólo mii-mɛni ma.’ ”

Lûu 4:7

À kɛ̀ yà pɛ̀lɛ ŋ́gɔɔ mu, gélee a pâi kɛ̂i a ípɔɔ.”

Dutɛrɔnome 10:20

Ka ƃaa kɛ́-maa tɛ́ɛ Yâwɛɛ pɔ́, ká tíi kɛ́ mì. Ka maa mɛni siɣe a gbanaŋɔɔ. Ǹyaa nɔ́ ƃé ká káfoo ǹáai su.

Dutɛrɔnome 6:13

Ka ƃaa-kɛ-maa tɛ́ɛ bɔ́, ká tíi kɛ́ mì. Ǹyaa nɔ́ ƃé ka káfoo a ǹáa.

Zĩi 4:7

Mɛni ma ka kákpîŋ tɛ̀ɛ Ɣâla pɔ́. Ka tɔ̂ɔ Dɛ̂ƃelei mâ, gɛ̀ ní a pâi pûi é siɣe kápôlu.

Pitɛ Maa-ŋuŋ 5:9

Ka kɔ́ bɔ ká tɔ́ɔ a gbanaŋɔɔ kálaa-lai su. Ka gɔlɔŋ a gɛɛ mɛni-soli tɔnɔi tí káa kánûai kponôi ǹɔii gwaa kélee.

M̀ɛni-lɛɛi 19:10

Ǹaa pôlu mà, ŋá tòo gɔ́ɔ mu a gɛɛ ŋa vɛ̀li, kɛ́lɛ, è mò mâ, nyɛɛi, “Ífe nyíti kɛ̀! Kwa káa-ni kúkaa nɔ́ a yée-mu-ƃela kwa íƃarâai, nyíi-ŋai da Zîsɛ ŋɔsêre-faai maa-mɛni sòŋ a gbanaŋɔɔ̂i. Ɣâla fɛli.” Kpɛ́ni fêi, Zîsɛ ŋɔsêre-faa-kɛɛi ƃa núu-kpune kɛ̀ é Ɣâla-woo ƃó.

M̀ɛni-lɛɛi 22:9

Kɛ́lɛ, è m̀o mâ, nyɛɛi, “Ífe nyíti kɛ̀! Kwa káa-ni kúkaa nɔ́ a yée-mu-ƃela kwa íƃarâai, nyíi-ŋai díkaa a Ɣâla ŋɔlóno-kɛ-ƃelai, da diai da gɔlɔi ŋí wóo-ŋai lâai kɛ̀i. Ɣâla fɛ̀li.”

Samia Maa-ŋuŋ 7:3

Samia è mò Eezuɛ-ƃelai dîa ǹyɛɛi, “À kɛ̀ ká ŋ̀wɛ̂lii ká tínaŋ Yâwɛɛ pɔ́naa pere, gɛ̀ ní ka ǹɛ́ ma. Ká ŋ̀âla da kpɛ́ni-ŋai kélee kúla kásama da ŋ̀âla nɛnii Asitate pɔkɔɔŋ. Ka tínaŋ Yâwɛɛ pɔ́naa pere a kálii kélee ká vɛli. Gɛ̀ ní a pâi káŋuŋ ma ƃôi Felesia-ŋai yêei.”