Lûu 4:7 - Ŋ̀âla Kɔlɔ Maa Waai

⁷ À kɛ̀ yà pɛ̀lɛ ŋ́gɔɔ mu, gélee a pâi kɛ̂i a ípɔɔ.”

Lûu 4:7 ပူးပေါင်းရင်းမြစ်များ

Wule-woo-ŋa 72:11

Tɔɔ ǹɔii-kpiniŋ-ŋai mɛi kâloŋ-ŋai kélee dí tóo gɔ́ɔ mu, ǹɔii-ŋûŋ-ŋai su-ƃelai kélee dí kɛ́ a ŋɔtíi kɛ́-ƃela.

Azaya 45:14

Yâwɛɛ è mò Eezuɛ mà ǹyɛɛi, “Ŋa pâi Ize da Itiopia-ƃelai dítɔɔ-sãai kulâi díyêei ŋá dɛɛ kápɔ. Siba kɔ-kuluƃa-ŋa kôyaa-kôyaa wála-wala-ŋai da pâi kɛ̂i a kápɔɔ. Da pâi kɛ̂i a luɛ-ŋa káyêei. Ka pâi dítôoi yɔlɛ ŋá, ƃɛ́i kélee ka lì naai dí ƃò kápôlu. Da pâi pɛlɛ̂ɛi a kákɔɔ dí kɛ́ mò, dîyɛɛi, ‘Káɣâlai nɔ́ ƃa dɔ̃yâ Ɣalai. Ɣâla da kpɛ́ni fé naa é kúla bôlu.

Azaya 46:6

Nûa da díyee lɔ̀ díkolâ-ŋai su dí gôo da káne-ŋa kùla naa, dí díwuyɛ kɔ̂ɔŋ, dí kɔli ɣale-ƃela féla fé la a gɛ́ɛ dí ɣâla pɔkɔɔŋ-ŋa kpɛtɛ la dîɛ dí díkɛ a díɣâla-ŋa. À kɛ̀ tí, da pɛ̂lɛ m̀aa ɣâla pɔkɔɔŋ-ŋai ŋí kɔ́ɔ mu díkɛ dífɛli.

Maafîu 2:11

Tãi dí lɔ̀ la bɛ́rɛi mui, dí ǹôloŋ kàa ǹee Mere yêei. Dí tòo gɔ́ɔ mu dí vɛli. Dí díbɛbɛ-ŋai láa ƃò, dí sama-sã̂a tɛ̀ɛ bɔ́ yɛ̂ɛ gôo, wúru-malaŋ kúŋ nɛ̀ɛ, bɛlɛɛ wúlɔ kúŋ nɛ̃ɛ ma.

Lûu 17:16

È tòo Zîsɛ kɔ́ɔ mu, gɛ sɛɣɛ̂i-fei tɛɛ bɔ́. Nalôŋ è kɛ̀ a Sameria-nuu.

Lûu 4:6

nya ƃe Dɛ̂ƃele e mò ma, ǹyɛɛi, “Ŋa pâi ŋwála-wala-laai ŋi kélee tɛɛ̂i ípɔ bɛlɛɛ dífolo-laai ma, kpɛ́ni fêi, dɛɛ̂i ḿbɔ, ǹyaŋ, ǹúui kélee ŋa ŋ̀wɛli ŋa dɛɛ bɔi, ŋa dɛ̀ɛ bɔ.

Lûu 4:8

Zîsɛ e ŋ̀óo su tòo, ǹyɛɛi, “Bɔ̃yɛɛ̂i, ‘Ínuu-namui Ɣâla fɛli í tíi kɛ́ nɔ mì ǹyaa tɔnɔ.’ ”

Lûu 8:28

Gɛɛ a Zîsɛ káai, e làɣi e too gɔ́ɔ mu e m̀ó a ŋ̀óo su kɛ́tɛ, ǹyɛɛi, “Le-mɛni ƃe íyeêi í gɛ́ a ńyãa, Zîsɛ, yái a Ŋ̀âla Gɛ́tɛi Ǹóŋ? Ŋa íkpera fêi, ífe ŋ́ɛi maa nɔ̃̂ɔ.”

M̀ɛni-lɛɛi 22:8

Ńyãa Zɔ̂ŋ, ńyãa ƃe mɛni-ŋai ŋí mɛ̀ni ŋá díkaa. Ǹyaŋ tãi ŋá dímɛni lai ŋá díkâai, Ŋ̀âla-taa kelai nyíi dí lɛ̀ ḿâi, ŋá tòo gɔ́ɔ mu ŋá vɛ̀li.

M̀ɛni-lɛɛi 4:10

ǹúu-pɔlɔ buu feerɛ kao náaŋ da tôo ǹúui kɔ́ɔ mu gáa seêni gâloŋ-see-sɛŋ ŋái, dí ǹúui fɛli gáa nɔ́ naa wɔlɔ-wɔlɔ da wɔlɔ-wɔlɔi. Da díƃɔrɔ-ŋai pu gâloŋ-see-sɛŋ ŋɛ́i-tuɛ, díkɛ wule too, díyɛɛi,

M̀ɛni-lɛɛi 5:8

Tãi è gɔlɔi kûla la ǹyêei, vúlu-sãa náaŋ da ǹúu-pɔlɔ buu feerɛ kao náaŋ dí tòo M̀ála-loŋ kɔ́ɔ mu, kɔnîŋ kɛ́ ƃô díkelee díyêei da gôo-pane-ŋa, kereŋ-sɛŋ kúŋ nɛ̃ɛ kɛ́ ƃo dísu, nyíi gáa a Ŋ̀âla-ƃela Díɣâla-fɛliɛɛi.