Lûu 24:11 - Ŋ̀âla Kɔlɔ Maa Waai

¹¹ kɛ́lɛ, ŋ̀óo-ŋai ŋi dí kɛ̀ nɔ dîa a ƃoo-woo-ŋa. Nya ƃe dífe dísiɣe ni a tɔ̃yâ. [

Lûu 24:11 ပူးပေါင်းရင်းမြစ်များ

Mâki 16:11

Kɛ́lɛ, gɛ́ɛ da m̀ɛni a gɛ́ɛ Zîsɛ káa a vúlu Mere a gáai, dífe láa ní la.

Lûu 24:25

Nya ƃe è mò dîa, ǹyɛɛi, “Óo, ƃoo-ƃela, káai kámɛni ŋá káa la wâlai, káfe m̀ɛni siɣêi a tɔ̃yâ nyii kélee Ɣâla ŋɔlóno kɛ́-ƃelai dí mòi!

Wule-woo-ŋa 126:1

Tãi Yâwɛɛ è lène la a kûa pôlu Zerusâlɛŋ, è kɛ̀ nɔ́ yɛ̂ɛ nyiî pere.

Zôo 9:16

À kɛ̀ ŋa Ɣâla sɔŋ lâa gâloŋ ŋɛ́i a gɛɛ kú mɛni-saa ƃó, ḿve pâi lâai la a gɛɛ Ɣâla a pâi ŋ̀oli tɔɔ̂i ḿâ.

Zɛnɛse 19:14

Nya ƃe La è lì é mó zinâai dîa, nyii-ŋai kɛ̀ pâi ǹônii-nɛyâai kulâi a dínɛyâai, ǹyɛɛi, “Ka kámu síɣe ká kúla ƃɛ́, kpɛ́ni fêi, Yâwɛɛ a kɛ́ pâi daai ŋí su karâi.” Kɛ́lɛ è kɛ̀ nɔ́ díŋɛi a pêle.

Zia-ƃelai Kɛ́-mɛni-ŋai 12:9

È kùla ŋínii ŋá é lɛ́ɛ bôlu. Kɛ́lɛ, vé kɛ́ ní mɛni-ŋai ŋá kâai kɛ̀ kɛ̂i. È kɛ̀ nɔ́ gâai yɛ̂ɛ seêi pere mɛni.

Kâloŋ Veerɛi 7:2

Gâloŋ mɛi káa-nuu kɛ́tɛi kɛ̀ naa gâloŋ kɔlɛi è zu tòo ǹyɛɛi, “Ḿve láa-ni la! A nɛ̃ɛ ma kpîŋ Yâwɛɛ é ŋ̀ele kɔ̂lɔŋ lá ƃó a gɛɛ mii-sɛŋ é pú ǹɔii ma, va pɔ̂ri mii-sɛ̂ŋ kɛ́ɛ tí kɛ̂i a gɛɛ é tínaa kɛ́ naa!” Ilasa è ŋ̀óo su tòo ǹyɛɛi, “Ƃa pâi gâai é kɛ́, kɛ́lɛ ífe pâi maa mii-sɛŋ da miî.”

Mâki 16:13

Dí lì pôlu dí m̀ó díƃaâi gbeli-ŋai dîa, kɛ́lɛ, díaŋ dífe zìɣe ní a tɔ̃yâ.

Mâki 16:14

Gbɛɛ ŋái, Zîsɛ è kùla ŋɔpôlu-ƃelai buu kao tɔnɔ ŋɛ́i díkɛɛ kɛ̀ dílaa miî. È lono dîa, kpɛ́ni fêi, dífe láa ní kɛ̀ a m̀aa mɛni. Díwolii è kɛ̀ a gbɔ̂lɔɔ. Díai ǹyaa Zîsɛ kàa m̀u-siɣe yêei pôlu ma dí m̀ó dîai dífe díwoo siɣe ní a tɔ̃yâ.

Lûu 24:41

Kɛ́lɛ, berei dífe laa ni la a dílii-nɛ̃ɛ-perei, dípɛlɛ e pù, é m̀ó dîa, ǹyɛɛi, “Sɛŋ da káa ƃɛ mii-mɛni ma?”