Lûu 22:2 - Ŋ̀âla Kɔlɔ Maa Waai

² Nya ƃe zâla láa soŋ-ƃela kpaya-kpayai da gɔlɔ-pɔ̃yɛ-ƃelai dí kɛ̀ pere kɔ́rîi a gɛɛ dí bàa. Kɛ́lɛ, dí kɛ̀ yáôi ǹûai dîa.

Lûu 22:2 ပူးပေါင်းရင်းမြစ်များ

Maafîu 12:14

Kɛ́lɛ, Faresii-ŋai dí díŋuŋ pìlaŋ ǹáa mà a gɛɛ dí bàa pere kɔ̂ri.

Maafîu 21:38

Kɛ́lɛ, tãi díi-kɛ-ƃelai dí bɛ́rɛ-namui ǹóŋ kâa lai, dí mò díkîe-ni loai, dîyɛɛi, ‘Bɔɔ-sɛŋ-namu ká ŋí. Ka pá kú bàa, ku ŋɔpɔɔ-sɛŋ kúla ǹyêei.’

Maafîu 26:2

“Ka gɔ́lɔŋ a gɛɛ ɣele-kûu feerɛ à tɛ̀ɛ, gɛ̀ ní, Dɛɛ-mɛi Kûui ŋ̀ele a seri, ǹyaŋ da pâi núu-kpune Ǹóŋ sonîi a gɛɛ dí gbamo saa-wuru ma.”

Mâki 14:1

Ɣele feerɛ è lɛ̀ɛ a gɛ́ɛ Dɛɛ-mɛi kûui é seri da Dɛ́-sɛŋ fé kpoloi maa kûui. Zâla láa soŋ-ƃela kpaya-kpaya da Dɔ̂ŋ lɛ́-ƃelai dí kɛ̀ pere kɔ́rîi a gɛ́ɛ dí Zîsɛ soŋ a gbana pere dí bàa.

Lûu 20:19

Zâla láa soŋ-ƃela kpaya-kpayai da gɔlɔ-pɔ̃yɛ-ƃelai dí kɔ̀ a gɛɛ dí zoŋ nɔ a tãi ti; kɛ́lɛ, dí yào ǹûai dîa, kpɛ́ni fêi, dí gɔ̀lɔŋ e záŋ ŋi sɔ̀ɔ e pîlaŋ díkpîŋ dîa.

Zɔ̂ŋ 11:57

Ǹyaŋ zâla láa soŋ-ƃela kpaya-kpayai da Faresii-ŋai da nâa díwoo tɛ́ɛ a gɛɛ, à kɛ̀ núu da e ƃɛ́i kɔ́lɔŋ gáa naai, é dílɛɛ naa dí gɔ́lɔŋ a gɛɛ dí zoŋ.

Zia-ƃelai Kɛ́-mɛni-ŋai 4:27

Tɔ̃yâ ma daai ŋí su Ɛɛlɔ, Pɔ̃ŋtiɛ Pâle, Zɛ̃tai-ŋai da Eezuɛ-ŋai dí díŋaa tɛ̀ gîe ma a gɛ́ɛ dí kɔ́ íyee-mu-nuu maa waai Zîsɛ pɔ́ nyíi í nɛ̀i.